2 SAMƲƐL 16:1 - WƖA TENIŊ

¹ Kuoro Devit sɩ kieli Olif peel-la nyu-gbaŋa a mʋ sɩpaaŋ mʋa, dɩ Mɛfɩbɔsɛf tɩntɩnnɩ-hɩaŋ ba sɩɩ yɩrɛ Ziba nɛ ŋɩɩ, a kʋ chemu. Ʋ fa kɛŋ kakusuŋ nɛ a daŋŋɛ dɔŋɔ ba chʋŋ boroboroba zɔɔ-balɩa, tɩɩnɛŋ hɩlaa kɩŋkɛsɩmɛɛ zɔlɔ, tutogi-nambɩlaa kɩŋkɛsɩmɛɛ zɔlɔ arɩ tɩɩnɛnɛɛ sɩnɩŋ puruŋ sɩɩ.

2 SAMƲƐL 16:1 ပူးပေါင်းရင်းမြစ်များ

2 SAMƲƐL 15:30

Ka Devit kiele jɩl peel-la ba sɩɩ yɩrɛ Olif peeliŋ, aŋ yiyel, aŋ joŋ kʋa tɔ ʋ nyuŋ a vɩvɛŋ naabirimee a dɩdagɛ tʋɔ-cheeŋ. Nɩalɩŋ ma kala sɩɩ to ʋ harɩŋ paa kɩaa tɔ ba nyusuŋ aŋ ma yele tuto.

2 SAMƲƐL 15:32

Devit sɩ jɩla yi Olif peel-la nyu-gbaŋa, lee-la ba fa sɩɩ chʋɔlɛ Wɩa, dɩ Aakɩ tɩɩna kʋbala baa yɩrɛ Husai fa hɛ nɩmɛ dɩ ʋ chemu. Ʋ gɛnnɩŋ kala kɩɛsɛ, ʋ nyuŋ ma kala ŋaa kʋŋkɔlʋŋ.

2 SAMƲƐL 19:17

Bɛnjamɩŋ tɩmma-la fa sɩ to ʋ harɩŋ ŋaa nɩaa bʋɩ nɛ, a pɛ Sɔɔl dɩa tɩntɩnnɩ-hɩaŋ Ziba lɛ, arɩ ʋ hambolibiisiŋ fii arɩ banɔŋ, ʋ tɩntɩnnaa ma mara. Ba fá tuu Jɔdaŋ fuo-la, lee-la kuoro sɩ hɛ.

2 SAMƲƐL 19:32

Bazɩlaɩ fa hɩɛsa nɛ woruŋ. Ʋ ŋaa jɩsɩŋ mahɩŋ banɛsɛ nɛ. Ʋ fa ŋaa kɩaa tɩɩna nɛ. Bʋa-la lɛ Devit fa sɩ hɛ taŋ-la ba sɩɩ yɩrɛ Mahanem lɛ, ʋ nɛ pʋ kʋdiilee.

1 IZIRAL TƖŊŊAA NAABARƖŊ 12:40

Ba naambiiriŋ dɔnsʋŋ ma kɛŋ kakusuŋ, bʋntaŋŋaba, kakusuŋ sɩ nagɛ janɩŋ arɩ nɛ-ferisiŋ a chʋŋ kʋdiilee lɩɩ Ɩsaka, Zebuluŋ arɩ Nafɩtalɩ doho nɩaa tinteeŋ a kaa kʋ pɩba. Kɩalɩŋ ba sɩ kaa kɔ nɛ ŋaa: Munuŋ, tutogi nambil-hɩlaa, tɩɩnɛnɛɛ sɩnɩŋ, olif nʋʋŋ, nɛsɩŋ arɩ piesee. Tʋɔtɔrʋŋ fa su Iziral tinteeŋ kala nɛ.

NAMAGABA 18:16

Zile ŋaanɩŋ suri wombiiŋ pɩpɩ nɩɩ-la sɩɩ ŋaa zile nɛ, a wuo leŋ ʋ mʋmʋ nɩbalaa teeŋ.

JƐRƖMAAYA 40:10

Mɩ-na tɩtɩa jaŋ hɔŋ Mɩzɩpa lɛ a chɩŋ ma naasɩŋ lɛ Babɩlɔŋ tɩmma-la sɩɩ kɔ la teeŋ. Ama ma maga ma ŋaa girep nɛnɛɛ sɩnɩŋ, yibiiniŋ tɩɩnɛnɛɛ arɩ olif nʋʋŋ, a joŋo hɛ puposu-la ma sɩ kaa tʋtʋɔlɛ kɩaa lɛ, a hɔŋ tasɩ-la ma sɩ laa lɛ.”

JƐRƖMAAYA 40:12

ba kala mɩɩra kɔ Juda tinteeŋ, Gedalia teeŋ Mɩzɩpa lɛ. Ba lɩɩ tinteye-la kala lɛ ba sɩ pɩsa hɛ nɛ a kɔ. Ba chaasa chagɛ girep nɛnɛɛ sɩnɩŋ a yʋgɛ woruŋ, a tɔrɛ yibiiniŋ tɩɩnɛnɛɛ ma yʋgɛ.

AMƆS 8:1

Wɩalɩŋ La Tɩɩna Wɩɩjarɩbakɔ sɩ joŋo dagɛmɛ arɩ duosoo tʋɔŋ nɛ ŋ-la: Tɩɩ-nɛŋ bɩɩlaa sɩ hɛ sime tʋɔŋ.

MƖKA 7:1

Mɩ tʋɔŋ kala nɛ cheye. Mɩ nagɛ nʋʋ ba sɩ tɔrɛ girep nɛnɛɛ tafaaŋ, ka mɩ mʋ kukuuni tɩɩnɛnɛɛ baga-la lɛ nɛ. Girep nɛŋ kala tuo dɩ mɩ dii, tutogi-nambɩl-folluŋ ma mɩ sɩɩ hɩɛnʋ kʋŋkala tuo.

1 SAMƲƐL 10:3

Ŋ jaŋ bɩra joŋ ŋɩɩ mʋ yi tɩɩ-bal-la sɩ hɛ lee-la ba sɩɩ yɩrɛ Tabɔ leriŋ. Nɩmɛ ŋ jaŋ cheŋ baalaa batori dɩ baa mʋ Wɩa teeŋ Bɛtɛl lɛ. Dɔŋɔ jaŋ baasɛ bʋʋ-pɔrɔɔ batori, dɩ dɔŋɔ ma kori boroboroba batori, ka dɩ dɔŋɔ ma laalɛ tɩɩnɛnɛɛ sɩnɩŋ arɩ puruŋ.

1 SAMƲƐL 16:20

Jesi sii a kɛŋ ʋ nanʋala Devit, a leŋ kakumo chʋŋ boroboro, ʋ hɛ girep nɛnɛɛ sɩnɩŋ a su puruŋ a kɛŋ bʋ-keeŋ pɛ a leŋ Devit kaa mʋ pɩ Sɔɔl.

1 SAMƲƐL 25:18

Abɩgɛl guu sii joŋ boroboroba zɔɔ-balɩa, tɩɩnɛnɛɛ sɩnɩŋ puroo balɩa, a kpʋ piesee banɔŋ a bɩrɩmɛ a paa pɛ, mɩɩ-halaa ma bɔtɔ, tɩɩ-nɛ-hɩlaa zɔlɔ, tutogi-nambɩlaa ma kɩŋkɛsɩmɛɛ zɔɔ-balɩa. Ʋ joŋ kɩaa deemba kala a chʋŋ kakusuŋ.