2 SAMƲƐL 2:4 - WƖA TENIŊ

⁴ Ŋɩɩ nɛ Juda doho nɩaa kɔ Hɛbʋrɔŋ, a joŋ Wɩɩsʋllɩ nʋʋŋ tɩsɛ Devit a dagɛ arɩ ʋ nɛ ŋaa ba kuoro. Ba sɩ bʋla pɩ Devit arɩ Jabɛs Gɩlɩad nɩaa nɛ hugi Sɔɔl,

2 SAMƲƐL 2:4 ပူးပေါင်းရင်းမြစ်များ

2 SAMƲƐL 19:11

Kuoro Devit nɩɩ wɩalɩŋ Iziral tɩmma-la sɩɩ bʋl, a tɩŋ tɩndaarɩŋ deeŋ a pɩ Zadɔk arɩ Abɩata, Wɩɩsʋllɩ sɩpaalaaraa: “Má pɩɛsɛ Juda nɩaa sɩpaalaaraa na, bɛɛ nɛ tɩɩ ba chɩchɛ dɩ ba nɛ to harɩŋ a kɛŋ kuoro kɔ ʋ dɩa?”

2 SAMƲƐL 19:42

Juda laalɩyuoro-la kala bʋla pɩ Iziral laalɩyuoroo, “La dɩ kuoru-la ŋaa naambiiri nɛ, ŋɩɩ nɛ tɩɩ la ŋaa ŋɩɩ. Bɛɛ nɛ tɩɩ ma na baanɩŋ? Kuoro kʋdiilii nɛ la laa dii? La laa kʋŋ nɛ ʋ teeŋ?”

2 SAMƲƐL 2:11

Devit dii kuoruŋ a hɔŋ Hɛbʋrɔŋ lɛ a beŋ Juda doho nɩaa jɩsɩŋ balɩpɛ arɩ chɛnsɩŋ balɩdʋ nɛ.

2 SAMƲƐL 2:7

Má nyɩrɛ bɔyɛ a kɛŋ bɔɩ-duoŋ, bɛɛ wɩaa ma nɩhɩaŋ Sɔɔl sʋba nɛ, ka Juda nɩaa lɩɩsɛmɛ mɩ ŋaa ba kuoro.”

2 SAMƲƐL 21:11

Ba sɩ bʋl wɩɩ-la Rɩzɩpa sɩ ŋaa a pɩ Devit,

2 SAMƲƐL 21:12

Devit sii mʋ Jabɛs Gɩlɩad nɩaa teeŋ, a laa Sɔɔl arɩ ʋ nanʋala Jonataŋ haŋgbelee. (Ba fa lʋara paaba Bɛf Saŋ, lee-la nʋʋkala sɩɩ hɔŋ nɛ, lee-la Fɩlɩsɩtɩa tɩŋŋaa sɩ joŋ Sɔɔl kʋsʋʋŋ sagɛ, ba fa sɩ kpʋba Gɩlɩbʋa lɛ harɩŋ.)

2 SAMƲƐL 5:17

Fɩlɩsɩtɩa tɩŋŋaa sɩ nɩa dɩ ba lɩɩsɛ Devit nɛ a joŋ nʋʋŋ tɩsʋ ʋ ŋaa Iziral tinteeŋ kuoro, ba laalɩyuoroo kala sii mʋ a chɩchɛʋ arɩ sɩɩfɩɛsɩŋ dɩ ba kɛnʋ. Devit nɩɩ a sii tuu faa dɩ-duo kʋbala lɛ.

2 SAMƲƐL 5:3

Iziral nɩhɩasɩŋ kala sɩ sii kɔ kuoro Devit teeŋ ŋɩɩ Hɛbʋrɔŋ lɛ, Devit leŋ ʋ dɩ nɩhɩasɩ-la hɛ niiŋ pɩ dɔŋɔ La TƖƖNA sɩpaaŋ. Ba joŋ nʋʋŋ a tɩsɛ Devit nyuŋ a dagɛ arɩ ʋ nɛ ŋaa Iziral tɩŋŋaa kuoro.

2 SAMƲƐL 5:5

Hɛbʋrɔŋ lɛ, Devit beŋ Juda nɩaa jɩsɩŋ balɩpɛ arɩ chɛnsɩŋ balɩdʋ nɛ. Jerusalɛm ma lɛ, ʋ beŋ Iziral arɩ Juda kala nɩaa jɩsɩŋ mara arɩ fii arɩ batori nɛ.

2 KUOROO 11:12

Ŋɩɩ nɛ Jehoyada kɛŋ Ahazɩa nanʋala Jʋas kʋ lɩɩ a joŋ kuoru nyunchuulo chuu, aŋ joŋ teniŋ pʋ. Teŋ-la lɛ nɛ ba ŋmʋnsɛ wombie-la kuoroo sɩ maga dɩ ba to a bibeŋ tintee-la hɛ. Ŋɩɩ nɛ ba joŋ nʋʋŋ tɩsʋ a dagɛ arɩ ʋ nɛ lɛɛlɛ ŋaa kuoro. Nɩalɩŋ kala porisi nɩsaa aŋ ŋaa goŋ, “A leŋ dɩ kuoro mɩɩsɩŋ duomi.”

1 IZIRAL TƖŊŊAA NAABARƖŊ 10:11

Jabɛs Gɩlɩad nɩaa sɩ nɩɩ wɩalɩŋ kala Fɩlɩsɩtɩa tɩŋŋaa sɩ ŋaa Sɔɔl lɛ,

1 IZIRAL TƖŊŊAA NAABARƖŊ 11:3

Iziral nɩhɩasɩŋ kala sɩ sii kɔ kuoro Devit teeŋ ŋɩɩ Hɛbʋrɔŋ lɛ, Devit leŋ ʋ dɩ nɩhɩasɩ-la hɛ niiŋ pɩ dɔŋɔ La TƖƖNA sɩpaaŋ. Ba joŋ nʋʋŋ a tɩsɛ Devit nyuŋ a dagɛ arɩ ʋ nɛ ŋaa Iziral tɩŋŋaa kuoro, arɩ La TƖƖNA fa sɩ to Samʋɛl lɛ a dagɛ ŋɩɩ.

1 IZIRAL TƖŊŊAA NAABARƖŊ 12:23

Devit fa sɩ hɔŋ Hɛbʋrɔŋ lɛ, laalɩyuoroo yʋgɛ a nyɩgɩlɛ a kɔ dɩ ba pɛ ʋ lɛ a yuo laa Sɔɔl kuoruŋ pʋ, arɩ La TƖƖNA fa sɩ bʋl ŋɩɩ. Laalɩyuoro-la niiŋ nɛ ŋ-la:

1 SAMƲƐL 16:13

Samʋɛl joŋ loŋ arɩ nʋʋŋ a wansa tɩsʋ ʋ naambiiri-la kala sɩpaaŋ. A chɩŋ tapʋlɩɩ-la a kaa mʋ, La TƖƖNA Dɩma kʋ hɛ Devit lɛ a pʋ doluŋ. Ŋɩɩ harɩŋ Samʋɛl mɩɩra mʋ Rama.