2 SAMƲƐL 18:18 - WƖA TENIŊ

¹⁸ Abɩsalɔm fa sɩ hɛ ʋ mɩɩsɩŋ lɛ, ʋ kɛŋ tabɩaa nɛ a saa kɛrɛ ʋ chɩŋ kuoro fuonaaŋ lɛ ba sɩ jaŋ kaa liliisi ʋ wɩaa. Ʋ sɩ, “Mɩ bɩ bii kala kɛnɛ sɩ jaŋ leŋ dɩ mɩ yɩrɩŋ sɩ́ dɩsʋ.” Ʋ joŋ ʋ tɩtɩa yɩrɩŋ a hɛ pɩ jebii-la. Arɩ jɩnɩŋ kala ba haa yɩrɛ jebii-la Abɩsalɔm jebiiŋ nɛ.

2 SAMƲƐL 18:18 ပူးပေါင်းရင်းမြစ်များ

WƖAA DƖ-SUOMUŊ 11:4

Ŋɩɩ nɛ ba bʋla pɩ dɔŋɔ, “Má leŋ dɩ la saa tabal arɩ dɩɩ-leŋiŋ sɩ jaŋ jɩla yi wɩa-nyuŋ a pɩ la tɩtɩa. Dɩ la nɛ ŋaa ŋɩɩ, la jaŋ laa yɩrɩŋ a pɩ la tɩtɩa a sɩ́ dɔŋɔ lɛ pɩsʋ, tinteeŋ lɛ.”

WƖAA DƖ-SUOMUŊ 11:9

Ŋɩɩ nɛ tɩɩ ba fa yɩyɩrɛ taŋ-la Babɛl, bɛɛ wɩaa La TƖƖNA kɛŋ yikoro kala vʋgʋmɛ tinteeŋ lɛ nɛ. A lɩɩ nɩmɛ La TƖƖNA kɛmba pɩsɛ dʋnɩa kala lɛ.

WƖAA DƖ-SUOMUŊ 14:17

Abɩram sɩ mʋ yuo dii kuoro Kedolooma arɩ ʋ kuoru dɔnsʋ-la aŋ mɩɩra kɔ, ŋɩɩ nɛ Sodom kuoro kʋ lɩɩ chemu Save fuonaa-la lɛ, ʋ nɛ ŋaa kuoroo fuonaaŋ.

2 SAMƲƐL 14:27

Abɩsalɔm fa lʋl hambolibiisiŋ batori nɛ arɩ tolo kʋbala baa yɩrɛ Tama. Tolo-la fa zɔmɔ nɛ woruŋ.

WƖA YƖƖLAA 109:13

Leŋ dɩ ʋ doho kala dɛrɛ, dɩ ʋ yɩrɩŋ lɛl nɩalɩŋ ba ha sɩ jaŋ lʋl tʋɔŋ.

WƖA YƖƖLAA 49:11

Ba fa kɛŋ tinteyee nɛ a joŋ ba yɩraa hɛ, ama ba vaamaa nɛ jaŋ mɩɩra ŋaa ba dɩjʋʋlaa a kaa mʋ wuu.

AZAAYA 22:16

Bɛɛ nɛ ŋ ŋɩŋaa daha, kʋbɛɛ nɛ pɩŋ wombiiŋ dɩ ŋ lɔsɛ ŋ dɩ-huguŋ bʋŋ lɛ dundolo nyuŋ?”

JƐRƖMAAYA 22:30

Wɩɩ-la La TƖƖNA sɩ bʋla nɛ ŋ-la: “Ŋmʋnsɛ baala deeŋ wɩaa bil arɩ ʋ bɩ bii lʋla, wɩaa bɩ jaŋ vɛŋ woruŋ pʋ ʋ mɩɩsɩŋ kala lɛ. Wɩaa bɩ jaŋ vɛŋ woruŋ a pɩ ʋ dɩ ʋ doho nɩaa kala. Ba kʋŋkala bɩ jaŋ hɔŋ Devit kuoru kpasa-la nyuŋ, a bɩra dii kuoruŋ Juda lɛ.”

DANƖƐL 4:30

aŋ bʋl, “Bee na taŋ deeŋ ba sɩɩ yɩrɛ Babɩlɔŋ sɩ yʋga magɛ ŋɩɩ, mɩ nɛ kɛŋ mɩ doluŋ saaʋ, ʋ ŋaa mɩ tinteeŋ tabalɩŋ a laa yɩrɩŋ pɩmɛ mɩ gigenni.”

NAMBABA 32:42

Noba ma yuo dii Kenaf arɩ tabiisi-la sɩ gollu, aŋ joŋ Noba, ʋ tɩtɩa yɩrɩŋ a hɛ pɩ lee-la.

1 SAMƲƐL 15:12

Taŋ sɩ pʋla chʋchʋɔŋ, ʋ sii mʋ Sɔɔl leriŋ dɩ ʋ naʋ, ama nʋʋ bʋla pʋ, “Sɔɔl mʋ lee-la ba sɩɩ yɩrɛ Kamɛl. Nɩmɛ nɛ ʋ kɛŋ tabɩaa saa kʋŋ ʋ ŋaa magɩl a pɩ ʋ tɩtɩa, dɩ nɩaa liliisi ʋ wɩaa, aŋ lɩɩ nɩmɛ mʋ Gɩlɩgal.”