2 SAMƲƐL 21:7 - WƖA TENIŊ

⁷ Kuoro Devit fa leŋ Sɔɔl nanʋala Jonataŋ bie Mɛfɩbɔsɛf-na nɛ, a tɩŋ nii-la ʋ dɩ Sɔɔl nanʋala Jonataŋ fa sɩ hɛ pɩ dɔŋɔ La TƖƖNA sɩpaaŋ wɩaa.

2 SAMƲƐL 21:7 ပူးပေါင်းရင်းမြစ်များ

2 SAMƲƐL 16:4

Ŋɩɩ nɛ kuoro bɩra bʋla pɩ Ziba, “Mɛfɩbɔsɛf fa sɩ tɩɩ kɩalɩŋ kala, lɛɛlɛ ba ŋaa ŋ kɩaa nɛ.” Ziba bʋl, “Kuoro mɩ nɩhɩaŋ, mɩ ŋaa ŋ tɩntɩnnʋ nɛ, a leŋ dɩ ŋ tʋɔŋ tɔrɛ mɩ nyuŋ bʋa na-kala.”

2 SAMƲƐL 19:25

Ʋ sɩ mʋ yi, kuoro pɩɛsʋ, “Mɛfɩbɔsɛf, bɛɛ nɛ tɩɩ ŋ bɩ mɩ harɩŋ to mʋ?”

2 SAMƲƐL 4:4

(Sɔɔl nanʋala Jonataŋ fa kɛŋ hambolibie nɛ, ʋ yɩrɩŋ nɛ Mɛfɩbɔsɛf a ŋaa gbɛrɩgʋ. Ʋ fa ŋaa jɩsɩŋ banɔŋ nɛ, ka ba lɩɩ Jɛzɩrɛl a kʋ bʋl Sɔɔl arɩ Jonataŋ sʋʋŋ wɩaa. Bʋa-la lɛ nɩɩ-la sɩɩ benu sii joŋu dɩ ʋ fá, ʋ sɩɩ pesi ŋɩɩ dɩ ʋ lɩɩ, bile foro tel a gbɛrɩgɛ.)

2 SAMƲƐL 9:1

Tapʋlɩɩ kʋbala Devit pɩɛsɛ, “Nʋʋ ha hɛ Sɔɔl dɩa lɛ mɩ sɩ jaŋ wuo dii zile ʋ lɛ, a tɩŋ Jonataŋ wɩaa?”

2 SAMƲƐL 9:10

Ŋ dɩ ŋ hambolibiisiŋ arɩ ŋ tɩntɩnnaa nɛ jaŋ pɩpɛrɛ tintee-la lɛ, a kɛŋ baga-la kɩaa kʋʋ pɩ ŋ nɩhɩaŋ dɩa nɩaa dɩ ba didii. Ŋ nɩhɩaŋ nihiŋ Mɛfɩbɔsɛf-na jaŋ didii kɩaa mɩ dɩa lɛ.” (Ziba fa kɛŋ hambolibiisiŋ fii arɩ banɔŋ nɛ, tɩntɩnnaa ma mara.)

2 SAMƲƐL 9:6

Jonataŋ nanʋala Mɛfɩbɔsɛf, Sɔɔl nihiŋ sɩ kɔ Devit teeŋ, ʋ tuu kpirimi ʋ sɩpaaŋ nɛ a zilu. Devit yɩrʋ, “Mɛfɩbɔsɛf!” Ʋ bʋl, “Namɛ, kuoro.”

2 SAMƲƐL 9:7

Devit bʋla pʋ, “Sɩ́ leŋe dɩ ŋ bɔyɛ joŋ, mɩ jaŋ chaasa dagɛ mɩ chonuŋ a pɩŋ a tɩŋ ŋ nyɩmma Jonataŋ wɩaa. Mɩ jaŋ joŋ tintee-la kala sɩ ŋaa ŋ naabalɩma Sɔɔl kʋŋ a pɩŋ, aŋ ka dɩ ŋ didii kɩaa ma mɩ dɩa lɛ bʋa na-kala.”

TƖƖCHA 8:2

To kuoro wʋdagaa, a tɩŋ nii-la ŋ sɩ ta Wɩa sɩpaaŋ wɩaa.

1 SAMƲƐL 18:3

Jonataŋ sɩ cho Devit arɩ ʋ sɩ cho ʋ tɩtɩa ŋɩɩ, ʋ hɛ niiŋ a pʋ arɩ ba jaŋ ŋaa nandɔsɛ a kaa mʋ wuu.

1 SAMƲƐL 20:12

Ŋɩɩ nɛ Jonataŋ bɩra bʋla pɩ Devit, “La TƖƖNA Iziral tɩŋŋaa Wɩa nɛ jaŋ ŋaa la pɛ-naara, chietuo bʋa deeŋ lɛ, mɩ jaŋ chaasa pɩɛsɛ mɩ nyɩmma a na tʋɔbɩɩna-la ʋ sɩ kɛnɛ a tɩgɛ ŋ lɛ, dɩ ba ŋaa tʋɔbɩɩŋ zɔmɔ nɛ koo ɛɛ nɛ. Dɩ tʋɔ-la ʋ sɩ kɛnɛ arɩŋ nɛ zɔmɔ, mɩ jaŋ leŋ dɩ ŋ jɩŋ.

1 SAMƲƐL 20:15

Dɩ mɩ nɛ sʋba ma, kɛŋ chono-la tɩtɩa mɩ dɩa nɩaa ma lɛ a kaa mʋ wuu, dɩ La TƖƖNA nɛ paala kpʋ ŋ-na Devit dʋndɔŋŋɔɔ kala dɛrɛ tinteeŋ lɛ ma.”

1 SAMƲƐL 20:17

Jonataŋ leŋ Devit bɩra wasa hɛ niiŋ pʋ arɩ ʋ jaŋ chou a kaa mʋ wuu, bɛɛ wɩaa Jonataŋ cho Devit nɛ woruŋ arɩ ʋ sɩ cho ʋ tɩtɩa ŋɩɩ.

1 SAMƲƐL 20:42

Ŋɩɩ nɛ Jonataŋ bʋla pɩ Devit, “Ŋ jaŋ mʋ woruŋ. Mɩ dɩŋ ŋmɩɛsa pɩ dɔŋɔ nɛ La TƖƖNA yɩrɩŋ lɛ a ŋaa nandɔsɛ. La TƖƖNA nɛ ŋaa la pɛ-naara, a ŋaa mɩ doho nɩaa arɩ ŋ doho nɩaa ma pɛgɛ pɛ-naara a kaa mʋ wuu.” Ŋɩɩ nɛ Devit viiri, ka Jonataŋ ma mɩɩra mʋ dɩa.

1 SAMƲƐL 20:8

Ŋ-na Jonataŋ, mɩɩ sʋlʋŋ, dagɛ ŋ chonuŋ pɩ mɩ-na ŋ tɩntɩnna, aŋ leŋ dɩ nii-la ŋ sɩ hɛ pɩmɛ La TƖƖNA sɩpaaŋ arɩ mɩ dɩŋ jaŋ ŋaa nandɔŋ-zɔmɔ a kaa mʋ wuu chɩŋ. Ama dɩ mɩ nɛ ŋaa wɩɩ a chei, ŋ tɩtɩa nɛ maga dɩ ŋ kpʋmɛ. Sɩ́ mɩ joŋo hɛ ŋ nyɩmma nɩsɩŋ lɛ dɩ ʋ kpʋmɛ.”

1 SAMƲƐL 23:18

Ba balɩamɩŋ bɩra leŋ nii-la ba sɩ hɛ pɩ dɔŋɔ La TƖƖNA sɩpaaŋ wasa chɩŋ. Jonataŋ mɩɩra mʋ dɩa, ka Devit ha hɛ Hɔrɛs lɛ.

1 SAMƲƐL 24:22

Ŋɩɩ nɛ Devit hɛ niiŋ pɩ Sɔɔl, ʋ mɩɩra mʋ dɩa, ka Devit arɩ ʋ nɩaa mɩɩra mʋ lee-la ba sɩ faa.