2 SAMƲƐL 16:5 - WƖA TENIŊ

⁵ Kuoro Devit sɩ mʋ yi taŋ-la ba sɩɩ yɩrɛ Bahurim, baal kʋbala sɩ ŋaa Sɔɔl nyɩŋ-nɩaa dɔŋɔ kʋ lɩɩ a suomo bʋl wʋbɔŋŋɔɔ hɩhɛ ʋ lɛ. Baal-la yɩrɩŋ nɛ Sɩmɛɩ a ŋaa Gɛra nanʋala.

2 SAMƲƐL 16:5 ပူးပေါင်းရင်းမြစ်များ

2 SAMƲƐL 16:14

Kuoro arɩ ʋ nɩaa kala sɩ kʋ yi Jɔdaŋ fuo-la, dɩ ba chaasa lɔl, ba hɔŋ nɩmɛ a wiesi.

2 SAMƲƐL 16:4

Ŋɩɩ nɛ kuoro bɩra bʋla pɩ Ziba, “Mɛfɩbɔsɛf fa sɩ tɩɩ kɩalɩŋ kala, lɛɛlɛ ba ŋaa ŋ kɩaa nɛ.” Ziba bʋl, “Kuoro mɩ nɩhɩaŋ, mɩ ŋaa ŋ tɩntɩnnʋ nɛ, a leŋ dɩ ŋ tʋɔŋ tɔrɛ mɩ nyuŋ bʋa na-kala.”

2 SAMƲƐL 16:6

Ʋ paa tabɩaa a yɩyagɛ Devit arɩ ʋ tɩntɩnnɩ-hɩasɩŋ kala. Devit laalɩyuoroo arɩ nɩalɩŋ sɩɩ pɔʋ kala fa hɛ Devit nadiiŋ arɩ ʋ nagʋa kala nɛ, ka baal-la ŋɩŋaa ŋɩɩ.

2 SAMƲƐL 17:18

Ama bapʋɔsɩ-bie kʋbala naba, a mʋ bʋla pɩ Abɩsalɔm. Ŋɩɩ nɛ Jonataŋ arɩ Ahɩmaas sii lɩma lɩma a mʋ faa baal kʋbala sɩ hɛ taŋ-la ba sɩɩ yɩrɛ Bahurim dɩa lɛ. Dɩ baal-la fa kɛŋ viliŋ ʋ kaala tʋɔŋ, ba tuu faa ʋ tʋɔŋ.

2 SAMƲƐL 23:31

Abi-Alɩbɔŋ, a ŋaa Aaba tɩɩna, Azɩmavɛf sɩ lɩɩ Baahum,

2 SAMƲƐL 3:16

Ʋ bala-la lɩɩ yele tuto ʋ harɩŋ ŋɩɩ halɩɩ a mʋ yi taŋ-la ba sɩɩ yɩrɛ Bahurim. Abɩna bʋla pʋ, “Mɩɩra mʋ dɩa.” Ŋɩɩ nɛ ʋ mɩɩrɛ.

ƐSƖTA 2:5

Bʋa deeŋ lɛ, dɩ Juu tɩŋŋaa baal kʋbala hɛ Susa lɛ baa yɩrɛ Modikaaya. Ʋ ŋaa Bɛnjamɩŋ doho nʋʋ nɛ, ʋ nyɩmma nɛ Jaa, ʋ naabalɩma ma nɛ Sɩmɛɩ, Kɩs nanʋala.

JOB 30:11

Lɛɛlɛ Wɩa sɩ laa mɩ ba-laala, ka mɩɩ na hɛɛŋ, ba gennee ŋaa sakɔsʋ wɩaa mɩ sɩpaaŋ.

WƖA YƖƖLAA 102:8

Mɩ dʋndɔŋŋɔɔ tʋʋsɛmɛ ŋɩɩ nɛ wɩa tuu jʋʋ. Nɩalɩŋ sɩɩ mɔŋ mɩ lɛ mɩɩra kɛŋ mɩ yɩrɩŋ ŋmɩɛsaa hɛ nɩaa lɛ nɛ.

WƖA YƖƖLAA 109:28

Dɩ ba nɛ kalɩbaa hɛ mɩ lɛ ma, ŋ-na jaŋ pɛ mɩ lɛ. Dɩ ba nɛ golloo yuomi, ba jaŋ dii hɩɩsɩŋ. Ama mɩ-na ŋ tɩntɩnna jaŋ jʋjʋɔsɛ.

WƖA YƖƖLAA 69:26

Ŋaa ŋɩɩ a tɩŋ ba sɩ to naasɩŋ dʋdɔgɩsɛ nɩalɩŋ ŋ sɩ dɔgɩsɔ, a bʋbʋl nɩalɩŋ ma ŋ sɩ bolimo wɩaa.

MOSIS KƐŊ IZIRAL TƖŊŊAA LƖƖ 22:27

bɛɛ wɩaa ʋ gɛrɩ-bɔsɔ kala nɛ ŋɩɩ. Bɛɛ nɛ ʋ jaŋ piliŋ tɩtaŋɩŋ? Dɩ tɩɩna nɛ yele pɩmɛ, mɩ jaŋ nɩɩ ʋ yele, mɩ ŋaa Wɩa sɩɩ fá nɩaa nenige nɛ.

MOSIS KƐŊ IZIRAL TƖŊŊAA LƖƖ 22:28

Má pɔ dɩ ma sɩ́ wʋbɔŋŋɔɔ bʋl a mʋ tɩgɛ mɩ-na Wɩa lɛ a sɩ́ kalɩba hɛ ma kuoroo lɛ.

NAMAGABA 26:2

Dɩ ŋ nɛ bɩ wɩɩ ŋaa ka dɩ nʋʋ ŋmɩɛsa hɛ ŋ lɛ, ŋmɩaŋ-la bɩ jaŋ diiŋ. Ʋ nagɛ zaarɩ-kokobie koo kampiliŋ diibie sɩɩ fil a bɩ togili nɛ.

TƖƖCHA 10:20

Pʋpɔ ŋ sɩ́ wʋbɔŋ bʋl a tɩgɛ kuoro lɛ, koo a bʋl wʋbɔŋ a tɩgɛ kɩaa tɩɩna lɛ ŋ dɩpɩnɩŋ, bɛɛ wɩaa diibie jaŋ wuo kɛŋ wɩalɩŋ mʋ bʋl. Fillu dɔŋ ma jaŋ wuo mʋ bʋl wɩalɩŋ ŋ sɩ bʋla.

AZAAYA 8:21

Tʋɔ-cheeŋ arɩ losuŋ jaŋ jʋʋba, dɩ ba gɔllɔ baarɛ tintee-la lɛ. Dɩ losu-la nɛ jʋʋba, ba baanɩŋ jaŋ sii woruŋ dɩ ba wʋla beŋ wɩa-nyuŋ a chɛ kʋŋ ka, aŋ bʋl wʋbɔŋŋɔɔ tɩgɛ ba kuoro arɩ ba Wɩa lɛ.

1 SAMƲƐL 17:43

Ŋɩɩ nɛ ʋ pɩɛsɛ Devit, “Vaha nɛ mɩ ŋaa, ŋ kori daaŋ kʋkɔ mɩ lɛɛ?” Ŋɩɩ nɛ ʋ kalɩbɛ ʋ vesiŋ a hɛ Devit lɛ,