2 SAMƲƐL 16:12 - WƖA TENIŊ

¹² Kapo La TƖƖNA jaŋ bɩra wuo na wɩalɩŋ sɩ jʋʋmɛ jɩnɩŋ arɩ ŋɩɩ ba sɩɩ tʋʋsɛmɛ, a fá mɩ nenige a joŋ wʋzɔŋŋɔɔ a timmi.”

2 SAMƲƐL 16:12 ပူးပေါင်းရင်းမြစ်များ

2 SAMƲƐL 16:13

Devit arɩ ʋ nɩaa joŋ wombiiŋ a vɩvɛŋ, aŋ ka Sɩmɛɩ ma kpɛrɛ to dundolo sɛmɛ a chaasʋ, a tʋtʋʋsʋ a bʋl wʋbɔŋŋɔɔ hɩhɛ ʋ lɛ, aŋ paa tabɩaa arɩ hagɩla a yuyuou.

2 KUOROO 19:4

Ŋ bɩ pɔ ŋ Tɩɩna Wɩa jaŋ nɩɩ wɩalɩŋ Asiiria kuoro sɩ tɩŋ ʋ laalɩyuori-hɩaŋ ʋ kɔ a tʋʋsɛ Wɩa sɩ weye joŋŋoo. Ŋ Tɩɩna Wɩa sɛnɛ nɩɩ wɩalɩŋ nɛ, ʋ jaŋ lɛrɛ nɩɩ-la sɩ bʋlba dɩgɩlɩŋ. Ŋɩɩ wɩaa, sʋl Wɩa pɩ la nɩkaana-la sɩ hɛ nɩmɛ.’ ”

WƖA YƖƖLAA 10:14

Ama ŋ-na Wɩa yie na mɩ hɛɛŋ arɩ wɩalɩŋ kala sɩ jʋʋmɛ nɛ. Ŋ yie beŋ nɩmɛ nɛ a ŋaa wɩɩ. Nɩalɩŋ sɩ bɩ lee kɛnɛ joŋ ba tɩtɩa hɛ ŋ nɩsɩŋ lɛ nɛ. Ŋ nɛ ŋaa Nɩɩ-la sɩɩ pɛ biisinsiŋ lɛ.

WƖA YƖƖLAA 109:28

Dɩ ba nɛ kalɩbaa hɛ mɩ lɛ ma, ŋ-na jaŋ pɛ mɩ lɛ. Dɩ ba nɛ golloo yuomi, ba jaŋ dii hɩɩsɩŋ. Ama mɩ-na ŋ tɩntɩnna jaŋ jʋjʋɔsɛ.

WƖA YƖƖLAA 132:1

La Tɩɩna, liisi Devit wɩaa arɩ hɛɛ-la kala ʋ sɩ na.

WƖA YƖƖLAA 25:18

Beŋ mɩ wʋwalɩmɩa-la arɩ mɩ tʋɔ-cheeŋ aŋ joŋ mɩ wʋbɔŋŋɔɔ kala chɛmɛ.

NAMAGABA 25:22

Dɩ ŋ nɛ wuo ŋaa ŋɩɩ, hɩɩsɩŋ jaŋ kɛnʋ kɩŋkɛŋ. La Tɩɩna jaŋ timiŋ.

NAMAGABA 26:2

Dɩ ŋ nɛ bɩ wɩɩ ŋaa ka dɩ nʋʋ ŋmɩɛsa hɛ ŋ lɛ, ŋmɩaŋ-la bɩ jaŋ diiŋ. Ʋ nagɛ zaarɩ-kokobie koo kampiliŋ diibie sɩɩ fil a bɩ togili nɛ.

AZAAYA 27:7

La TƖƖNA bɩ Iziral tɩŋŋaa ka dɔgɩsɛ a nagɛ ʋ sɩ yie dɔgɩsɛ ba dʋndɔŋŋɔɔ ŋɩɩ. Ʋ bɩra bɩ baa kpʋ ma a nagɛ ʋ sɩ yie kpʋ nɩalɩŋ sɩ kpʋba ŋɩɩ.

JOWƐL 2:14

Kʋbɛɛ nɛ jɩma? Ʋ jaŋ wuo joŋ ʋ baanɩŋ ta aŋ fá ma nisusuŋ a joŋ kʋ-daŋ pɛ ma lɛ, dɩ ma kaa ŋaa mɩaa Wɩɩsʋlʋŋ arɩ kʋnyʋalaa Wɩɩsʋlʋŋ, a pɩ ma TƖƖNA Wɩa.

Rom Tɩŋŋaa 8:28

La jɩma wɩɩkala lɛ, Wɩa yie leŋ wɩaa zɔŋ nɛ a pɩ nɩalɩŋ sɩ chou, nɩalɩŋ ʋ sɩ lɩɩsa ʋ tʋɔtɔrʋŋ lɛ.

2 Kɔrɩntɩ Nɩaa 4:17

La teeŋ hɛɛ-la la sɩɩ na bɩ yʋgɛ aŋ bɩra bɩ jaŋ dieni maa. Hɛɛ-la dagɛla wombii-la la sɩ jaŋ to a laa yɩrɩŋ nɛ Wɩa teeŋ. Yɩrɩ-la jaŋ ŋaa yɩrɩ-bal. Yɩrɩ-bal-la la sɩ jaŋ laa jaŋ kɩɩ hɛɛ-la la sɩɩ na. La jaŋ kɛŋ yɩrɩ-balɩŋ deeŋ deeŋ.

MOSIS BƖRA WULLI WƖA WOMBIIŊ 23:5

Ama ma TƖƖNA Wɩa sɩ choma wɩaa nɛ tɩɩ ʋ bɩ jegile nɩɩ Balam teeŋ, aŋ leŋ ŋmɩaŋ-la mɩɩra wasɛma.

MOSIS BƖRA WULLI WƖA WOMBIIŊ 23:6

Má mɩɩsɩŋ kala lɛ, má pɔ ma dɩ ba sɩ́ wɩɩ pɛ.

2 Tɛsalonaaka Nɩaa 1:7

Ʋ jaŋ pɩ ma nɩalɩŋ sɩɩ na hɛɛŋ wiese, a pɩ la ma wiese. Wɩɩŋ deeŋ jaŋ ŋaa bʋa-la lɛ La Tɩɩna Yesu sɩ jaŋ kɔ arɩ ʋ tɩndaara-la sɩ kɛŋ doluŋ.

Hiburu TƖŊŊAA 12:10

La nyɩmmaba sɩ lʋlla, ba yie dagɛla jɩsɩŋ baŋmɛnɛ nɛ. Ba tʋɔtɔrɛ wɩaa nɛ ba yie dagɛla la tuto. Ama Wɩa-na yie dagɛla a tɩŋ la zɔmʋŋ wɩaa nɛ. Ʋʋ chɛ dɩ la ŋaa nɩaa sɩ bɩ disiniŋ kɛnɛ a nagʋ.

1 SAMƲƐL 1:11

Ŋɩɩ nɛ ʋ ta niiŋ a bʋl, “La TƖƖNA doluŋ kala Tɩɩna, mɩ ŋaa ŋ tɩntɩnnʋ nɛ, na mɩ wɩɩŋ sɩ kɛŋ hɛɛŋ ŋɩɩ. Mɩɩ sʋlʋŋ, pɩmɛ hambolibie. Dɩ ŋ nɛ pɩmɛ hambolibie, ʋ mɩɩsɩŋ kala lɛ mɩ jaŋ joŋu a hɛ ŋ nɩsɩŋ lɛ. Nyu-fʋna kala bɩ jaŋ lɔgɛ ʋ nyuŋ lɛ.”