2 SAMƲƐL 20:9 - WƖA TENIŊ

⁹ Jʋab chʋɔlɛ Amasa a bʋl, “Mɩ naambii, ŋ yaraa fɩɛlaa?” Ŋɩɩ nɛ aŋ kɛŋ Amasa tɔŋŋɔɔ lɛ arɩ ʋ nadiiŋ nɩsɩŋ a nagɛ ʋʋ chɛ dɩ ʋ guoru nɛ.

2 SAMƲƐL 20:9 ပူးပေါင်းရင်းမြစ်များ

2 SAMƲƐL 15:5

Dɩ nʋʋkala nɛ kʋ kpagɛ Abɩsalɔm a chɩchɛ dɩ ʋ tuu kpirimi ʋ sɩpaaŋ a chʋɔlʋ, ʋ yie guu lɩɩsɛ nɩsɩŋ nɛ, a kɛŋ tɩɩna a guoru.

2 SAMƲƐL 17:25

Bʋa deeŋ lɛ, dɩ Abɩsalɔm lɩɩsɛ Amasa nɛ ʋ laa Jʋab nyuŋ a ŋaa ʋ laalɩyuoroo nɩhɩaŋ. Amasa nyɩmma yɩrɩŋ nɛ fa Jɛta, a ŋaa Iziral tɩɩna, a jaa Abɩgɛl sɩ ŋaa Nahas tolo, aŋ ŋaa Zeruya ma naambii. Zeruya nɛ fa ŋaa Jʋab naaŋ.

2 SAMƲƐL 18:29

Kuoro pɩɛsʋ, “Ka bapʋɔsɩ-bie-la, Abɩsalɔm, wɩɩkala bɩ ʋ ŋaa?” Ahɩmaas bʋl, “Mɩ fa na leriŋ chaasa vʋgʋmɛ nɛ bʋa-la lɛ Jʋab sɩɩ tɩŋ ʋ tɩntɩnna arɩ mɩ-na, ama mɩ bɩ jɩŋ wɩɩ-la kala sɩ tɩɩ.”

2 SAMƲƐL 3:27

Abɩna sɩ mɩɩra kɔ Hɛbʋrɔŋ, Jʋab kɛnʋ a bal boi-baalɩŋ niiŋ a nagɛ ʋʋ chɛ ʋ dɩ ʋ dʋndʋŋa bʋl wɩaa nɛ. Nɩmɛ nɛ ʋ joŋ ʋ naambie Asahɛl, Abɩna sɩ kpʋa chɩmɩŋ a tiŋ ʋ lɛ, a tɔɔ ʋ luoruŋ lɛ ʋ sʋʋ.

1 KUOROO 2:32

La TƖƖNA jaŋ joŋ nɩalɩŋ balɩa Jʋab sɩ kpʋa, ka mɩ nyɩmma Devit jɩma tuo chɩmɩŋ a tiŋ ʋ lɛ. Nɩalɩŋ kala balɩa fa kpɩaʋ: Nɛɛ nanʋala Abɩna fa sɩ ŋaa Iziral tɩŋŋaa laalɩyuoroo nɩhɩaŋ arɩ Jɛta nanʋala Amasa ma fa sɩ ŋaa Juda nɩaa laalɩyuoroo nɩhɩaŋ.

WƖA YƖƖLAA 55:21

Ʋ wʋbʋlaa sɩma a nagɛ tʋʋŋ, ama ʋ tʋɔŋ lɛ ʋ bɛrɛ nɩaa nɛ. Ʋ wʋbʋlaa ma pʋnyɛ nɛ a nagɛ nʋʋŋ, aŋ kikeri nɩaa a nagɛ tokobiiŋ sɩ kɛŋ niiŋ.

NAMAGABA 26:23

Niiŋ sɩɩ bʋl wʋsɩŋŋaa aŋ kɛŋ tʋɔbɔmʋŋ, ʋ nagɛ ba sɩ kɛŋ chʋrʋŋ mɛ pupoiŋ aŋ joŋ hɔpʋla bɩnɩŋ taara nɛ.

NAMAGABA 27:6

Dɩ ŋ nandɔŋɔ nɛ ŋaa wɩɩ a jʋʋŋ lɛ ŋ ha jaŋ wuo laa ʋ wɩaa dii, ama dɩ ŋ dʋndɔmɔ-na nɛ guoruŋ ma, ʋ haa nyɩsɩŋ nɛ.

JƐRƖMAAYA 41:2

Ŋɩɩ nɛ Nɛtanɩa nanʋala Ɩsɩmɛl arɩ baala-la fii sii a kpʋ Gedalia arɩ tokobiiŋ, nɩɩ-la Babɩlɔŋ kuoro sɩ lɩɩsa ʋ chɩŋ ʋ naasɩŋ lɛ a bibeŋ tintee-la.

MƖKA 7:2

Nɩalɩŋ sɩɩ fá Wɩa tintee-la lɛ lɛlɛ nɛ, nʋʋkala tuo a ŋɩŋaa wɩaa ba bʋa lɛ. Nʋʋkala hu a gbɩgbɛrɛ nɩaa nɛ dɩ ʋ kpʋ. Nʋʋkala ka bagɩlɛ ʋ naambie nɛ.

SƖPAALAARAA 3:15

Iziral tɩŋŋaa bɩra yele pɩ La TƖƖNA dɩ ʋ pɛ ba lɛ. Ʋ pɩba nʋʋ sɩ jaŋ laaba ta. Ehud nɛ ʋ fa lɩɩsa pɩba. Ehud fa ŋaa gɛlɛ tɩɩna nɛ. Ʋ nyɩmma nɛ fa Gɛra a ŋaa Bɛnjamɩŋ doho nʋʋ. Ŋɩɩ nɛ Iziral tɩŋŋaa tɩŋ Ehud dɩ ʋ kɛŋ kɩaa mʋ tiŋ lampoo pɩ Mʋab kuoro Ɛgɩlɔŋ.