2 SAMƲƐL 2:26 - WƖA TENIŊ

²⁶ Abɩna yɩrɛ Jʋab a pɩɛsʋ, “Ʋ maga dɩ la kpʋkpʋ dɔŋɔ deeŋ deeŋ nɛɛ? Ŋ bɩ jɩŋ ʋ ŋɩɩ harɩŋ jaŋ kɛŋ tʋɔ-cheeŋ a pɩla? Ɛɛ nɛ ŋ chɛ ʋ diene magɛ ka dɩ ŋ kiri ŋ nɩaa dɩ ba sɩ́ ba naambiiriŋ harɩŋ kire to?”

2 SAMƲƐL 2:26 ပူးပေါင်းရင်းမြစ်များ

2 SAMƲƐL 11:25

Devit bʋla pɩ tɩndaarʋ-la, “Bʋla pɩ Jʋab dɩ ʋ sɩ́ leŋe dɩ ʋ tʋɔŋ chei wɩɩ-la sɩ ŋaa lɛ, ŋ bɩ jaŋ wuo jɩŋ nɩɩ-la ba sɩ jaŋ kpʋ laalɩŋ lɛ. Bʋla pʋ ʋ hɛ doluŋ a yuo taŋ-la, a cheyu. Bʋl ŋ-la pɩ Jʋab dɩ ʋ nyuŋ nyaasɛ.”

2 SAMƲƐL 2:14

Ŋɩɩ nɛ Abɩna bʋla pɩ Jʋab, “Leŋ dɩ la ŋaa dɩ la ba-pʋɔsa-la dɔnsʋŋ sii tʋʋ vaasɩŋ loo dɩ la na.” Ŋɩɩ nɛ Jʋab bʋl, “Ʋ zɔmɔ, leŋ dɩ ba sii loo.”

2 SAMƲƐL 2:16

Dɔŋɔ yie kɛŋ dɔŋɔ nyuŋ lɛ, aŋ tɔɔ ʋ sɛmɛ lɛ arɩ sɩɩ-chɔrɔ. Ŋɩɩ nɛ ba ŋaa a kala sʋʋ lee-la. Ŋɩɩ nɛ ba kɛŋ lee-la yɩyɩrɛ Hɛlɩkaf Hazurim. (Ʋ bʋbʋɔŋ nɛ sɩɩ-chɔrɔba buguŋ.)

2 SAMƲƐL 2:25

Ŋɩɩ nɛ Bɛnjamɩŋ doho nɩaa dɔnsʋŋ sii pɛ Abɩna lɛ. Ba hɛ dɔŋɔ lɛ a jɩla chɩŋ dundolo nyuŋ a kɛŋ ba tɩtɩa hɛ dɔŋɔ dɩ ba yuo laalɩŋ.

2 SAMƲƐL 2:27

Jʋab bʋl, “Wʋtɩtɩɩ, mɩ ŋmɩɛsɛ Wɩa sɩ weye, dɩ ŋ nɛ fa bɩ ŋ-la bʋla, mɩ nɩaa fa jaŋ kiri ba naambiiri-la baarɛ ŋɩɩ deeŋ deeŋ dɩ taŋ pʋl.”

JOB 18:2

“Ɛɛ nɛ ŋ chɛ ŋ bʋl wɩaa deemba diene magɛ? Tɔrɛ ŋ niiŋ, ka dɩ la ma bʋl wɩaa.

JOB 19:2

“Ɛɛ nɛ maa chɛ dɩ ma dɔgɩsɛmɛ a diene magɛ, a bʋl wɩaa jʋjʋʋ mɩ lɛ?

WƖA YƖƖLAA 4:2

Ɛɛ nɛ ma nɩaa deemba chɛ dɩ ma tʋʋsɛ mɩ joŋŋoo a diene magɛ? Ɛɛ nɛ maa chɛ dɩ ma cho vesiŋ sɩ bɩ wʋtɩtɩɩ kɛnɛ a diene magɛ?

NAMAGABA 17:14

Dɩ ŋ nɩɩ suomi yuosuŋ, ʋ nagɛ nʋʋ sɩ kɛŋ fuoŋ gɩba bubori nɛ. Ŋɩɩ wɩaa joŋ wɩɩ-la bil sɔm, dɩ yuosuŋ sɩ́ sii.

AZAAYA 1:20

Ama dɩ ma nɛ vɩa mɩ niiŋ aŋ to ma nyuduoŋ lɛ, ma dʋndɔŋŋɔɔ jaŋ kpʋma.” La TƖƖNA nɛ bʋla.

JƐRƖMAAYA 12:12

Laalɩyuoro-la sɩɩ chei leriŋ jaŋ kʋ waala tɔ dundollu-la kala sɩ hɛ tintee-hɩlɩŋ lɛ, mɩ-na ma TƖƖNA tokobiiŋ jaŋ chɩŋ tintee-la sɛmɛ dɔŋɔ, a kpʋ nɩaa deeŋ deeŋ a mʋ yi sɛmɛ dɔŋɔ. Nʋʋkala bɩ jaŋ wiesi.

JƐRƖMAAYA 2:30

Mɩ fa dɔgɩsɛ ma nɩaa nɛ a chɩchɛ dɩ mɩ kɛmba tʋra kɩɩ nɛ, ama ŋɩɩ ŋaa pɛɩ nɛ. Ba fa bɩ mɩ teeŋ jegile nɩɩ, aŋ kpʋ ma Wɩa wʋlaabʋllaa a nagɛ naachigiŋ sɩ hoso a kpʋ nɩaa.

JƐRƖMAAYA 4:21

Ɛɛ nɛ mɩɩ chɛ dɩ mɩ na laalɩŋ sɩ hoso, aŋ pɛ nɩɩ ba sɩɩ ŋmʋʋ banyile ma a diene magɛ?

JƐRƖMAAYA 46:10

Ama tapʋlɩɩ-la ŋaa mɩ-na ma TƖƖNA doluŋ kala Tɩɩna kʋa nɛ, tapʋlɩɩ-la mɩ sɩ jaŋ joŋ mɩ baanɩŋ tiŋ mɩ dʋndɔŋŋɔɔ lɛ. Mɩ tokobiiŋ jaŋ dii nɩaa ŋɩɩ a vɔgɛ, a nyʋa ba chalɩŋ ma ŋɩɩ a vɔgɛ. Mɩ-na ma TƖƖNA doluŋ kala Tɩɩna jaŋ kpʋ mɩ dʋndɔŋŋɔɔ wɩɩpɔsʋŋ nagʋa dɩɩrɩŋ tintee-la lɛ a kpagɛ Yufireti fuo-la.

JƐRƖMAAYA 46:14

“Má heele bʋl wɩɩŋ deeŋ Ijipiti arɩ Mɩgɩdɔl lɛ. Má heele bʋlʋ Memfis arɩ Tapanhɛs ma lɛ: ‘Má chɩŋ ma dɩchɩnaa a ŋaa siri, bɛɛ wɩaa laalɩŋ ka dii nɩalɩŋ sɩ gollima nɛ.’

HOSIA 11:6

Laalɩŋ jaŋ gɩrɛ dɩ tokobiee lɩlɩgɩsɛ ʋ tabalaa lɛ, a bori ʋ boi-baalaa daadoloo, a cheyu dɩ wʋbɔmɔ-la ʋ sɩ bɩɩna dɛrɛ.

Tɩntɩŋŋaa 7:26

Taŋ sɩ pʋla, ʋ na dɩ Iziral nɩaa balɩa, ka yuo dɔŋɔ. Ʋ mʋ dɩ ʋ kɛmba hɛ dɔŋɔ lɛ a bʋl, ‘Ma ŋaa naambiiri nɛ, bɛɛ nɛ tɩɩ ma gʋra dʋdɔgɩsɛ dɔŋɔ?’