2 SAMƲƐL 2:9 - WƖA TENIŊ

⁹ Nɩmɛ nɛ ʋ leŋ Ɩsɩ-Bɔsɛf dii tinteyee deemba kuoruŋ: Gɩlɩad, Asuri, Jɛzɩrɛl, Efirem, Bɛnjamɩŋ arɩ Iziral tinteeŋ kala.

2 SAMƲƐL 2:9 ပူးပေါင်းရင်းမြစ်များ

WƖAA DƖ-SUOMUŊ 30:13

Ŋɩɩ nɛ Liya bʋl, “Na mɩ tʋɔŋ sɩ tɔrɛ ŋɩɩ, haalaa jaŋ yɩrɛmɛ tʋɔtɔrɛ tɩɩna.” Ŋɩɩ nɛ ʋ hɛ bile yɩrɩŋ Asa.

2 SAMƲƐL 2:10

Ɩsɩ-Bɔsɛf fa ŋaa jɩsɩŋ mahɩŋ balɩa nɛ aŋ dii Iziral tinteeŋ kuoruŋ, a bemba jɩsɩŋ balɩa. Ama Juda doho nɩaa-na faa to Devit nɛ.

2 SAMƲƐL 3:6

Laal-la sɩ sii Sɔɔl dɩa nɩaa arɩ Devit nɩaa pɛgɛ, Abɩna doluŋ nɛ fa pʋŋa pɩpɛ Sɔɔl dɩa nɩaa kala tʋɔŋ.

1 IZIRAL TƖŊŊAA NAABARƖŊ 12:29

Bɛnjamɩŋ sɩ ŋaa Sɔɔl doho nʋʋ, ma nɩaa fa ŋaa bʋɩ batori nɛ. Ba jesiŋ kala faa to Sɔɔl nɛ aŋ lɛɛlɛ mɩɩrɛ ʋ harɩŋ.

1 IZIRAL TƖŊŊAA NAABARƖŊ 12:30

Efirem doho nɩaa ma ŋaa bʋɩ mara arɩ zɔlɔ chori nɛ. Ba ŋaa laalɩyuori-duoru nɛ, ba nyɩŋ-nɩaa kala jɩŋ ba lɛ.

WƖA YƖƖLAA 108:8

Mɩ nɛ tɩɩ Gɩlɩad tinteeŋ, a tɩɩ Manasɛ tinteeŋ ma. Efirem nɛ ŋaa mɩ laalɩyuori nyunchu-gbaŋkogo, ka Juda ma ŋaa mɩ kuoru dantɩga.

NAMBABA 1:40

Asa doho nɩaa tʋɔŋ, baala-la kala sɩ yi jɩsɩŋ mara koo a kɩɩ ŋɩɩ, a jaŋ wuo mʋ laalɩŋ nɛ ba dɩɩsɛ, a ŋmʋnsɛ ba yɩraa doho doho arɩ dɩa dɩa.

JOSUA 16:5

Efirem doho nɩaa nyɩŋ-nɩa nyɩŋ-nɩa fa sɩ laa tinteeŋ nɛ ŋ-la: Ba tinteeŋ bʋa nɛ a chɩŋ Atarɔf Ada wɩɩpɔsʋŋ dɩɩrɩŋ a kaa jɩl Bɛf Hɔrɔŋ sɛmɛ-la sɩ hɛ nyuŋ,

JOSUA 16:8

A lɩɩ Tapʋa lɛ, bʋa-la mʋ to wɩɩjʋʋlʋŋ dɩɩrɩŋ nɛ a mʋ yi Kana fuo-bie-la a mʋ dɛrɛ Mediterenia mʋga-la lɛ. Tintee-la Efirem doho nɩaa nyɩŋ-nɩa nyɩŋ-nɩa sɩ laa ʋ ŋaa ba kʋŋ bʋa nɛ ŋɩɩ.

JOSUA 16:9

Tabala-la arɩ tabiisi-la ba fa sɩ lɩɩsa Manasɛ tinteeŋ lɛ a pɩ Efirem doho nɩaa ma pɛ nɛ.

JOSUA 17:1

Josɛf bii-hɩaŋ Manasɛ doho nɩaa ma laa tinteeŋ kpaalɩŋ nɛ. Manasɛ bii-hɩaŋ nɛ fa ŋaa Makɩɩ. Makɩɩ nɛ fa ŋaa Gɩlɩad tɩŋŋaa naabalɩma. Ʋ doho nɩaa nɛ laa Gɩlɩad arɩ Basaŋ tinteeŋ sɩ hɛ Jɔdaŋ wɩɩpɔsʋŋ, bɛɛ wɩaa Makɩɩ doho nɩaa fa ŋaa laalɩyuori babiibala nɛ.

JOSUA 18:11

Ba fa sɩ tɔnsɔ ŋɩɩ, Bɛnjamɩŋ doho nyɩŋ-nɩa nyɩŋ-nɩa nɛ laa sɩpaaŋ a joŋ ba kpaalɩŋ. Ba tinteeŋ nɛ hɛ Juda doho nɩaa arɩ Josɛf doho nɩaa tinteyee pɛgɛ:

JOSUA 18:20

Jɔdaŋ fuo-la nɛ ŋaa tintee-la wɩɩpɔsʋŋ dɩɩrɩŋ bʋa. Lere-la sɩ dagɛ Bɛnjamɩŋ doho nyɩŋ-nɩaa tinteeŋ bʋa nɛ ŋɩɩ, sɛmɛ na-kala a gollo bal.

JOSUA 19:18

Ba tinteeŋ bʋa nɛ tasɩŋ deemba: Jɛzɩrɛl, Kɛsʋlɔf, Sunem,

JOSUA 22:9

Rubiŋ doho nɩaa arɩ Gad doho nɩaa arɩ Manasɛ doho nɩaa kpaa magɛ dɔŋɔ-la fa leŋ Iziral tɩŋŋaa Sɩlɔ lɛ Kɛnaŋ tinteeŋ aŋ mɩɩra mʋ Gɩlɩad, ba tinteeŋ, kʋ-la ba sɩ laa arɩ La TƖƖNA sɩ to Mosis lɛ a dagɛ.

SƖPAALAARAA 1:32

Asa doho nɩaa sɩ bɩ ba kire ŋɩɩ, ba dɩ Kɛnaŋ tɩmma-la sɩ tɩɩ tintee-la kala hɔŋ nɩmɛ.

1 SAMƲƐL 29:1

Fɩlɩsɩtɩa tɩŋŋaa kɛŋ ba laalɩyuoroo a kʋ hɛ dɔŋɔ Afɛk lɛ, ka Iziral tɩŋŋaa ma ŋmoo ba buguŋ Jɛzɩrɛl lɩɩ-bulo-la leriŋ.