2 SAMƲƐL 16:9 - WƖA TENIŊ

⁹ Ŋɩɩ nɛ Zeruya nanʋala Abɩsaɩ pɩɛsɛ kuoro, “Bɛɛ nɛ tɩɩ va-sʋʋŋ deeŋ tʋtʋʋsɛ kuoro, mɩ nɩhɩaŋ? Leŋ dɩ mɩ mʋ keri ʋ nyuŋ.”

2 SAMƲƐL 16:9 ပူးပေါင်းရင်းမြစ်များ

2 SAMƲƐL 19:21

Ŋɩɩ nɛ Zeruya nanʋala Abɩsaɩ bʋl, “Sɩmɛɩ maga dɩ la kpʋʋ nɛ a tɩŋ wɩɩŋ deeŋ wɩaa. Ʋ tʋʋsɛ nɩɩ-la La TƖƖNA sɩ lɩɩsa ʋ ŋaa kuoro nɛ.”

2 SAMƲƐL 19:22

Devit bʋl, “Ma-na Zeruya biiriŋ, ma wɩɩ tuo wɩɩŋ deeŋ lɛ. Sɩ́ wɩaa lɔgɔ hɛ mɩ lɛ. Jɩnɩŋ ʋ maga dɩ la kpʋ nʋʋ nɛ Iziral lɛɛ? Ŋ bɩɩna mɩ bɩ jɩŋ arɩ mɩ nɛ bɩra ŋaa Iziral kuoro jɩnɩŋ?”

2 SAMƲƐL 3:30

(Jʋab arɩ ʋ naambie Abɩsaɩ nɛ kpʋ Abɩna, a tɩŋ ʋ sɩ kpʋ ba naambie Asahɛl Gibioŋ lɛ laalɩŋ tʋɔŋ.)

2 SAMƲƐL 3:8

Wɩɩ-la Ɩsɩ-Bɔsɛf sɩ bʋla leŋ Abɩna baanɩŋ chaasa sii. Ʋ pɩɛsɛ, “Ŋ bɩɩna mɩ ŋaa kʋpɛɩ nɛ a pɩpɛ Juda nɩaa lɛɛ? Bumbuŋ kala a kaa kɔ arɩ jɩnɩŋ, mɩ chaasa chɩŋ ŋ nyɩmma Sɔɔl arɩ ʋ dɩa nɩaa arɩ ʋ nandɔnsʋŋ kala harɩŋ nɛ woruŋ. Mɩ ha bɩ wɩɩkala ŋaa a joŋuŋ hɛ Devit nɩsɩŋ lɛ. Ka ŋ chichei mɩ yɩrɩŋ a mʋ tɩgɛ haala deeŋ lɛ.

2 SAMƲƐL 9:8

Mɛfɩbɔsɛf bɩra tuu kpirimi aŋ bʋl, “Bɛɛ nɛ tɩɩ ŋ chɩl mɩ wɩaa ŋ-la? Mɩ paala bɩ va-sʋʋŋ lɛ kpɩa.”

MOSIS KƐŊ IZIRAL TƖŊŊAA LƖƖ 22:28

Má pɔ dɩ ma sɩ́ wʋbɔŋŋɔɔ bʋl a mʋ tɩgɛ mɩ-na Wɩa lɛ a sɩ́ kalɩba hɛ ma kuoroo lɛ.

Luuk 9:54

Ʋ harɩ-tooroo Jeems arɩ Jɔɔŋ sɩ na ŋɩɩ, ba pɩɛsɛ Yesu a bʋl, “La Tɩɩna, ŋ jaŋ leŋ dɩ la sʋl nyiniŋ dɩ ʋ lɩɩ wɩa-nyuŋ kʋ tuu a diiba koo?”

Tɩntɩŋŋaa 23:5

Ŋɩɩ nɛ Pɔɔl bɩra bʋl, “Mɩ naambiiriŋ, ba ŋmʋnsɛ Wɩa teniŋ tʋɔŋ arɩ ʋ bɩ maga dɩ la bʋl wʋbɔŋŋɔɔ a pɩ nɩɩ-la sɩɩ beŋ nɩaa. Mɩ bɩ jɩŋ arɩ ʋ nɛ ŋaa Wɩɩsʋllɩ sɩpaalaaraa kʋhɩaŋ.”

1 Pɩɩta 2:17

Máa zil nʋʋkala. Má cho nɩalɩŋ ma sɩ laa Yesu wɩaa dii a ŋaa ma naambiiriŋ. Má fá Wɩa a zizil ma kuoru-balɩŋ.

1 SAMƲƐL 24:14

Bee na Iziral tɩŋŋaa kuoro sɩ lɩɩ a kikiri mɩ-na Devit dɩ ʋ kpʋ. Mɩ-na Devit teeŋ mɩ ŋaa kʋpɛɩ nɛ, a nagɛ va-sʋʋŋ koo buguluŋ.