2 SAMƲƐL 22:2 - WƖA TENIŊ

² Ʋ sɩ, “La TƖƖNA, ŋ nagɛ bʋŋ nɛ mɩ teeŋ, ŋ nɛ mɩ dɩ-duoŋ, ŋ nɛ laamɛ tɩta.

2 SAMƲƐL 22:2 ပူးပေါင်းရင်းမြစ်များ

2 SAMƲƐL 22:32

Wɩa dɔŋ hɛ nɩmɛ a pɛ LA TƖƖNA Wɩa lɛɛ? Kʋbɛɛ nɛ kɛŋ doluŋ dɩ la Wɩa dee?

2 SAMƲƐL 22:33

Wɩa nɛ pɩmɛ doluŋ, a leŋ mɩ wombiiŋ chaasa zɔŋ.

2 SAMƲƐL 23:3

Iziral Wɩa, nɩɩ-la sɩ kɛŋ doluŋ a nagɛ bʋŋ bʋla pɩmɛ: ‘Dɩ kuoro nɛ kɛŋ tʋɔpʋla a bibeŋ ʋ nɩaa nyuŋ, a to Wɩa niiŋ lɛ a bibemba,

WƖA YƖƖLAA 144:2

Ʋ nɛ mɩ Wɩa a chomi, ʋ nɛ ŋaa mɩ dɩ-duoŋ arɩ mɩ Laataara, ʋ nɛ chu tɔmɛ, ʋ nɛ mɩ yuori. Ʋ nɛ leŋe mɩ yuo dii tinteyee a kɛŋ doluŋ ba lɛ.

WƖA YƖƖLAA 31:3

Ŋ nagɛ bʋŋ nɛ mɩ teeŋ, a ŋaa mɩ dɩ-duoŋ. Laa mɩ sɩpaaŋ a dagɛmɛ wombiiŋ a tɩŋ ŋ yɩrɩŋ wɩaa.

WƖA YƖƖLAA 42:9

Mɩ pɩɛsɛ Wɩa sɩ ŋaa mɩ dɩ-duoŋ, “Bɛɛ nɛ tɩɩ ŋ yʋ mɩ wɩaa? Bɛɛ nɛ tɩɩ ŋ leŋ mɩ dʋndɔŋŋɔɔ dʋdɔgɩsɛmɛ mɩ gɔllɔ baarɛ a yiyel?”

WƖA YƖƖLAA 71:3

Ŋ nagɛ bʋŋ nɛ mɩ teeŋ mɩ yuori, lee-la mɩ sɩ jaŋ wuo mʋ bʋa na-kala. Bʋla laamɛ ta, ŋ nagɛ bʋŋ nɛ mɩ teeŋ, ŋ nɛ mɩ dɩɩ-duoŋ.

WƖA YƖƖLAA 91:2

Ʋ jaŋ wuo bʋl, “La Tɩɩna, ŋ nɛ mɩ yuori, ŋ nɛ ŋaa mɩ dɩɩ-duoŋ arɩ mɩ Wɩa, mɩ laaŋ dii nɛ.”

NAMAGABA 18:10

La Tɩɩna yɩrɩŋ kɛŋ doluŋ a nagɛ dɩɩ-leŋiŋ nɛ, tʋɔpʋl tɩŋŋaa yie fá jʋʋ faa nɩmɛ, wɩɩkala bɩ ba lɛ ŋaa.

Matiu 16:18

Ŋɩɩ wɩaa Pɩɩta, mɩ bʋlaa pɩŋ arɩ ŋ nagɛ bʋŋ nɛ. Bʋŋ-la nyuŋ nɛ mɩ jaŋ saa nɩalɩŋ sɩ laa mɩ wɩaa dii dɩa. Sʋʋŋ ma bɩ jaŋ wuo yigi dɩa-la lo.

MOSIS BƖRA WULLI WƖA WOMBIIŊ 32:4

Ʋ doluŋ nagɛ bʋŋ nɛ, a ŋɩŋaa wɩaa ba bʋa lɛ. Ʋ kɛŋ tɛŋɛ nɛ woruŋ ʋ wombiee kala lɛ. Ʋ ŋaa Wɩa sɩ kɛŋ wʋtɩtɩɩ a bɩ wɩaa ka chei nɛ.

1 SAMƲƐL 2:2

Nʋʋkala tuo a bɩ disiniŋ kɛnɛ, see La TƖƖNA dʋndʋŋa, nʋʋkala tuo a magʋ. Nʋʋkala tuo a jaŋ wuo pɔla a magɛ la Wɩa.

1 SAMƲƐL 23:25

Ka Sɔɔl arɩ ʋ nɩaa suomo chɩchɛ Devit. Devit nɩɩ wɩɩ-la, a sii mʋ faa bʋŋ kʋbala sɩ hɛ Mayɔŋ tintee-hɩlɩŋ lɛ. Sɔɔl nɩɩ a sii kiri Devit libe mʋ bʋŋ-la leriŋ.

1 SAMƲƐL 24:2

Ŋɩɩ nɛ Sɔɔl tʋɔsɛ laalɩyuoroo bʋɩ batori sɩ jɩŋ laalɩŋ yuonuŋ woruŋ Iziral tinteeŋ lɛ, a kaa lɩɩ gɔllɔ chɩchɛ Devit arɩ ʋ nɩaa, a kpagɛ tɛhɩɩba bʋsʋ-la leriŋ.