2 SAMƲƐL 17:10 - WƖA TENIŊ

¹⁰ Ŋ laalɩyuoro-la ma kala sɩ paala ŋaa baalaa, a kɛŋ bɔɩ-duoŋ a nagɛ naachigiŋ, fawʋllʋŋ jaŋ jʋʋba dɩ ba nandaasɩŋ yʋɔrɛ, bɛɛ wɩaa nʋʋkala sɩ hɛ Iziral tinteeŋ lɛ jɩma dɩ ŋ nyɩmma ŋaa laalɩyuori-babiibal nɛ, ʋ nɩaa ma kala ŋaa bɔɩ-duo tɩmma.

2 SAMƲƐL 17:10 ပူးပေါင်းရင်းမြစ်များ

WƖAA DƖ-SUOMUŊ 49:9

Juda, ŋ nagɛ naachigi-bie nɛ. Ŋ wuo jʋʋ ŋ dʋndɔŋŋɔɔ tʋɔŋ aŋ mɩɩra kʋ lɩɩ ka ba bɩŋ die. Ŋ nagɛ naachigiŋ sɩ pɩna a hʋhʋʋnɛ nɛ. Kʋbɛɛ nɛ jaŋ wuo mʋ ʋ teeŋ?

2 SAMƲƐL 1:23

Nɩaa fa cho Sɔɔl arɩ Jonataŋ nɛ woruŋ, ba kala fa hɛ ba mɩɩsɩŋ lɛ, aŋ kala bɩra to dɔŋɔ a sʋʋ. Ba fa lɩma a kɩɩ kachuunuŋ, ba kɛŋ doluŋ ma a kɩɩ naachigee.

2 SAMƲƐL 17:9

Magɛ ŋ-la ʋ paala jʋʋ faa bʋ-bʋa lɛ koo lee dɔŋ. Dɩ nʋʋ nɛ nɩa dɩ Devit kpʋ ma laalɩyuoroo dɔnsʋŋ, nɩaa jaŋ bɩɩnɛ laalɩyuoro-la kala sɩɩ to Abɩsalɔm harɩŋ nɛ ba kpʋ ŋɩɩ.

2 SAMƲƐL 23:20

Jehoyada nanʋala Bɛnaaya ma fa ŋaa laalɩyuori-duo nɛ, a lɩɩ taŋ-la ba sɩɩ yɩrɛ Kabɩzɛɛl. Ʋ fa tɩŋ bɔɩ-duo tɩntɩŋŋaa nɛ woruŋ. Ʋ fa kpʋ Mʋab tɩŋŋaa laalɩyuori-duoruŋ balɩa nɛ. Bʋa kʋbala lɛ bʋrʋŋ tɔ, ka ʋ tuu buo-tuoŋ tʋɔŋ a kpʋ naachigiŋ.

WƖA YƖƖLAA 89:19

Faafaa-la ŋ sɩ bʋl wɩaa arɩ duosoo tʋɔŋ a pɩ nɩalɩŋ sɩ laaŋ dii, ŋ bʋla, “Mɩ joŋ doluŋ pɩ laalɩyuori-duo nɛ. Mɩ lɩɩsɛ bapʋɔsɩ-bie nɛ mɩ nɩaa tʋɔŋ ʋ laa yɩrɩŋ.

MOSIS KƐŊ IZIRAL TƖŊŊAA LƖƖ 15:15

Fawʋllʋŋ jaŋ kɛŋ Ɛdɔm tinteeŋ kuoroo, dɩ Mʋab tinteeŋ babiibalaa ma chichel, dɩ Kɛnaŋ tinteeŋ nɩaa nandaasɩŋ kala yʋɔrɛ.

NAMAGABA 28:1

Nɩbɔmʋŋ yie fá nɛ dɩ nʋʋ bɩ ʋ kire, ama tʋɔpʋl tɩɩna-na kɛŋ nyuduoŋ a nagɛ naachigiŋ nɛ.

SOLOMOŊ YƖƖL-SƖMƖŊ 3:7

Bee na, Solomoŋ nɛ ŋɩɩ a pɩŋ ʋ geleŋgeleŋ lɛ ka ba chʋŋʋ, ka bayuori-duoruŋ mahɩŋ batori kɛnʋ vɩvɛŋ. Ba ŋaa Iziral tɩŋŋaa laalɩyuori babiibalaa nɛ.

AZAAYA 13:7

A tɩŋ wɩɩŋ deeŋ wɩaa, nɩaa nɩsaa jaŋ sʋʋ, nʋʋkala nandaasɩŋ jaŋ yʋɔrɛ.

AZAAYA 19:1

Wɩɩ-la Wɩa sɩ bʋla pɩmɛ a mʋ tɩgɛ Ijipiti lɛ nɛ ŋ-la: La TƖƖNA to duoŋ-bɩlɩmbaanɩŋ lɛ nɛ a faasa fá kʋkɔ Ijipiti lɛ. Ijipiti tɩŋŋaa tɔŋŋɔɔ kala ka chel nɛ ʋ sɩpaaŋ, ʋ nɩaa ma kala nandaasɩŋ yʋɔrɛ.

ƐZƖKƖƐL 21:15

dɩ ŋɩɩ leŋ dɩ ba nandaasɩŋ yʋɔrɛ, dɩ nɩaa sʋʋ yʋgɛ. Mɩ leŋe ba kɛŋ tokobiiŋ chɩŋ ba boi-baalaa lɛ nɛ dɩ ba kpʋ nɩaa. Ʋʋ tʋl nɛ a nagɛ duonuŋ sɩɩ lɩgɩsʋ, ba koru nɛ dɩ ba kaa kpʋ nɩaa.

MOSIS BƖRA WULLI WƖA WOMBIIŊ 1:28

Ma sɩ, “Nɩɩ nɛ la jaŋ mʋ? La naambiiriŋ sɩ mʋ beŋ tintee-la joŋ fawʋllʋŋ hɛ la lɛ nɛ.” Ba sɩ, “Nɩalɩŋ sɩ hɛ tintee-la lɛ waa kɩɩla nɛ a dolie kɩɩla ma. Ba tasɩŋ jalɩa, ba saa kɛrɩsɩŋ sɩ jɩla yi wɩa-nyuŋ a golli. La na Anakɩ doho nɩaa nɩwaayiilee ma nɛ tintee-la lɛ.”

Hiburu TƖŊŊAA 11:34

Nyiniŋ ma bɩ ba dɔnsʋŋ wuo dii. Wɩa lɩɩsɛba nɩbɔŋŋɔɔ nɩsɩŋ lɛ dɩ ba sɩ́ ba kpʋ. Ba fa bɩ doluŋ kɛnɛ, ama Wɩa nɛ pɩba doluŋ ba wuo ŋaa wɩaa. Ba kʋ ŋaa bɔɩ-duoŋ tɩŋŋaa a yuo laalɩŋ a dii. Ba yuo a dii tinteyee dɔnsʋŋ, ba laalɩyuoroo fá lɛl.

1 SAMƲƐL 16:18

Tɩntɩnna-la dɔŋɔ bʋl, “Mɩ jɩŋ Jesi sɩ lɩɩ Bɛtɩlɛhɛm nanʋal kʋbala lɛ nɛ, ʋ chaasa jɩŋ cheŋ dunuŋ nɛ woruŋ. Ʋ ŋaa bɔɩ-duo tɩɩna nɛ, a ŋaa bayuoru. Ʋ ŋaa bapʋɔsɛ-zɔŋ nɛ, a jɩŋ wɩaa bʋlʋŋ woruŋ. La TƖƖNA chɩŋ ʋ harɩŋ nɛ.”

1 SAMƲƐL 18:17

Tapʋlɩɩ kʋbala Sɔɔl bʋla pɩ Devit, “Na mɩ tol-hɩaŋ Mɛrab nɛ ŋ-la, mɩ jaŋ joŋo pɩŋ dɩ ŋ jaa. Ŋ-na kɛŋ bɔɩ-duoŋ a to mɩ niiŋ a yuo La TƖƖNA laalɩŋ.” Sɔɔl bʋla ʋ tʋɔŋ lɛ, “Mɩ-na bɩ jaŋ ŋaaʋ wɩɩkala, Fɩlɩsɩtɩa tɩŋŋaa nɛ jaŋ kpʋʋ pɩmɛ.”