2 SAMƲƐL 21:3 - WƖA TENIŊ

³ Ŋɩɩ nɛ kuoro Devit yɩrɛ Gibioŋ tɩmma-la a pɩɛsɛba, “Bɛɛ nɛ ma chɩchɛ dɩ mɩ ŋaa pɩma? Ɛɛ nɛ mɩ jaŋ ŋaa a wasɛ wɩɩ-la ka dɩ ma sʋl La TƖƖNA dɩ ʋ bɩra pɛ ʋ nɩaa lɛ?”

2 SAMƲƐL 21:3 ပူးပေါင်းရင်းမြစ်များ

2 SAMƲƐL 20:19

La ŋaa nɩa sɩ bɩ yuosuŋ ka chɛ nɛ arɩ nɩalɩŋ sɩ kɛŋ wʋtɩtɩɩ Iziral tinteeŋ lɛ. Maa chɛ dɩ ma chei taŋ-la sɩ nagɛ Iziral tinteeŋ tasɩŋ kala naaŋ nɛ. Bɛɛ nɛ tɩɩ ŋ chɩchɛ dɩ ŋ kpʋ La TƖƖNA nɩaa kala?”

MOSIS KƐŊ IZIRAL TƖŊŊAA LƖƖ 32:30

Taŋ sɩ pʋla, Mosis bʋla pɩ nɩalɩŋ sɩ ka, “Ma ŋaa wʋbɔŋ bal nɛ, ama lɛɛlɛ mɩ jaŋ mʋ La TƖƖNA teeŋ a sʋlʋ, kapo, ʋ jaŋ joŋ ma wʋbɔŋ-la chɛma.”

LEVI DOHO NƖAA 1:4

Tɩɩna maga dɩ ʋ joŋ ʋ nɩsɩŋ a daŋ nɛŋ-la nyuŋ lɛ ʋ sɩɩ chɛ ʋ kpʋ a ŋaa Wɩɩsʋlʋŋ dɩ mɩ-na ma TƖƖNA to pʋna-la lɛ a laa ʋ sʋla, a pɩɩsɛ ʋ disiniŋ ta.

JONA 1:11

Ŋɩɩ nɛ lɩɩ-pel-la faasa nyɛsɛ. Ba pɩɛsʋ, “Ɛɛ nɛ la jaŋ ŋaaŋ dɩ lɩɩ-peliŋ deeŋ sigile pɩla?”

Hiburu TƖŊŊAA 9:22

Wʋtɩtɩɩ, wɩalɩŋ Mosis sɩ ŋmʋnsa bil dɩ nɩaa tuto tʋɔŋ, chalɩŋ nɛ ba yie kaa pɩɩsɛ kɩaa jesiŋ kala disiniŋ ta. Dɩ ba nɛ bɩ kʋŋ chalɩŋ lɩɩsa, Wɩa bɩ jaŋ wuo joŋ nʋʋkala wʋbɔŋŋɔɔ a chɛʋ.

1 SAMƲƐL 2:25

Dɩ nʋʋ nɛ ŋaa wʋbɔŋ ʋ dɔŋɔ lɛ, Wɩa jaŋ wuo jʋʋ ma balɩa pɛgɛ a kɛmma hɛ dɔŋɔ, ama dɩ nʋʋ nɛ ŋaa wɩaa chei La TƖƖNA teeŋ, kʋbɛɛ ma nɛ saa bɩra jaŋ jʋʋ ma pɛgɛ a kɛmma hɛ dɔŋɔ?” Ama ʋ hambolibiisi-la bɩ jegile nɩɩ ŋɩɩ ʋ sɩ kpʋrɩsɛ ba dɩgɩlaa, bɛɛ wɩaa La TƖƖNA paala kɛŋ ʋ tɩtɩa hɛ dɔŋɔ nɛ dɩ ʋ kpʋba.

1 SAMƲƐL 26:19

Mɩɩ sʋlʋŋ mɩ nɩhɩaŋ, jegile nɩɩ wɩalɩŋ mɩ sɩɩ chɛ mɩ bʋl. Dɩ La TƖƖNA nɛ sɩ dɩ ŋ chɩŋ mɩ lɛ, ŋɩɩ-na ʋ laa mɩ Wɩɩsʋlʋŋ kɩaa. Ama dɩ nuhuobiinee nɛ leŋe ŋ chɩŋ mɩ lɛ, dɩ La TƖƖNA ŋmɩaŋ diiba. Ba kirimi ta tinteeŋ sɩ ŋaa La TƖƖNA kʋŋ lɛ nɛ a bʋl, ‘Mʋ a tuto vesiŋ.’