2 SAMƲƐL 20:22 - WƖA TENIŊ

²² Ŋɩɩ nɛ haal-la kɛŋ ʋ wʋjɩmɩɩ-la mʋ dagɛ ʋ jaŋ nɩaa. Ba sɛɩ a keri Bikiri nanʋala Sɛba nyuŋ a yuo ta ʋ to kɛrɛ kʋ lɩɩ a pɩ Jʋab. Ŋɩɩ nɛ Jʋab ŋmʋʋ banyile a giri laalɩyuoro-la kala taŋ-la lɛ, ba kʋŋkala mɩɩra mʋ ʋ dɩa. Jʋab ma mɩɩra mʋ kuoro Devit teeŋ Jerusalɛm lɛ.

2 SAMƲƐL 20:22 ပူးပေါင်းရင်းမြစ်များ

2 SAMƲƐL 18:16

Ŋɩɩ nɛ Jʋab ŋmʋʋ banyile a giri ʋ laalɩyuoroo dɩ ba bɩra sɩ́ Iziral laalɩyuoroo kiru.

2 SAMƲƐL 18:17

Ba joŋ Abɩsalɔm kʋsʋʋŋ a yuo hɛ buotuo-luŋii lɛ duu-la tʋɔŋ, a paa tabɩaa yʋgɛ a daŋ ʋ lɛ, ba sii chʋɔrɛ. Bʋa-la lɛ dɩ Iziral tɩŋŋaa kala fá a mʋ ba dɩɩsɩŋ.

2 SAMƲƐL 2:28

Ŋɩɩ nɛ Jʋab ŋmʋʋ banyile sɩ ŋaa magɩl a pɩ ʋ nɩaa kala ba guu chɩŋ. Ba bɩra bɩ Iziral tɩŋŋaa harɩŋ kire to a yuoba.

2 SAMƲƐL 20:1

Wʋhɛɛrʋ kʋbala nɛ fa hɛ nɩmɛ baa yɩrɛ Sɛba. Ʋ ŋaa Bikiri nanʋala nɛ, aŋ ŋaa Bɛnjamɩŋ doho nʋʋ. Ʋ ŋmʋʋ banyile, aŋ kpɩa goŋ a bʋl, “La nɩsɩŋ tuo Jesi nanʋala Devit lɛ. Iziral tɩmma, má leŋ la mɩɩra mʋ la dɩɩsɩŋ.”

2 SAMƲƐL 20:16

Ŋɩɩ nɛ dɩ ha-wʋjɩnnʋ kʋbala hɛ taŋ-la lɛ. Ʋ jɩl kɛrɛ-la a ŋaa goŋ a bʋl, “Má jegile nɩɩ mɩ teeŋ. Má jegile nɩɩ mɩ teeŋ. Má bʋla pɩ Jʋab dɩ ʋ kɔ daha dɩ mɩ bʋl wɩɩ pʋ.”

TƖƖCHA 7:19

Wʋjɩmɩŋ nɛ yie leŋ wʋjɩnna kɛŋ doluŋ a kɩɩ nɩduoruŋ fii sɩɩ beŋ tabalɩŋ.

TƖƖCHA 8:11

Dɩ ba nɛ bɩ nʋʋ sɩ ŋaa wʋbɔŋ dɔgʋsɔ lɩma, nɩaa yie bɩbɩɩnɛ ba ŋɩŋaa wʋbɔŋŋɔɔ nɛ.