2 SAMƲƐL 17:17 - WƖA TENIŊ

¹⁷ Abɩata nanʋala Jonataŋ arɩ Zadɔk bie Ahɩmaas fa hɛ Ɛŋ-Rɔgɛl lɩɩ-bulo-la leriŋ nɛ, Jerusalɛm niiŋ aa gbɛrɛ, bɛɛ wɩaa dɩ ba nɛ naba dɩ baa jʋʋ taŋ-la, ʋ bɩ jaŋ zɔŋ a pɩba. Tɩntɩnnɩ hantolibie kʋbala nɛ fa yie mʋ bʋl wɩalɩŋ kala sɩ ŋaa a pɩba, ba ma kaa mʋ bʋla pɩ kuoro Devit.

2 SAMƲƐL 17:17 ပူးပေါင်းရင်းမြစ်များ

2 SAMƲƐL 15:27

Kuoro bɩra pɩɛsɛ Zadɔk, Wɩɩsʋllɩ sɩpaalaara, “Na ŋ ŋaa Wɩa sɩɩ-naarʋ nɛ? Kɛŋ ŋ nanʋala Ahɩmaas, dɩ Abɩata ma kɛŋ ʋ nanʋala Jonataŋ dɩ ma mɩɩra mʋ taŋ tʋɔŋ sɔm.

2 SAMƲƐL 15:35

Wɩɩsʋllɩ sɩpaalaaraa, Zadɔk arɩ Abɩata ma jaŋ hɛ ŋ teeŋ. Ŋ jaŋ wuo bʋl wɩɩ-la kala ŋ sɩ nɩa kuoro dɩa lɛ a pɩba.

2 SAMƲƐL 15:36

Ba hambolibiisi-la balɩa, Ahɩmaas arɩ Jonataŋ ma jaŋ hɛ nɩmɛ. Tɩmba dɩ ba kʋ bʋl wɩɩ-la kala ŋ sɩ nɩa a pɩmɛ.”

1 KUOROO 1:42

Ʋ fa sɩɩ bʋl ŋɩɩ, dɩ Abɩata sɩ ŋaa Wɩɩsʋllɩ sɩpaalaara nanʋala Jonataŋ kɔ. Adonija yɩrʋ, “Kʋ jʋʋ. Ŋ-na sɩɩfɩaŋ tɩɩna deeŋ sɩɩ kɔ ŋ-la, ʋ naga wʋzɔŋ nɛ ŋ kaa kɔ.”

1 KUOROO 1:9

Ŋɩɩ nɛ Adonija kpʋ piesee, nɛ-belliŋ, nɛ-pɔrɔɔ sɩ nɛrɛ a ŋaa Wɩɩsʋlʋŋ Dɩmɩŋ tabɩɩ-la lɛ, a kpagɛ Ɛŋ-Rɔgɛl. Ŋɩɩ nɛ ʋ yɩrɛ ʋ naambiiriŋ kala sɩ ŋaa kuoro biiriŋ, a pɛ Juda baala-la kala sɩ ŋaa kuoro tɩntɩnnɩ-hɩasɩŋ.

JOSUA 15:7

Tintee-la bʋa nɛ ha jɩla to Akɔ fuonaaŋ a lɩɩ nɩmɛ a mʋ yi Dɛbɩ aŋ bɩra gɛbɛ wɩɩpɔsʋŋ nagʋa dɩɩrɩŋ ŋɩɩ a mʋ yi Gɩlɩgal, a chaasɛ Adumim wombii-la sɩ hɛ peelee pɛgɛ a joŋ ŋɩɩ a mʋ fuonaa-la sɩ hɛ wɩɩpɔsʋŋ nadiiŋ dɩɩrɩŋ. Ʋ ha pɩŋ ŋɩɩ nɛ a mʋ to Ɛŋ-Sɛmɛs lɩɩ-bulo-la leriŋ, a to ŋɩɩ a kʋ lɩɩ Ɛŋ-Rɔgɛl.

JOSUA 18:16

Bʋa-la bɩra joŋ ŋɩɩ nɛ a tuu peel taala-la, a tʋʋlɛ Bɛŋ Hɩnɔm fuonaa-la a to Rafaɩ tɩŋŋaa fuonaaŋ wɩɩpɔsʋŋ nagʋa dɩɩrɩŋ. Ʋ nɛ ha to ŋɩɩ a tuu Hɩnɔm fuonaa-la, a joŋ ŋɩɩ mʋ to Jebus tɩŋŋaa taŋ-la wɩɩpɔsʋŋ nadiiŋ dɩɩrɩŋ tintee-la sɩ chulloo tuu a joŋo tuu taŋ-la ba sɩɩ yɩrɛ Ɛŋ-Rogɛl.