2 SAMƲƐL 18:9 - WƖA TENIŊ

⁹ Bʋa deeŋ lɛ dɩ Abɩsalɔm mʋ cheŋ Devit laalɩyuoroo. Ʋ fa jɩl kakumo nɛ. Kakumo-la kɛnʋ jʋʋ piiŋ-lugu kʋbala bʋbʋɔŋ. Tɩa-la naakelee kɛŋ Abɩsalɔm nyu-pʋnaa lɛ a soru kakumo-la nyuŋ ʋ lilieŋi, ka kakumo-la kiele mʋmʋ.

2 SAMƲƐL 18:9 ပူးပေါင်းရင်းမြစ်များ

2 SAMƲƐL 13:29

Ŋɩɩ nɛ Abɩsalɔm tɩntɩnnaa ŋaa wɩɩ-la Abɩsalɔm sɩ sɩ ba ŋaa Amɩnɔŋ lɛ a kpʋʋ. Kuoro bii-kaanaa sii a jɩl ba kakusuŋ a fá viiri.

2 SAMƲƐL 14:26

Jɩna jɩna nɛ ʋ kaa kɩkɛ ʋ nyuŋ. Dɩ ʋ nyu-pʋnaa nɛ faasa waa dɩ ba kɛ, ba yuŋuŋ yie ŋaa kilo balɩa nɛ, dɩ ba nɛ kɛŋ sanɩa-la ba sɩ kaa mɩmagɩsɛ kɩaa kuoro dɩa lɛ a magɩsɛ.

2 SAMƲƐL 17:23

Ahitofɛl sɩ na dɩ Abɩsalɔm arɩ Iziral tɩŋŋaa sɩpaalaaraa bɩ wɩalɩŋ ʋ sɩ daga to, ʋ sii kpɩɛrɛ ʋ kakumo a mɩɩra mʋ ʋ jaŋ Gilo. Ʋ sɩ mʋa, ʋ dagɛ ʋ dɩa nɩaa arɩ ʋ tɩntɩnnaa wɩalɩŋ ba sɩ jaŋ ŋaa, aŋ lieŋi ʋ tɩtɩa, a sʋʋ. Ba joŋu hugi ʋ nyɩmma bʋa lɛ.

2 SAMƲƐL 18:10

Laalɩyuoro-la dɔŋɔ sɩ na ŋɩɩ, ʋ bʋla pɩ Jʋab, “Mɩ na Abɩsalɔm dɩ ʋ sagɛ piine kʋbala nyuŋ, a lilieŋi.”

2 SAMƲƐL 18:14

Jʋab bʋl, “Mɩ bɩ jaŋ leŋ dɩ ŋ chɩna kɛmmɛ didieni.” Ŋɩɩ nɛ aŋ joŋ tiŋŋee batori a yagɛ hɛ Abɩsalɔm bɔyɛ lɛ, dɩ Abɩsalɔm ha weye, a sagɛ piine-la nyuŋ.

2 SAMƲƐL 18:8

Laalɩŋ pusi lee-la kala. Nɩalɩŋ duu-la sɩ leŋe ba sʋʋ tapʋlɩɩ-la nɛ kɩɩ nɩalɩŋ ba sɩ kpʋa laalɩŋ lɛ.

JOB 31:3

Ʋ jaŋ chei nɩbɔŋŋɔɔ, aŋ joŋ wʋlɔrʋnʋŋ hɛ nɩalɩŋ sɩɩ ŋaa wʋbɔŋŋɔɔ lɛ.

NAMAGABA 20:20

Dɩ nʋʋ nɛ bʋl wʋlɔrʋŋ ʋ nyɩmma koo ŋ naaŋ lɛ, ʋ mɩɩsɩŋ jaŋ dɛrɛ a nagɛ nyiniŋ sɩ dɩsɛ birimiŋ tʋɔŋ.

NAMAGABA 30:17

Dɩ nʋʋ nɛ hɛ nɩmɛ aa mɔŋ ʋ nyɩmma, a kɛŋ ʋ naaŋ ŋmuŋmoo gbɛɛŋ a bɩ ba niiŋ ka to, gɩlɩŋgaamba jaŋ chaarɛ ʋ sɩaa, dɩ duunuŋ ma dii ʋ kala.

JƐRƖMAAYA 48:44

Dɩ nʋʋkala nɛ wuo fori fawʋllɩɩ-la lɛ, ʋ jaŋ tuu buotuo-luŋii-la. Dɩ nʋʋ nɛ wuo lɩɩ buotuo luŋii-la tʋɔŋ, bɛrɛ́ jaŋ kɛnʋ. Mɩ jaŋ dɔgɩsɛ Mʋab jɩna-la lɛ sɩ maga mɩ dɔgʋsʋ. Mɩ-na ma TƖƖNA nɛ bʋla.

Matiu 27:5

Ŋɩɩ nɛ Judas joŋ moribie-la a yuo ta Wɩa dɩɩ-bal-la tinteeŋ aŋ lɩɩ a mʋ yuo ŋmɛnɩŋ.

Maak 7:10

Mosis fa ŋmʋnsa arɩ Wɩa sɩ, ‘Fá ŋ nyɩmma arɩ ŋ naaŋ,’ a bɩra bʋl, ‘Dɩ nʋʋ nɛ bʋl wʋbɔmʋŋ a tɩgɛ ʋ nyɩmma koo ʋ naaŋ lɛ, ʋ maga ba kpʋ tɩɩna nɛ.’

Galiisia Nɩaa 3:13

Ama Wɩa sɩ ŋmɩɛsa hɛ nɩalɩŋ sɩ nɩɩ wɩalɩŋ Mosis sɩ ŋmʋnsa bil aŋ bɩ ba wuo tuto, Kirisito lɩɩsɛla wɩaa deemba lɛ nɛ. Ba kpaasʋ mɛrɛ daagɛsɛ nyuŋ nɛ. Ba sɩ ŋaa ŋɩɩ, Wɩa ŋmɩɛsa hɛ ʋ lɛ a tɩŋ la wɩaa, bɛɛ wɩaa ba ŋmʋnsɛ Wɩa teniŋ tʋɔŋ a bʋl, “Nɩɩ-la kala ba sɩ kpaasa mɛrɛ daaŋ nyuŋ, Wɩa ŋmɩɛsa hɛ ʋ lɛ nɛ.”

MOSIS BƖRA WULLI WƖA WOMBIIŊ 21:23

ʋ bɩ maga dɩ ma leŋ dɩ ʋ sagɛ nɩmɛ dɩ taŋ pʋl. Ʋ maga dɩ ma hugu tapʋlɩɩ-la tɩtɩa nɛ, bɛɛ wɩaa Wɩa ŋmɩɛsa hɛ nɩɩ-la kala kʋsʋʋŋ sɩ sagɛ tɩa nyuŋ nɛ. Ʋ bɩ maga dɩ ma ŋaa disiniŋ a hɛ tintee-la ma TƖƖNA Wɩa sɩ joŋo pɩpɩ ma dɩ ʋ ŋaa ma kʋŋ lɛ.

MOSIS BƖRA WULLI WƖA WOMBIIŊ 27:16

‘La TƖƖNA ŋmɩaŋ jaŋ dii nɩɩ-la kala sɩ bɩ ʋ nyɩmma arɩ ʋ naaŋ ka zil.’ Nɩalɩŋ kala jaŋ laa bʋl, ‘Amɩɩ.’

MOSIS BƖRA WULLI WƖA WOMBIIŊ 27:20

‘Nɩɩ-la kala sɩ kɛŋ ʋ nyɩmma haala pɩŋ, hɩɩsɛ ʋ nyɩmma nɛ, La TƖƖNA ŋmɩaŋ jaŋ dii tɩɩna.’ Nɩalɩŋ kala jaŋ laa bʋl, ‘Amɩɩ.’