2 SAMƲƐL 22:29 - WƖA TENIŊ

²⁹ Mɩ TƖƖNA nɛ ŋaa mɩ chaanɩŋ, ŋ leŋe biriŋ-la tʋɔŋ mɩ sɩ hɛ bɩrɩmɛ pʋlʋmʋŋ nɛ.

2 SAMƲƐL 22:29 ပူးပေါင်းရင်းမြစ်များ

2 SAMƲƐL 21:17

Ama Zeruya nanʋala Abɩsaɩ kʋ kpʋ Fɩlɩsɩtɩa tɩɩna-la, a laa Devit ta. Ŋɩɩ nɛ Devit laalɩyuoroo ŋmɩɛsa pʋ a bʋl, “La bɩra bɩ chɛ dɩ ŋ to la harɩŋ a mʋ laalɩŋ. Iziral tɩŋŋaa yɩɛlaa kala hɛ ŋ lɛ nɛ, la bɩ jaŋ cho dɩ ba kpʋŋ.”

1 KUOROO 11:36

Mɩ jaŋ joŋ doho bala pɩ ʋ nanʋala dɩ ʋ bibeŋ, dɩ mɩ tɩntɩnna Devit doho nɩaa ha wuo didii kuoruŋ Jerusalɛm lɛ, taŋ-la mɩ sɩ lɩɩsa dɩ ba dɩdɛnnɛmɛ nɩmɛ.

JOB 29:3

Ʋ chaanɩŋ fa yie chaanɛ mɩ nyuŋ nɛ, ʋ pʋlʋmʋŋ laa mɩ sɩpaaŋ birimiŋ tʋɔŋ mɩ vɩvɛŋ.

WƖA YƖƖLAA 112:4

Nɩalɩŋ sɩ bɩ wʋcheeli kɛnɛ arɩ nɩalɩŋ sɩɩ fá nɩaa nenige, nɩalɩŋ sɩ kɛŋ zile arɩ nɩalɩŋ sɩ kɛŋ wʋtɩtɩɩ, dɩ ba nɛ hɛ birimiŋ tʋɔŋ ma, pʋlʋmʋŋ yie chaana pɩba nɛ.

WƖA YƖƖLAA 18:28

Mɩ Tɩɩna, ŋ leŋe mɩ chaanɩŋ chol nɛ a didii, mɩ Wɩa leŋe biriŋ-la tʋɔŋ mɩ sɩ hɛ bɩrɩmɛ pʋlʋmʋŋ nɛ.

WƖA YƖƖLAA 27:1

La Tɩɩna nɛ ŋaa mɩ pʋlʋmʋŋ arɩ mɩ Laataara, mɩ bɩ kʋŋkala ka fá. La Tɩɩna nɛ ŋaa mɩ dɩ-duoŋ, mɩ bɩ nʋʋkala ka fá.

WƖA YƖƖLAA 4:6

Nɩ-daŋ nɩɩ pɩɛsʋ, “Kʋbɛɛ nɛ jaŋ ŋaa wʋzɔŋŋɔɔ la lɛ?” La Tɩɩna, leŋ dɩ ŋ pʋlʋmʋŋ chaana hɛ la lɛ.

WƖA YƖƖLAA 84:11

La Tɩɩna Wɩa nagɛ wɩɩpɔsʋŋ nɛ la teeŋ a chu tɔla. La Tɩɩna kɛŋ chonuŋ arɩ zile, ʋ bɩ kʋzɔŋ kala joŋo faa nɩalɩŋ sɩɩ ŋaa wɩaa ba bʋa lɛ.

WƖA YƖƖLAA 97:11

Wɩa pʋlʋmʋŋ chaana hɛ tʋɔpʋl tɩŋŋaa lɛ nɛ, a ŋaa nɩalɩŋ wʋŋaalaa sɩ tʋʋla ma tʋɔŋ tɔrɛ.

AZAAYA 50:10

Ma nɩalɩŋ kala sɩɩ zil La TƖƖNA, a sɛɩ wɩalɩŋ kala ʋ tɩntɩnna sɩ bʋla, dɩ ma nɩɩ vɛŋ birimiŋ lim tʋɔŋ a bɩ nyiniŋ kɛnɛ ma, má laa La TƖƖNA dii, a bibeŋ ma Wɩa lɛ.

MƖKA 7:9

Mɩ ŋaa wʋbɔŋŋɔɔ nɛ La TƖƖNA lɛ, ŋɩɩ wɩaa mɩ jaŋ nyalɩmɛ baaŋ-la ʋ sɩ na mɩ nyuŋ, a kaa mʋ yi bʋa-la lɛ ʋ sɩ jaŋ laa mɩ wɩɩŋ jɩma pɩmɛ a leŋ dɩ mɩ laa kʋsɩŋŋaa. Ʋ jaŋ kɛmmɛ kʋ lɩɩ pʋlʋmʋŋ, dɩ mɩ na ŋɩɩ ʋ sɩ laamɛ ta.

MALAKAƖ 4:2

Ama, ma nɩalɩŋ sɩɩ zilmi, mɩ doluŋ jaŋ hɛ ma lɛ a nagɛ wɩɩpɔsʋŋ dɩ ma duori. Ma jaŋ lɩɩ fɩla jʋɔsɛ a nagɛ ba sɩ kɛŋ nɛ-biiriŋ suro ta ba lɩɩ jʋjʋɔsɛ.

Jɔɔŋ 12:46

Mɩ kʋ tuu dʋnɩa dɩ mɩ ŋaa dʋnɩa pʋlʋmʋŋ nɛ a chaanɛ. Nɩɩ-la kala sɩ laa mɩ wɩaa dii bɩra bɩ jaŋ hɛ birimiŋ tʋɔŋ.

Jɔɔŋ 8:12

Ŋɩɩ nɛ Yesu bɩra suomi a dɩdagɛ nɩaa, a bʋla pɩba, “Mɩ nɛ ŋaa dʋnɩa nɩaa pʋlʋmʋŋ, nɩɩ-la kala sɩ tomi, ʋ bɩ jaŋ vɛŋ birimiŋ tʋɔŋ. Ama ʋ jaŋ kɛŋ pʋlʋŋ sɩɩ pɩ nɩaa mɩɩsɩŋ.”

Jɔɔŋ Wʋnaalaa 21:23

Tabal-la bɩra bɩ wɩɩpɔsʋŋ arɩ chɛnɛ ka chɛ, bɛɛ wɩaa Wɩa tʋla nɛ ŋaa ba pʋlʋmʋŋ. Pie-bie-la ma nɛ ŋaa ba chaanɩŋ.