2 SAMƲƐL 16:10 - WƖA TENIŊ

¹⁰ Ama kuoro Devit sɩ, “Ŋ wɩɩ tuo wɩɩŋ deeŋ lɛ, dɩ La TƖƖNA nɛ sɩ Sɩmɛɩ tʋʋsɛmɛ, kʋbɛɛ nɛ kaŋ dɩ ŋ bʋl ʋ sɩ́ ŋɩɩ ŋaa?”

2 SAMƲƐL 16:10 ပူးပေါင်းရင်းမြစ်များ

WƖAA DƖ-SUOMUŊ 50:20

Ma-na fa bɩɩna dɩ ma ŋaamɛ wʋbɔŋ nɛ, ama Wɩa mɩɩra kɛŋ wɩɩ-la bɩrɩmɛ nɛ ʋ ŋaa wʋzɔŋ dɩ mɩ laa nɩaa yʋgɛ mɩɩsɩŋ ta.

2 SAMƲƐL 19:22

Devit bʋl, “Ma-na Zeruya biiriŋ, ma wɩɩ tuo wɩɩŋ deeŋ lɛ. Sɩ́ wɩaa lɔgɔ hɛ mɩ lɛ. Jɩnɩŋ ʋ maga dɩ la kpʋ nʋʋ nɛ Iziral lɛɛ? Ŋ bɩɩna mɩ bɩ jɩŋ arɩ mɩ nɛ bɩra ŋaa Iziral kuoro jɩnɩŋ?”

2 SAMƲƐL 19:23

Ŋɩɩ nɛ Kuoro hɛ niiŋ pɩ Sɩmɛɩ, a bʋl, “Ŋ bɩ jaŋ sʋʋ.”

2 SAMƲƐL 3:39

Jɩnɩmba, mɩ nɛ La TƖƖNA lɩɩsɛ mɩ dii kuoruŋ, ama Zeruya biiriŋ Jʋab arɩ Abɩsaɩ dolie kɩɩ mɩ nɛ. A leŋ dɩ La TƖƖNA joŋ wʋbɔŋ-la ba sɩ ŋaa chɩmɩŋ a tiŋ ba lɛ!”

1 KUOROO 17:18

Haal-la pɩɛsɛ Ɩlaaja, “Wɩa wʋlaabʋllʋ, bɛɛ nɛ ŋ ŋaa mɩ lɛ ŋ-la? Ŋ kɔ dɩ ŋ kpʋ mɩ nanʋala nɛ a liisimi mɩ wʋbɔŋŋɔɔ wɩaa?”

1 KUOROO 2:5

Ŋ tɩtɩa jɩŋ wɩɩ-la Zeruya nanʋala Jʋab sɩ ŋaa mɩ lɛ nɛ, ʋ sɩ kpʋ Iziral tɩŋŋaa laalɩyuori-hɩasɩ-la balɩa, Nɛɛ nanʋala Abɩna arɩ Jɛta nanʋala Amasa. Wɩɩkala fa bɩ jʋa ka ʋ kpʋba a nagɛ laalɩŋ sɩ sie. Lɛɛlɛ wɩalɩŋ kala mɩɩra daŋ mɩ nyuŋ nɛ, mɩ nɩna hɛɛŋ ŋɩɩ bʋbʋɔŋ lɛ.

2 KUOROO 18:25

Ma bɩɩna mɩ tɩtɩa doluŋ lɛ nɛ mɩɩ kɔ dɩ mɩ yuo tinteeŋ deeŋ a cheyu ŋɩɩ? La TƖƖNA tɩtɩa nɛ pɩmɛ wombiiŋ dɩ mɩ kʋ yuo ma tinteeŋ a cheyu.”

JOB 9:12

Dɩ ʋ nɛ kɛŋ kʋŋ laa, kʋbɛɛ nɛ jaŋ wuo bʋl ʋ sɩ́ ŋɩɩ ŋaa? Kʋbɛɛ nɛ jaŋ wuo pɩɛsʋ arɩ wʋbɛɛ nɛ ʋ ŋɩŋaa ŋɩɩ?

WƖA YƖƖLAA 39:9

Mɩ tɔrɛ mɩ niiŋ nɛ, mɩ bɩ wɩɩ bʋla, bɛɛ wɩaa ŋ nɛ ŋaa mɩɩ na hɛɛŋ deeŋ.

TƖƖCHA 8:4

Kuoro nɛ kɛŋ doluŋ a ŋɩŋaa wɩaa. Kʋbɛɛ nɛ jaŋ wuo pɩɛsʋ, “Bɛɛ nɛ ŋ ŋɩŋaa ŋɩɩ?”

JEMBIEE 3:37

Kʋbɛɛ nɛ jaŋ wuo bʋl wɩɩ, aŋ leŋ dɩ wɩɩ-la ŋaa dɩ La TƖƖNA bɩ wombiiŋ pa?

DANƖƐL 4:35

Dʋnɩa nɩaa kala bɩ kɩa ŋaa ʋ sɩpaaŋ. Ʋ nɛ kɛŋ doluŋ dɩ ʋ ŋaa wɩɩ-la kala ʋ sɩɩ chɛ Wɩa tɩndaaraa arɩ nuhuobiinee kala lɛ. Nʋʋkala bɩ jaŋ wuo pɔ dɩ ʋ sɩ́ wɩɩ ŋaa koo a pɩɛsʋ: Wʋbɛɛ nɛ ŋ ŋaa ŋ-la?

Matiu 16:23

Ŋɩɩ nɛ Yesu mɩɩra chaasɛ Pɩɩta a bʋla pʋ, “Sɩtaanɩ, mʋ nɩmɛ! Ŋŋ chɛ ŋ nyɩsɛmɛ dɩ mɩ vɩa wɩɩ-la sɩ maga dɩ mɩ ŋaa nɛ. Wɩalɩŋ ŋ sɩɩ bʋl, nuhuobiine wombiiŋ nɛ, Wɩa wombiiŋ dee.”

Matiu 8:29

Ba sɩ na Yesu, ba guu ŋmoo niiŋ a pɩɛsʋ, “Bɛɛ nɛ ŋ chɩchɛ dɩ ŋ ŋaa la lɛ Wɩa Bii? Ŋ kɔ dɩ ŋ dɔgɩsɛla nɛɛ, ka bʋa-la ha bɩ yiee?”

Jɔɔŋ 18:11

Ŋɩɩ nɛ Yesu bʋla pɩ Pɩɩta, “Joŋ ŋ tokobii-la hɛ ʋ pɛɛŋ lɛ. Ʋ bɩ maga dɩ mɩ na hɛɛ-la mɩ Nyɩmma sɩɩ chɛ dɩ mɩ na, koo?”

Rom Tɩŋŋaa 9:20

Kʋbɛɛ nɛ kaŋ, ŋ-na nuhuobiine dɩ ŋ laa wɩaa bʋl Wɩa niiŋ lɛ? Pupoiŋ bɩ jaŋ wuo pɩɛsɛ nɩɩ-la sɩ mɛʋ a bʋl, “Bɛɛ nɛ tɩɩ ŋ mɛmɩ mɩ nagɛ ŋ-la?”

1 Pɩɩta 2:23

Arɩ nɩaa sɩ tʋʋsʋ ma kala, ʋ bɩ laa tʋʋsɛ. Ba sɩ dɔgɩsʋ kala ma, ʋ bɩ bʋla arɩ ʋ ma jaŋ dɔgɩsɛba. Ʋ ta joŋ wɩɩkala a hɛ Wɩa nɩsɩŋ lɛ nɛ, nɩɩ-la sɩ jaŋ kɛŋ wʋtɩtɩɩ a dii nɩaa sarɩya.

1 SAMƲƐL 26:19

Mɩɩ sʋlʋŋ mɩ nɩhɩaŋ, jegile nɩɩ wɩalɩŋ mɩ sɩɩ chɛ mɩ bʋl. Dɩ La TƖƖNA nɛ sɩ dɩ ŋ chɩŋ mɩ lɛ, ŋɩɩ-na ʋ laa mɩ Wɩɩsʋlʋŋ kɩaa. Ama dɩ nuhuobiinee nɛ leŋe ŋ chɩŋ mɩ lɛ, dɩ La TƖƖNA ŋmɩaŋ diiba. Ba kirimi ta tinteeŋ sɩ ŋaa La TƖƖNA kʋŋ lɛ nɛ a bʋl, ‘Mʋ a tuto vesiŋ.’