2 SAMƲƐL 17:8 - WƖA TENIŊ

⁸ Ŋ jɩma woruŋ ŋ nyɩmma arɩ ʋ nɩaa chaasa ŋaa laalɩyuoro nɛ. Lɛɛlɛ ŋ-la ba yaraa kala hoso nɛ a nagɛ lʋgʋmʋŋ bie ba sɩ kpʋa ʋ yaraa hosi. Ŋɩɩ ma dʋndʋŋa dee, ŋ nyɩmma ŋaa laalɩyuori-bɩnɩɩ nɛ, a bɩ ʋ laalɩyuoroo tʋɔŋ ka guoli tɩtaŋɩŋ.

2 SAMƲƐL 17:8 ပူးပေါင်းရင်းမြစ်များ

2 SAMƲƐL 15:18

Ʋ laalɩyuoroo kala kʋ kielu bal a pɛ nɩalɩŋ sɩɩ pɔʋ lɛ. Ŋɩɩ nɛ Giti tɩŋŋaa laalɩyuoro-la zɔɔ-balɩdʋ-la ma sɩ to ʋ harɩŋ a lɩɩ Gaf, ba ma kʋ bal.

2 SAMƲƐL 17:9

Magɛ ŋ-la ʋ paala jʋʋ faa bʋ-bʋa lɛ koo lee dɔŋ. Dɩ nʋʋ nɛ nɩa dɩ Devit kpʋ ma laalɩyuoroo dɔnsʋŋ, nɩaa jaŋ bɩɩnɛ laalɩyuoro-la kala sɩɩ to Abɩsalɔm harɩŋ nɛ ba kpʋ ŋɩɩ.

2 SAMƲƐL 23:16

Ŋɩɩ nɛ laalɩyuori babiibala-la batori wuo nyɩgɩsa to Fɩlɩsɩtɩa laalɩyuoro-la tʋɔŋ, a mʋ ŋaa lɩɩŋ vil-la sɩ kpagɛ Bɛtɩlɛhɛm boi-baalɩŋ lɛ a kaa kʋ pɩ Devit. Ama ʋ vɩa lɩɩ-la aŋ joŋo bɩsa ta La TƖƖNA sɩpaaŋ,

2 SAMƲƐL 23:18

Laalɩyuori-babiibalaa mara arɩ fii ma fa hɛ nɩmɛ. Zeruya nanʋala Jʋab naambie Abɩsaɩ nɛ fa ŋaa ba sɩpaalaara. Ʋ fa kpʋ nɩaa zɔɔ-batori nɛ arɩ ʋ timiŋ, a laa yɩrɩŋ a nagɛ laalɩyuori-babiibal-kpaŋkpamba-la batori.

2 KUOROO 2:24

Ʋ mɩɩra bɩrɩma bemba, aŋ kalɩba hɛ ba lɛ La TƖƖNA yɩrɩŋ lɛ. Ŋɩɩ nɛ lʋgʋmaa balɩa lɩɩ gɩrɩŋ tʋɔŋ a kʋ kɛsɛ bapʋɔsɛ biisi-la mahɩŋ balɩa arɩ balɩa kala a chaŋ.

NAMAGABA 17:12

Nʋʋ sɩ cheŋ lʋgʋmʋŋ sɩ chɛ ʋ bie lɔl ka ʋ yaraa hosi, nɛ kpɩa ŋ sɩ cheŋ nɩyaarɩŋ dɩ ʋʋ ŋaa nɩyaarɛ wɩaa.

NAMAGABA 28:15

A nagɛ naachigiŋ sɩɩ huosu koo lʋgʋmʋŋ yaraa sɩ hoso ʋ kɛŋ fawʋllʋŋ ŋɩɩ, ŋɩɩ nɛ ʋ nagɛ summoo lɛ dɩ nɩbɔmʋŋ nɩɩ bemba.

ƐZƖKƖƐL 19:2

a bʋl: “Ma naaŋ fa ŋaa naachigi-duo nɛ a guoli naachigi-belliŋ tʋɔŋ. Ʋ yie hɛ ba tʋɔŋ nɛ a dɩdɩɛsɛ ʋ biiriŋ.

DANƖƐL 7:5

Mɩ bɩra na baga kʋlɩamɩŋ, ʋ nagɛ lʋgʋmʋŋ. Ʋ sii chɩŋ ʋ hui-naasɩŋ nyuŋ, aŋ ka ʋ chɛbɛ sɛnpɛrɩ-biee haŋgbelee batori ʋ niiŋ lɛ. Ba bʋla pʋ, ‘Sii chaŋ nammɩa a magɛ ŋɩɩ kala ŋ sɩɩ chɛ.’

HOSIA 13:8

A nagɛ ba sɩ kɛsɛ lʋgʋmʋŋ biiriŋ ʋ yaraa hosi ŋɩɩ. Mɩ jaŋ luri ba fehe. Mɩ jaŋ chamba a nagɛ naachigiŋ a kɛmba pʋɔsɛ a nagɛ baga kʋa.

SƖPAALAARAA 18:25

Daŋ doho nɩalɩŋ bʋla pɩba, “Sɩ́ la kaa lɩlɛrɛ, dɩ ŋ nɛ leŋe la baanɩŋ sii, la jaŋ kpʋ ŋ dɩ ŋ dɩa nɩaa kala.”

1 SAMƲƐL 16:18

Tɩntɩnna-la dɔŋɔ bʋl, “Mɩ jɩŋ Jesi sɩ lɩɩ Bɛtɩlɛhɛm nanʋal kʋbala lɛ nɛ, ʋ chaasa jɩŋ cheŋ dunuŋ nɛ woruŋ. Ʋ ŋaa bɔɩ-duo tɩɩna nɛ, a ŋaa bayuoru. Ʋ ŋaa bapʋɔsɛ-zɔŋ nɛ, a jɩŋ wɩaa bʋlʋŋ woruŋ. La TƖƖNA chɩŋ ʋ harɩŋ nɛ.”

1 SAMƲƐL 17:50

Ŋɩɩ nɛ Devit yuo dii Fɩlɩsɩtɩa tɩɩna-la arɩ kpalɩŋ. Ʋ bɩ tokobiiŋ ma koro, aŋ yuo dii Golɩaf a kpʋʋ.

1 SAMƲƐL 23:23

Má beŋ woruŋ a jɩŋ lere-la kala ʋ sɩ yie fɩfaa, a kʋ bʋl wʋtɩtɩɩ a pɩmɛ. Mɩ jaŋ to ma harɩŋ mʋ, dɩ ʋ nɛ hɛ lee-la, mɩ jaŋ chɛ kɛnʋ, dɩ ʋ nɛ paala magɛ dɩ mɩ gbilli Juda tinteeŋ kala ma.”