2 SAMƲƐL 20:6 - WƖA TENIŊ

⁶ Devit fa bʋla pɩ Abɩsaɩ, “Lɛɛlɛ Bikiri nanʋala Sɛba jaŋ ŋaa wʋbɔŋ la lɛ a kɩɩ wɩalɩŋ Abɩsalɔm sɩ ŋaa. Kɛsɛ mɩ laalɩyuoroo a kiri Sɛba libe, dɩ ŋɩɩ dee ʋ jaŋ wuo mʋ jʋʋ tabala-la ba sɩ saa kɛrɛ golli dɔŋɔ, a fori la nɩsɩŋ lɛ.”

2 SAMƲƐL 20:6 ပူးပေါင်းရင်းမြစ်များ

2 SAMƲƐL 10:14

Amɔŋ tɩŋŋaa laalɩyuoroo sɩ na dɩ Siiria tɩmma-la fá, ba ma fá jʋʋ ba taŋ, aŋ leŋ Abɩsaɩ arɩ ʋ laalɩyuoroo. Ŋɩɩ nɛ Jʋab leŋ Amɔŋ tɩmma-la yuonuŋ aŋ mɩɩra kɔ Jerusalɛm.

2 SAMƲƐL 11:11

Yuria bʋla pɩ Devit, “Wɩa niiriŋ daga arɩ Iziral tɩŋŋaa arɩ Juda tɩŋŋaa laalɩyuoroo kala hɛ laal-baga lɛ nɛ, mɩ nɩhɩaŋ Jʋab arɩ ʋ nɩaa ma hɛ pɔkɔŋ nyuŋ. Ɛɛ nɛ saa mɩ-na jaŋ wuo mʋ dɩa a dii kɩaa ka mɩ dɩ mɩ haala pɩŋ? Ŋ sɩ hɛ ŋ mɩɩsɩŋ deeŋ lɛ, mɩ bɩ jaŋ kɔ dɩ mɩ ŋaa wʋdoho deeŋ.”

2 SAMƲƐL 18:12

Baal-la bʋl, “Dɩ ŋ nɛ paala joŋ warɩpʋla bʋɩ ma pɩmɛ, mɩ bɩ jaŋ kɔ dɩ mɩ joŋ mɩ nɩsɩŋ digi kuoro nanʋala. La kala nɩa nɛ ka kuoro bʋla pɩ ŋ dɩ Abɩsaɩ arɩ Ɩtaɩ, arɩ ma tɩŋ ʋ wɩaa a sɩ́ Abɩsalɔm, bapʋɔsɩ-bie-la wʋbɔŋ kala ŋaa.

2 SAMƲƐL 18:2

Ʋ kɛŋ laalɩyuoro-la kala kpaa leree batori nɛ. Jʋab laa dɔnsʋŋ sɩpaaŋ, Jʋab naambie Abɩsaɩ, Zeruya nanʋala ma laa dɔnsʋŋ sɩpaaŋ, ka Ɩtaɩ, Giti tɩɩna-la ma laa dɔnsʋŋ sɩpaaŋ. Kuoro Devit fa bʋla pɩba, “Mɩ tɩtɩa jaŋ to ma harɩŋ a mʋ laal-la.”

2 SAMƲƐL 19:7

Sii lɛɛlɛ a lɩɩ bʋl wɩaa pɩ ŋ laalɩyuoroo dɩ ba nyuŋ nyaasɛ, dɩ ŋɩɩ dee, mɩ ŋmɩɛsɛ La TƖƖNA, nɩbala ma bɩ jaŋ chɩna gbɛrɩŋ chie chʋchʋɔŋ. Ŋɩɩ nɛ jaŋ lɔrɔ pɩŋ a kɩɩ wʋlɔrʋnʋ-la kala sɩ ŋaa ŋ lɛ, a chɩŋ ŋ hambiiriŋ kala lɛ a kaa kɔ bʋa deeŋ lɛ.”

2 SAMƲƐL 2:18

Dɩ Zeruya hambolibiisi-la batori ma hɛ nɩmɛ: Jʋab, Abɩsaɩ arɩ Asahɛl. Asahɛl faa fá nɛ woruŋ a nagɛ tɛhɩɩ.

2 SAMƲƐL 21:17

Ama Zeruya nanʋala Abɩsaɩ kʋ kpʋ Fɩlɩsɩtɩa tɩɩna-la, a laa Devit ta. Ŋɩɩ nɛ Devit laalɩyuoroo ŋmɩɛsa pʋ a bʋl, “La bɩra bɩ chɛ dɩ ŋ to la harɩŋ a mʋ laalɩŋ. Iziral tɩŋŋaa yɩɛlaa kala hɛ ŋ lɛ nɛ, la bɩ jaŋ cho dɩ ba kpʋŋ.”

2 SAMƲƐL 23:18

Laalɩyuori-babiibalaa mara arɩ fii ma fa hɛ nɩmɛ. Zeruya nanʋala Jʋab naambie Abɩsaɩ nɛ fa ŋaa ba sɩpaalaara. Ʋ fa kpʋ nɩaa zɔɔ-batori nɛ arɩ ʋ timiŋ, a laa yɩrɩŋ a nagɛ laalɩyuori-babiibal-kpaŋkpamba-la batori.

2 SAMƲƐL 3:30

(Jʋab arɩ ʋ naambie Abɩsaɩ nɛ kpʋ Abɩna, a tɩŋ ʋ sɩ kpʋ ba naambie Asahɛl Gibioŋ lɛ laalɩŋ tʋɔŋ.)

2 SAMƲƐL 3:39

Jɩnɩmba, mɩ nɛ La TƖƖNA lɩɩsɛ mɩ dii kuoruŋ, ama Zeruya biiriŋ Jʋab arɩ Abɩsaɩ dolie kɩɩ mɩ nɛ. A leŋ dɩ La TƖƖNA joŋ wʋbɔŋ-la ba sɩ ŋaa chɩmɩŋ a tiŋ ba lɛ!”

1 KUOROO 1:33

ʋ bʋla pɩba, “Má kɛsɛ mɩ tɩntɩnnaa dɩ ma kɛŋ mɩ nanʋala Solomoŋ a leŋ dɩ ʋ jɩl mɩ kakumo dɩ ma kɛnʋ mʋ Gɩhɔŋ lɩɩ-bulo-la leriŋ.

1 IZIRAL TƖŊŊAA NAABARƖŊ 11:20

Laalɩyuori-babiibalaa mara arɩ fii ma nɛ fa hɛ nɩmɛ. Jʋab naambie Abɩsaɩ nɛ fa ŋaa ba sɩpaalaara. Ʋ fa kpʋ nɩaa zɔɔ-batori nɛ arɩ ʋ timiŋ, a laa yɩrɩŋ a nagɛ laalɩyuori-babiibal-kpaŋkpamba-la batori.

1 IZIRAL TƖŊŊAA NAABARƖŊ 18:12

Haal kʋbala ba sɩɩ yɩrɛ Zeruya, ʋ nanʋala Abɩsaɩ nɛ fa yuo dii Ɛdɔm tɩŋŋaa a kpʋ ba laalɩyuoroo bʋɩ fii arɩ chori fuonaa-la ba sɩɩ yɩrɛ yɩsɩŋ fuonaaŋ lɛ.

JƐRƖMAAYA 8:14

Ŋɩɩ nɛ Juda nɩaa pɩɛsɛ dɔŋɔ, “Bɛɛ nɛ tɩɩ la ha hɔŋ daha? Má kʋ hɛ dɔŋɔ! Má leŋ dɩ la fá mʋ tabala-la ba sɩ saa kɛrɩsɩŋ golli a sʋʋ nɩmɛ. La TƖƖNA Wɩa ka chɛ dɩ ʋ kpʋla nɛ a joŋ bɩɛlɩŋ hɛ lɩɩŋ lɛ dɩ la nyʋa, a tɩŋ la sɩ ŋaa wʋbɔŋŋɔɔ ʋ lɛ wɩaa.

Maak 3:24

Dɩ tinteeŋ nɩaa nɛ hɛ nɩmɛ a bɩ nii-bala kɛnɛ, ba taŋ jaŋ tel.

1 SAMƲƐL 26:6

Devit mɩɩra mʋ ʋ nɩaa teeŋ a pɩɛsɛ Hiti tɩŋŋaa baal kʋbala ba sɩɩ yɩrɛ Ahɩmɛlɛk arɩ Zeruya nanʋala Abɩsaɩ, Jʋab naambie, “Má kʋbɛɛ nɛ jaŋ wuo to mɩ harɩŋ a mʋ Sɔɔl buguŋ?” Abɩsaɩ bʋl, “Mɩ jaŋ mʋ.”