2 SAMƲƐL 21:12 - WƖA TENIŊ

¹² Devit sii mʋ Jabɛs Gɩlɩad nɩaa teeŋ, a laa Sɔɔl arɩ ʋ nanʋala Jonataŋ haŋgbelee. (Ba fa lʋara paaba Bɛf Saŋ, lee-la nʋʋkala sɩɩ hɔŋ nɛ, lee-la Fɩlɩsɩtɩa tɩŋŋaa sɩ joŋ Sɔɔl kʋsʋʋŋ sagɛ, ba fa sɩ kpʋba Gɩlɩbʋa lɛ harɩŋ.)

2 SAMƲƐL 21:12 ပူးပေါင်းရင်းမြစ်များ

2 SAMƲƐL 1:21

A leŋ dɩ duonuŋ sɩ́ Gɩlɩbʋa peelee nyuŋ nɩɩ, dɩ nyalɩŋ ma sɩ́ nɩmɛ nyal, dɩ ba bagɩsɩŋ ma kʋŋ sɩ́ kʋduulii kala kɛŋ dɩ ba kaa ŋaa Wɩɩ-sʋla, bɛɛ wɩaa hɔɔtaala-la laalɩyuori duoruŋ sɩ kaa kɛrɛɛ laa bayuori hɛŋŋɛɛ jʋʋ disiniŋ nɛ. Hɔɔtaala-la Sɔɔl sɩ kaa kɛrɛ laa bayuori hɛŋŋɛɛ, ba bɩra bɩ nʋʋŋ ŋaa tɩsʋ.

2 SAMƲƐL 1:6

Bapʋɔsɩ-bie-la bʋl, “Mɩ fa hɛ peel-la ba sɩɩ yɩrɛ Gɩlɩbʋa nyuŋ nɛ aŋ na Sɔɔl dɩ ʋ yelli ʋ timiŋ, ka ʋ dʋndɔŋŋɔɔ laalɩyuori-janɩŋ torukoba arɩ ja-jɩllaa fá kʋʋ kpagʋ.

2 SAMƲƐL 2:4

Ŋɩɩ nɛ Juda doho nɩaa kɔ Hɛbʋrɔŋ, a joŋ Wɩɩsʋllɩ nʋʋŋ tɩsɛ Devit a dagɛ arɩ ʋ nɛ ŋaa ba kuoro. Ba sɩ bʋla pɩ Devit arɩ Jabɛs Gɩlɩad nɩaa nɛ hugi Sɔɔl,

2 SAMƲƐL 21:11

Ba sɩ bʋl wɩɩ-la Rɩzɩpa sɩ ŋaa a pɩ Devit,

2 SAMƲƐL 21:13

Devit kɛŋ Sɔɔl arɩ ʋ nanʋala Jonataŋ haŋgbelee kɔ, a paa nɩalɩŋ ma balɩpɛ ba sɩ kpʋa haŋgbelee pɛ.

1 IZIRAL TƖŊŊAA NAABARƖŊ 10:1

Fɩlɩsɩtɩa tɩŋŋaa kʋ yuo Iziral tɩŋŋaa a kpʋba woruŋ peel-la ba sɩɩ yɩrɛ Gɩlɩbʋa lɛ, ka ba dɔnsʋŋ fá a lɛl.

1 IZIRAL TƖŊŊAA NAABARƖŊ 10:12

ba nɩalɩŋ sɩ kɛŋ nyuduoŋ sii a mʋ paa Sɔɔl arɩ ʋ hambolibiisiŋ kʋsʋʋnʋŋ a kaa mɩɩra mʋ Jabɛs a hugiba tɩɩ-bal kʋbala bʋbʋɔŋ, aŋ vɔɔ niiŋ tapʋlaa balɩpɛ.

1 IZIRAL TƖŊŊAA NAABARƖŊ 10:8

Taŋ sɩ pʋla Fɩlɩsɩtɩa tɩmma-la sii mʋ dɩ ba wuri nɩalɩŋ ba sɩ kpʋa kɩaa, ba na dɩ Sɔɔl arɩ ʋ hambolibiisiŋ batori sʋʋ pɩŋ Gɩlɩbʋa peeliŋ nyuŋ.

JOSUA 17:11

Ɩsaka arɩ Asa tinteyee lɛ, Manasɛ nɛ ha tɩɩ Bɛf Saŋ, Ibɩlɩam arɩ nɩalɩŋ sɩ hɛ Doo lɛ, a kɛŋ Ɛndɔ, Taanak arɩ Megido arɩ tasɩ-la kala sɩ golliba chu. (Doo nɛ ha baa yɩrɛ Nafɔf.)

1 SAMƲƐL 28:4

Ŋɩɩ nɛ Fɩlɩsɩtɩa tɩŋŋaa kala kʋ hɛ dɔŋɔ a ŋmoo buguŋ lee-la ba sɩɩ yɩrɛ Sunem lɛ, ka Sɔɔl ma kɛŋ Iziral tɩŋŋaa kala hɛ dɔŋɔ ba ma ŋmoo ba buguŋ Gɩlɩbʋa lɛ.

1 SAMƲƐL 31:1

Fɩlɩsɩtɩa tɩŋŋaa kʋ yuo Iziral tɩŋŋaa a kpʋba woruŋ peel-la ba sɩɩ yɩrɛ Gɩlɩbʋa nyuŋ, ka ba dɔnsʋŋ fá a lɛl.

1 SAMƲƐL 31:3

Laal-la sɩ kʋ lɩma kɛŋ Sɔɔl, ʋ dʋndɔŋŋɔɔ yagʋ arɩ to-hɛŋŋɛɛ, a bolimu woruŋ.

1 SAMƲƐL 31:4

Ŋɩɩ nɛ Sɔɔl bʋla pɩ nɩɩ-la sɩ kori ʋ laalɩyuori kɩaa, “Lɩɩsɛ ŋ tokobiiŋ a tɔɔmɛ kpʋ, ŋɩɩ dee disiŋ tɩŋŋaa deemba jaŋ kʋ kpʋmɛ a tʋʋsɛ mɩ joŋŋoo.” Ama fawʋllʋŋ fa kɛŋ nɩɩ-la sɩ kori ʋ laalɩyuori kɩaa nɛ, ʋ bɩ wuo ŋaa ŋɩɩ. Ŋɩɩ nɛ Sɔɔl lɩɩsɛ ʋ tɩtɩa tokobiiŋ a pɛ, a tel ʋ nyuŋ a kpʋ ʋ tɩtɩa.