2 SAMƲƐL 16:11 - WƖA TENIŊ

¹¹ Ŋɩɩ nɛ Devit bɩra bʋla pɩ Abɩsaɩ arɩ ʋ tɩntɩnnɩ-hɩasɩŋ kala, “Mɩ tɩtɩa bii-lʋlʋŋ nɩɩ walɩmɛ dɩ ʋ kpʋmɛ. Bɛɛ nɛ jaŋ tɩɩ Bɛnjamɩŋ doho nɩa deeŋ-na bɩ jaŋ chɩchɛ dɩ ʋ kpʋmɛ? Má leŋu dɩ ʋ tʋʋsɛmɛ ŋɩɩ kala ʋ sɩɩ chɛ. La TƖƖNA nɛ sɩ ʋ tʋʋsɛmɛ.

2 SAMƲƐL 16:11 ပူးပေါင်းရင်းမြစ်များ

WƖAA DƖ-SUOMUŊ 15:4

Ŋɩɩ nɛ La TƖƖNA Wɩa bʋla pʋ, “Baal-la dee bɩ jaŋ dii ŋ dɩa, ŋ tɩtɩa bii-lʋlʋŋ nɛ jaŋ dii ŋ dɩa.”

WƖAA DƖ-SUOMUŊ 45:5

Má sɩ́ leŋe dɩ ma tʋɔŋ chei, a sɩ́ baanɩŋ ma na dɔŋɔba nyuŋ a tɩŋ ma sɩ yallɛmɛ pɩ Ijipiti tɩŋŋaa, bɛɛ wɩaa Wɩa nɛ dagɛ ŋɩɩ dɩ mɩ laa nɩaa ta.

2 SAMƲƐL 20:1

Wʋhɛɛrʋ kʋbala nɛ fa hɛ nɩmɛ baa yɩrɛ Sɛba. Ʋ ŋaa Bikiri nanʋala nɛ, aŋ ŋaa Bɛnjamɩŋ doho nʋʋ. Ʋ ŋmʋʋ banyile, aŋ kpɩa goŋ a bʋl, “La nɩsɩŋ tuo Jesi nanʋala Devit lɛ. Iziral tɩmma, má leŋ la mɩɩra mʋ la dɩɩsɩŋ.”

2 SAMƲƐL 7:2

Ŋɩɩ nɛ ʋ bʋla pɩ Wɩa wʋlaabʋlla ba sɩɩ yɩrɛ Netaŋ, “Mɩɩ jʋʋ kuoru dɩa ba sɩ kɛŋ kuolu daasɩŋ sɩ chaasa zɔŋ a saa nɛ, ka Wɩa niiriŋ daga-la hɛ lɛbɩŋ lɛ.”

2 KUOROO 19:37

Tapʋlɩɩ kʋbala Sanakɛrɩb sii a jʋʋ vene-la ba sɩɩ yɩrɛ Nɩsɩrɔk dɩa a kpʋkpaarɛ, ŋɩɩ nɛ ʋ hambolibiisiŋ balɩa, Adɩramɛlɛk arɩ Sarɛza jʋʋ kpʋʋ arɩ tokobiiŋ, aŋ lɩɩ fá mʋ Ararat tinteeŋ. Ka ʋ nanʋala dɔŋɔ ba sɩɩ yɩrɛ Asahadɔŋ dii kuoruŋ.

2 IZIRAL TƖŊŊAA NAABARƖŊ 32:21

La TƖƖNA nɩɩ ba nii-ŋmobo a leŋ Wɩa tɩndaara kʋ tuu a kpʋ Asiiria laalɩyuoroo arɩ ba nɩhɩasɩŋ kala. Ŋɩɩ nɛ Sɛnakɛrɩb dii hɩɩsɩŋ a mɩɩra mʋ ʋ tinteeŋ. Tapʋlɩɩ dɔŋ ʋ sii jʋʋ ʋ vene dɩa, ʋ hambolibiisiŋ dɔnsʋŋ jʋʋ kpʋʋ arɩ ba tokobiee.

WƖA YƖƖLAA 109:28

Dɩ ba nɛ kalɩbaa hɛ mɩ lɛ ma, ŋ-na jaŋ pɛ mɩ lɛ. Dɩ ba nɛ golloo yuomi, ba jaŋ dii hɩɩsɩŋ. Ama mɩ-na ŋ tɩntɩnna jaŋ jʋjʋɔsɛ.

ƐZƖKƖƐL 14:9

Dɩ nʋʋ nɛ nyɩsɛ mɩ wʋlaabʋllʋ hɛ dɩ ʋ nyɩɛ bʋl wɩaa mɩ doluŋ lɛ, mɩ-na ma TƖƖNA tɩtɩa nɛ nyɩsʋ ŋɩɩ. Ama mɩ jaŋ lɩɩsɛ mɩ nɩsɩŋ liesu a cheyu a lɩɩsʋ ta mɩ nɩaa Iziral tɩŋŋaa tʋɔŋ.

ƐZƖKƖƐL 20:25

Ŋɩɩ nɛ mɩ fa jomba hɛ wɩalɩŋ sɩ bɩ zɔŋ arɩ wombie-la ba sɩ jaŋ to a sɩ́ mɩɩsɩŋ kɛŋ lɛ.

Matiu 10:21

Naambiiriŋ jaŋ kɛŋ dɔŋɔ a kaa mʋ pa dɩ ba kpʋ. Nyɩmmaba ma jaŋ ŋaa ŋɩɩ ba biiriŋ lɛ. Biiriŋ ma jaŋ ŋaa ŋɩɩ a kɛsɛ ba nyɩmmaba arɩ ba naamba a kaa mʋ pa dɩ ba kpʋ.

1 SAMƲƐL 26:19

Mɩɩ sʋlʋŋ mɩ nɩhɩaŋ, jegile nɩɩ wɩalɩŋ mɩ sɩɩ chɛ mɩ bʋl. Dɩ La TƖƖNA nɛ sɩ dɩ ŋ chɩŋ mɩ lɛ, ŋɩɩ-na ʋ laa mɩ Wɩɩsʋlʋŋ kɩaa. Ama dɩ nuhuobiinee nɛ leŋe ŋ chɩŋ mɩ lɛ, dɩ La TƖƖNA ŋmɩaŋ diiba. Ba kirimi ta tinteeŋ sɩ ŋaa La TƖƖNA kʋŋ lɛ nɛ a bʋl, ‘Mʋ a tuto vesiŋ.’