2 SAMƲƐL 21:16 - WƖA TENIŊ

¹⁶ Fɩlɩsɩtɩa tɩmma-la fa kɛŋ laa-yuori-babiibal nɛ, baa yɩrɛ Ɩsɩbɩ-Bɛnɔb. Ʋ fa ŋaa Rafa doho nɩwaayiile-la dɔŋɔ nɛ. Ba kɛŋ kɔlɩɩŋ nɛ libi ʋ timiŋ, ʋ nyuŋ yuŋuŋ ŋaa kilo batori arɩ kpaa magɛ dɔŋɔ. Ʋ fa kori tokobii-falɩŋ ma nɛ. Ʋ bʋl arɩ ʋ jaŋ kpʋ Devit.

2 SAMƲƐL 21:16 ပူးပေါင်းရင်းမြစ်များ

WƖAA DƖ-SUOMUŊ 14:5

Jɩ-fii arɩ banɛsɩmɩŋ tʋɔŋ Kedolooma arɩ ʋ nɩaa yuo dii nɩaa deemba: Refem tɩŋŋaa sɩ hɔŋ Asɩtɛrɔf Kanam lɛ. Zuzi tɩŋŋaa sɩ hɛ Ham lɛ, Emi tɩŋŋaa sɩ hɔŋ Kɩrɩatam lɛ

WƖAA DƖ-SUOMUŊ 6:4

Bʋa-la lɛ nɩwaayiilee fa hɛ dʋnɩa lɛ arɩ ŋɩɩ harɩŋ. Wɩa bii-baalaa kɛŋ nuhuobiinee toloo lʋl biiriŋ. Ba nɛ fa ŋaa nyuŋ tɩŋŋaa a kɛŋ yɩrɩŋ.

2 SAMƲƐL 21:18

Bʋa dɔŋɔ ma lɛ nɛ laalɩŋ fa bɩra sii ba dɩ Fɩlɩsɩtɩa tɩŋŋaa pɛgɛ Gob lɛ. Bʋa-la lɛ nɛ Sɩbɛkaɩ sɩ ŋaa Husa tɩɩna kpʋ Rafa doho nɩaa dɔŋɔ ba sɩɩ yɩrɛ Saf.

2 SAMƲƐL 21:20

Laalɩŋ dɔŋɔ fa bɩra sii Gaf lɛ. Baal kʋbala fa hɛ nɩmɛ a waayi woruŋ a kɛŋ neniee fii arɩ balɩa, naaniee ma fii arɩ balɩa. Ba kala ŋaa mara arɩ banɛsɛ. Ʋ fa ŋaa Rafa doho nʋʋ nɛ.

2 SAMƲƐL 21:22

Baalaa deemba banɛsɛ fa ŋaa Rafa doho nɩaa nɛ a hɔŋ Gaf lɛ. Ŋɩɩ nɛ ba jʋʋ Devit arɩ ʋ nɩaa nɩsɩŋ ba kpʋba.

2 SAMƲƐL 5:18

Bʋa-la lɛ dɩ Fɩlɩsɩtɩa tɩmma-la kʋ lɩɩ jɛrɛ su Refem fuonaaŋ.

NAMBABA 13:22

Ba to ŋɩɩ a jɩl Nɛgɛf dɩɩrɩŋ, a joŋ ŋɩɩ mʋ Hɛbʋrɔŋ. Ahɩmaŋ, Sɛsaɩ arɩ Talɩmaɩ ŋaa Anakɩ doho nɩaa nɛ, ba nɛ fa hɛ Hɛbʋrɔŋ lɛ. (Ba saa Hɛbʋrɔŋ taŋ-la jɩsɩŋ balɩpɛ harɩŋ nɛ ka ba-na saa taŋ-la ba sɩɩ yɩrɛ Zʋaŋ sɩ hɛ Ijipiti tinteeŋ lɛ.)

NAMBABA 13:28

Ama nɩalɩŋ sɩ hɛ nɩmɛ dolie, ba tabalaa jalɩa ka ba saa kɛrɩsɩŋ golli ba kala. La paala na Anakɩ doho nɩaa nɩwaayiilee nɩmɛ.

MOSIS BƖRA WULLI WƖA WOMBIIŊ 1:28

Ma sɩ, “Nɩɩ nɛ la jaŋ mʋ? La naambiiriŋ sɩ mʋ beŋ tintee-la joŋ fawʋllʋŋ hɛ la lɛ nɛ.” Ba sɩ, “Nɩalɩŋ sɩ hɛ tintee-la lɛ waa kɩɩla nɛ a dolie kɩɩla ma. Ba tasɩŋ jalɩa, ba saa kɛrɩsɩŋ sɩ jɩla yi wɩa-nyuŋ a golli. La na Anakɩ doho nɩaa nɩwaayiilee ma nɛ tintee-la lɛ.”

MOSIS BƖRA WULLI WƖA WOMBIIŊ 2:10

Emi tɩŋŋaa nɛ fa hɔŋ Aa taŋ-la lɛ. Ba fa yʋgɛ nɛ woruŋ a ŋaa nɩduoru aŋ waa yi a nagɛ Anakɩ tɩŋŋaa.

MOSIS BƖRA WULLI WƖA WOMBIIŊ 2:11

Anakɩ tɩmma-la yɩrɩŋ dɔŋɔ ma nɛ fa Refem tɩŋŋaa. Ama Mʋab tɩŋŋaa-na fa kɛmba yɩyɩrɛ Emi tɩŋŋaa nɛ.

MOSIS BƖRA WULLI WƖA WOMBIIŊ 2:21

Zamzumi tɩmma-la fa yʋga nɛ woruŋ a kɛŋ doluŋ a waa yi a nagɛ Anakɩ tɩŋŋaa. Ama La TƖƖNA fa leŋe Amɔŋ tɩŋŋaa yuo diiba nɛ aŋ laa ba tinteeŋ a hɔŋ.

MOSIS BƖRA WULLI WƖA WOMBIIŊ 3:11

(Kuoro Ɔgɩ nɛ fa ŋaa Refem doho nɩaa nɩwaayiile-la nɩkaanɩŋ. Hɔɔŋ nɛ ba fa kaa ŋaa ʋ kʋpɩnɩŋ. Ʋ duomuŋ ŋaa naakieliŋ bʋnɛsɛ arɩ kpaa magɛ dɔŋɔ, ʋ jalɩŋ ma ŋaa naakieliŋ bʋlɩa. Ʋ kʋpɩnɩɩ-la ha hɛ Amɔŋ tɩŋŋaa tabal-la ba sɩɩ yɩrɛ Raba lɛ.)

MOSIS BƖRA WULLI WƖA WOMBIIŊ 9:2

Nɩalɩŋ waayi nɛ woruŋ aŋ dol ma, ba nɛ baa yɩrɛ Anakɩ tɩŋŋaa ŋɩɩ. Ma nɩɩ ba wɩaa nɛ arɩ nʋʋ tuo a jaŋ wuo yuo diiba.

JOSUA 11:22

Anakɩ doho nʋʋkala fa bɩra tuo tinteeŋ lɛ, see tasɩŋ deemba: Gaza, Gaf arɩ Asɩdɔd dʋndʋŋa lɛ nɛ Anakɩ nɩaa mʋa ka.

JOSUA 15:14

Ŋɩɩ nɛ Kalɩb kiri Anakɩ nyɩŋ-nɩaa deemba batori arɩ ba dɩa nɩaa Hɛbʋrɔŋ lɛ: Sɛsaɩ, Ahɩmaŋ arɩ Talɩmaɩ.

1 SAMƲƐL 17:7

Ʋ timiŋ chaasa barɩmɛ nɛ woruŋ ʋ kori. Tiŋ-la niipiniŋ hɔɔŋ dʋndʋŋa yuŋuŋ ŋaa kilo balɩpɛ nɛ. Nɩɩ-la sɩ kori hɔɔtaala-la Golɩaf sɩ kaa kɛrɛɛ laa bayuori-hɛŋŋɛɛ laa ʋ sɩpaaŋ.