2 SAMƲƐL 16:22 - WƖA TENIŊ

²² Ŋɩɩ nɛ ba hɛ lɛbɩŋ kuoru-dɩa lusuŋ nyuŋ a pɩ Abɩsalɔm. Iziral nɩaa kala bibeŋ, ka ʋ kɛŋ ʋ nyɩmma haala-la ʋ sɩ bile aŋ bɩ jaa pɩŋ nɩmɛ.

2 SAMƲƐL 16:22 ပူးပေါင်းရင်းမြစ်များ

WƖAA DƖ-SUOMUŊ 35:22

Bʋa-la lɛ Iziral sɩ hɔŋ tintee-la lɛ, Rubiŋ jʋʋ kɛŋ ʋ nyɩmma haal-la ʋ sɩ bile aŋ bɩ jaa baa yɩrɛ Biliha a pɩŋ. Ŋɩɩ nɛ Iziral nɩɩ wɩɩ-la. Jekɔb fa kɛŋ hambolibiisiŋ fii arɩ balɩa nɛ.

2 SAMƲƐL 11:2

Dɩdaaŋ kʋbala Devit sii doŋ lɛ a gʋgɔllɛ ʋ kuoru dɩa lusuŋ nyuŋ. Nɩmɛ nɛ ʋ hɛ aŋ na haal kʋbala dɩ ʋʋ fo lɩɩŋ. Haal-la fa zɔmɔ nɛ woruŋ.

2 SAMƲƐL 15:16

Ŋɩɩ nɛ kuoro lɩɩ, ʋ dɩa nɩaa ma kala lɩɩ to ʋ harɩŋ, aŋ leŋ haalaa fii ʋ sɩ bile aŋ bɩ jaa pɔ ʋ kuoru dɩa.

2 SAMƲƐL 20:3

Devit sɩ mɩɩra kɔ ʋ kuoru dɩa sɩ hɛ Jerusalɛm lɛ, ʋ kɛŋ haala-la ʋ sɩ bile aŋ bɩ jaa a leŋ ba pɔ ʋ kuoru dɩa, a tɔ hɛ dɩa lɛ a leŋ laalɩyuoroo bibemba. Ʋ pɩpɩba kɩalɩŋ ba sɩɩ chɛ, ama ʋ dɩ ba kʋŋkala bɩ bɔsɔ ka pɛ. Ba tɔba ŋɩɩ nɛ, ba hɛ nɩmɛ deeŋ deeŋ a mʋ yi tapʋlɩɩ-la ba sɩ sʋba. Ba hɛ nɩmɛ a nagɛ yo-haalaa.

AZAAYA 3:9

Dɩ ŋ nɛ beŋ ba sɩaa lɛ, ŋ jaŋ jɩŋ arɩ ba ŋaa wʋbɔŋ ŋaara nɛ. Ba yie ŋaa wʋbɔmʋŋ pʋlʋmʋŋ tʋɔŋ a nagɛ Sodom tɩŋŋaa fa sɩɩ ŋaa ŋɩɩ nɛ, ba bɩ kaa fɩfaa. Ba jaŋ na hɛɛŋ, ba tɩtɩa nɛ lɛrɛ wʋlɔrʋŋ deeŋ kʋʋ hɛ ba tɩtɩa lɛ.

JƐRƖMAAYA 3:3

Ŋɩɩ nɛ tɩɩ mɩ kɛrɛ duonuŋ ŋɩɩ, a pɔ dɩ duoŋ-puso sɩ́ nɩɩ. Ama ma paala nagɛ hachɔrʋŋ nɛ, a bɩ hɩɩsɩŋ ka fá.

JƐRƖMAAYA 8:12

Wʋkɩsɩa-la ba sɩɩ ŋaa, hɩɩsɩŋ kɛmba nɛɛ? Aɩ, ba paala bɩ hɩɩsɩŋ ka fá. Ba paala bɩ jɩŋ ŋɩɩ ba sɩ jaŋ kɛŋ sɩaa chei. Ŋɩɩ wɩaa ba jaŋ sʋʋ, a pɛ nɩalɩŋ sɩ sʋba lɛ. Mɩ jaŋ dɔgɩsɛba a kɛmba muuri. Mɩ-na ma TƖƖNA nɛ bʋla.

ƐZƖKƖƐL 24:7

Jerusalɛm nɩaa sɩ kpʋ nɩalɩŋ chalɩŋ jaasɛ ba tabalɩŋ lɛ nɛ. Chal-la jaasɛ bʋ-taala nyuŋ nɛ, ʋ bɩ tinteeŋ jaasa, lee-la hagɩla sɩ bɩ jaŋ wuo tɔ.

NAMBABA 25:6

Ŋɩɩ nɛ Iziral tɩŋŋaa baal kʋbala kɛŋ Midiaŋ tɩŋŋaa tolo a kʋʋ jʋʋ ʋ dɩa, Mosis arɩ Iziral tɩŋŋaa kala sɩɩŋ lɛ. Bʋa-la lɛ dɩ baa yel lɛbɩ-la lɛ La TƖƖNA sɩ yie kɔ Iziral tɩŋŋaa teeŋ boiŋ niiŋ.

Fɩlɩpa Nɩaa 3:19

Ba dɩdɛrɩŋ, ba jaŋ jʋʋ Wɩa nyiniŋ. Ba tʋɔtɔrɛ wʋŋaalaa lɛ nɛ baa to. Ba sɩɩŋ yie fɩɛsɛ hɩɩsɩ wɩaa lɛ nɛ. Ba yie bɩbɩɩnɛ dʋnɩa kɩaa dʋndʋŋa wɩaa nɛ.