2 SAMƲƐL 17:14 - WƖA TENIŊ

¹⁴ Abɩsalɔm arɩ Iziral nɩaa kala bʋl, “Wɩɩ-la Husai, Aakɩ tɩɩna-la sɩ bʋla nɛ kpɩa wɩɩ-la Ahitofɛl sɩ bʋla.” La TƖƖNA faa chɛ dɩ ba sɩ́ wʋzɔŋ-la Ahitofɛl sɩ bʋla to nɛ, ka dɩ ʋ joŋ wʋlɔrʋŋ a ŋaa Abɩsalɔm lɛ.

2 SAMƲƐL 17:14 ပူးပေါင်းရင်းမြစ်များ

WƖAA DƖ-SUOMUŊ 32:28

Ŋɩɩ nɛ baal-la bʋl, “Ŋ yɩrɩŋ bɩra bɩ jaŋ ŋaa Jekɔb. Ŋ yɩrɩŋ nɛ Iziral, bɛɛ wɩaa ŋ kɛŋ Wɩa arɩ nuhuobiinee loo nɛ a lobo dii.”

2 SAMƲƐL 15:31

Nʋʋ bʋla pɩ Devit, “Ahitofɛl ma lɩɩ ŋ harɩŋ nɛ, a chɩŋ Abɩsalɔm harɩŋ.” Ŋɩɩ nɛ Devit chʋɔlɛ Wɩa, “La TƖƖNA, leŋ dɩ wɩalɩŋ Ahitofɛl sɩ jaŋ dagɛ kuoro ŋaa wʋpɛɩba.”

2 SAMƲƐL 15:34

Ama dɩ ŋ nɛ mɩɩra mʋ taŋ tʋɔŋ a bʋla pɩ Abɩsalɔm, ‘Kuoro, mɩ jaŋ ŋaa ŋ tɩntɩnnʋ, bumbuŋ kala mɩ ŋaa ŋ nyɩmma tɩntɩnnʋ nɛ, ama lɛɛlɛ mɩ jaŋ ŋaa ŋ tɩntɩnnʋ.’ Dɩ ŋ nɛ ŋaa ŋɩɩ, ŋ jaŋ wuo pɛ mɩ lɛ dɩ la kɛŋ wɩalɩŋ kala Ahitofɛl sɩ bɩɩna dɩ ʋ ŋaa a pugo ta.

2 SAMƲƐL 16:23

Bʋa-la lɛ, wɩalɩŋ Ahitofɛl fa sɩ dagɛ Abɩsalɔm fa nagɛ nɩa sɩ nɩɩ wɩaa Wɩa teeŋ nɛ. Devit arɩ Abɩsalɔm kala fa bɩɩna wɩalɩŋ lɩɩ Wɩa teeŋ nɛ.

2 IZIRAL TƖŊŊAA NAABARƖŊ 10:15

Wɩa faa chɛ dɩ wɩɩ-la ʋ sɩ to ʋ wʋlaabʋlla Ahija sɩ lɩɩ Sɩlɔ lɛ a bʋla pɩ Nɛbat nanʋala Jerobuam kʋ ŋaa nɛ. Ŋɩɩ nɛ tɩɩ kuoro bɩ nɩhɩasɩ-la niiŋ jegile nɩɩ ŋɩɩ.

2 IZIRAL TƖŊŊAA NAABARƖŊ 10:8

Ŋɩɩ nɛ Rihobuam vɩa wɩɩ-la nɩhɩasɩ-la sɩ dagʋ, aŋ mɩɩra mʋ pɩɛsɛ bapʋɔsɩa-la sɩ ŋaa ʋ wielee aŋ lɛɛlɛ tɩma pʋpʋ.

2 IZIRAL TƖŊŊAA NAABARƖŊ 25:16

Ʋ fa ha sɩɩ bʋl wɩaa ŋɩɩ, kuoro pɩɛsʋ, “La lɩɩsɩŋ nɛɛ dɩ ŋ chagɩlɛ kuoroo? Bɩra sɩ́ wɩɩ bʋl, dɩ ŋɩɩ dee mɩ jaŋ leŋ dɩ ba kpʋŋ.” Ŋɩɩ nɛ Wɩa wʋlaabʋllʋ-la leŋ, aŋ bʋl, “Mɩ jɩma arɩ Wɩa ŋaa siri nɛ dɩ ʋ cheyiŋ, bɛɛ wɩaa ŋ ŋaa wʋbɔŋŋɔɔ deemba kala nɛ aŋ bɩra vɩa dɩ ŋ jegile nɩɩ mɩ sɩɩ chagɩlɩŋ.”

2 IZIRAL TƖŊŊAA NAABARƖŊ 25:20

Ama Amazɩa bɩ jegile nɩɩ, bɛɛ wɩaa Wɩa chɛ dɩ ʋ leŋ Jehuas yuo diiba nɛ, a tɩŋ ba sɩɩ kpaarɛ Ɛdɔm tɩŋŋaa vesi-la wɩaa.

NƐHƖMAAYA 4:15

La dʋndɔŋŋɔɔ sɩ nɩa arɩ la nɩɩ wɩalɩŋ kala ba sɩ vʋʋra a tɩgɛ la lɛ nɛ, Wɩa ma kɛŋ wɩalɩŋ kala ba sɩ vʋʋra vʋgʋmɛ, Ŋɩɩ nɛ la kala bɩra mʋ wasa sɩsaa jebii-la.

JOB 12:17

Ʋ nɛ yie kɛŋ sɩpaalaaraa wʋjɩmɩŋ kaa laa, aŋ leŋ ba ŋaa wɩaa a nagɛ nɩyaaraa.

WƖA YƖƖLAA 9:15

Tinteye-la nɩaa sɩ bɩ Wɩa jɩŋ foro tuu buotuonu-la ba tɩtɩa sɩ luo nɛ. Bɛrɩsɩ-la ba sɩ bɛrɛ gʋra kɛsɛ ba tɩtɩa nɛ.

WƖA YƖƖLAA 9:16

La Tɩɩna wʋtɩtɩɩ lɛ nɛ ŋ jaŋ to a jɩmʋ. Wʋbɔmɔ-la nɩbɔŋŋɔɔ sɩ ŋaa nagɛ bɛrɛ nɛ a gʋra kɛsɛba.

MOSIS KƐŊ IZIRAL TƖŊŊAA LƖƖ 9:16

ama mɩ lemma nɛ, dɩ mɩ dagɛ mɩ doluŋ dɩ mɩ yɩrɩŋ yɩrɛ dʋnɩa sɛmɛ na-kala.

NAMAGABA 19:21

Nuhuobiine yie bɩɩnɛ wʋdaŋ nɛ dɩ ʋ ŋaa, ama wɩɩ-la La Tɩɩna sɩɩ chɛ nɛ jaŋ chɩŋ.

NAMAGABA 21:30

Ŋ cho ŋ kɛŋ wʋjɩmɩŋ koo ŋ jɩŋ wɩaa sɩaa koo a bɩbɩɩnɛ wɩaa woruŋ ɛɛ kala, ŋɩɩ bɩ jaŋ wuo leŋ dɩ ŋ chɩŋ La Tɩɩna sɩpaaŋ.

AZAAYA 8:10

Ma vʋʋrɛ wɩaa a tɩgɛ la lɛ nɛ, ama wɩalɩŋ kala jaŋ pugi. Má kɛŋ tʋɔŋ nɛ arɩ la, ama ma tʋɔbɩɩna-la bɩ jaŋ chɩŋ, bɛɛ wɩaa Wɩa hɛ la teeŋ nɛ.

JEMBIEE 3:37

Kʋbɛɛ nɛ jaŋ wuo bʋl wɩɩ, aŋ leŋ dɩ wɩɩ-la ŋaa dɩ La TƖƖNA bɩ wombiiŋ pa?

AMƆS 9:3

Dɩ ba nɛ jɩla faa peel-la ba sɩɩ yɩrɛ Kamɛl nyuŋ, mɩ jaŋ chɛ kɛsɛba. Dɩ ba bɩra faa mʋgʋ-balɩŋ bʋbʋɔŋ dɩ mɩ sɩ́ ba na ma, mɩ jaŋ leŋ dɩ kataha sɩ hɛ lɩɩŋ tʋɔŋ dɩmba.

Luuk 16:8

Ŋɩɩ nɛ kɩaa tɩɩna-la bɛsɛ sɩŋgɩrɩŋ tɩɩna-la lɛ arɩ ʋ ŋaa kukeri nɛ arɩ wʋjɩmɩɩ-la ʋ sɩ kɛnɛ a ŋaa wʋbɔŋ-la.” Ŋɩɩ nɛ Yesu bɩra bʋl, “Bee na nɩalɩŋ sɩ cho dʋnɩa kɩaa kɩŋkɛŋ sɩ kɛŋ wʋjɩmɩŋ ŋɩɩ a pɩpɛ dɔŋɔ lɛ a kɩɩ nɩalɩŋ sɩɩ to Wɩa.”

1 Kɔrɩntɩ Nɩaa 3:19

Dʋnɩa nɩaa wʋjɩmɩŋ ŋaa pɛɩ nɛ Wɩa teeŋ. Wɩa teniŋ tʋɔŋ ba bʋla, “Wɩa to dʋnɩa nɩaa wʋjɩmɩŋ lɛ nɛ a bɛrɛ kɛsɛba.”

MOSIS BƖRA WULLI WƖA WOMBIIŊ 2:30

Ama Amɔrɩ tɩŋŋaa kuoro Sɩhɔŋ-na bɩ la wombiiŋ pa dɩ la to ba tinteeŋ a bal. Ma TƖƖNA Wɩa fa leŋe ʋ tʋɔŋ pɩrɛ nɛ, ʋ bɩ ʋ niiŋ sɛyɛ. Ŋɩɩ leŋ ʋ joŋu hɛ la nɩsɩŋ lɛ, la yuo diiu a hɔŋ ʋ tinteeŋ lɛ arɩ jɩnɩŋ kala.

JOSUA 11:20

La TƖƖNA nɛ fa ŋaa tasɩ-la kɛŋ nyuduoŋ a yuyuo Iziral tɩŋŋaa ŋɩɩ, dɩ ʋ to ŋɩɩ lɛ a chaasa cheiba, a kpʋ ba kala aŋ sɩ́ ba nenige fá, arɩ La TƖƖNA fa sɩ bʋl ŋɩɩ pɩ Mosis.