2 SAMƲƐL 15:24 - WƖA TENIŊ

²⁴ Zadɔk arɩ Abɩata Wɩɩsʋllɩ sɩpaalaaraa fa hɛ nɩmɛ. Levi doho nɩaa ma hɛ nɩmɛ a chʋŋ Wɩa niiriŋ daga-la. Ŋɩɩ nɛ ba chʋgɛ daga-la bil, Abɩata kpʋ pʋsʋŋ a sʋl Wɩɩsʋlʋŋ pɩ La TƖƖNA ŋɩɩ deeŋ deeŋ nɩalɩŋ kala lɩɩ taŋ-la lɛ dɛrɛ.

2 SAMƲƐL 15:24 ပူးပေါင်းရင်းမြစ်များ

2 SAMƲƐL 8:17

Ahitub nanʋala Zadɔk arɩ Abɩata nanʋala Ahɩmɛlɛk nɛ fa ŋaa Wɩɩsʋllɩ sɩpaalaaraa. Sɛraaya ma nɛ ŋaa nɩɩ-la sɩɩ ŋmʋnsɛ ba tenniŋ.

NAMBABA 4:15

Dɩ Arɔŋ arɩ ʋ hambolibiisiŋ nɛ tɔ Wɩa dɩ-zɔŋ-la kpɩɛrɩ-zɔmɔ-la arɩ ʋ tɩntɩnnɩ kɩalɩŋ kala dɛrɛ, dɩ Iziral tɩŋŋaa kɛŋ ba tɩtɩa hɛ dɔŋɔ dɩ ba vɛŋ, Kohaf doho nɩaa nɛ jaŋ kʋ chʋmba. Ama ba bɩ maga dɩ ba digi Wɩa kʋzɔmɔ-la. Dɩ ba nɛ dige, ba jaŋ sʋʋ. Ba nɛ jaŋ chʋŋ lɛbɩ-la lɛ mɩ sɩ yie kɔ Iziral tɩŋŋaa teeŋ tʋɔŋ kɩaa kala.

2 SAMƲƐL 20:25

Sɛva nɛ fa ŋaa nɩɩ-la sɩɩ ŋmʋnsɛ ba tenniŋ. Zadɔk arɩ Abɩata ma nɛ ŋaa Wɩɩsʋllɩ sɩpaalaaraa.

1 SAMƲƐL 22:20

Ama Ahɩmɛlɛk nanʋala ba sɩɩ yɩrɛ Abɩata, Ahitub nihiŋ dʋndʋŋa nɛ wuo lɩɩ fá, a mʋ Devit teeŋ,

ƐZƖKƖƐL 48:11

Wɩɩsʋllɩ sɩpaalaaraa sɩ ŋaa Zadɔk doho nɩaa ba joŋo hɛ mɩ nɩsɩŋ lɛ, ba nɛ tɩɩ tintee-la. Ba to mɩ niiŋ nɛ arɩ wʋtɩtɩɩ. Ba bɩ Iziral tɩŋŋaa nɩkaana-la arɩ Levi doho nɩalɩŋ sɩ lɩɩ mɩ harɩŋ niiŋ to.

1 IZIRAL TƖŊŊAA NAABARƖŊ 15:2

Ŋɩɩ nɛ Devit bʋl, “Levi doho nɩaa dʋndʋŋa nɛ maga ba chʋŋ Wɩa niiriŋ daga-la, bɛɛ wɩaa ba nɛ La TƖƖNA lɩɩsɛ dɩ ba chʋchʋŋʋ, aŋ pɛ tɩma pʋpʋ a kaa mʋ wuu.”

1 KUOROO 2:35

Kuoro leŋ Benaaya laa Jʋab nyuŋ a ŋaa laalɩyuoroo nɩhɩaŋ, aŋ leŋ Zadɔk ma laa Abɩata nyuŋ a ŋaa Wɩɩsʋllɩ sɩpaalaara.

1 KUOROO 1:8

Ama Wɩɩsʋllɩ sɩpaalaara Zadɔk arɩ Jehoyada nanʋala Benaaya, Netaŋ sɩ ŋaa Wɩa wʋlaabʋlla, a saa pɛ Sɩmɛɩ arɩ Rɛɩ arɩ laalɩyuoro-la sɩɩ pɔ kuoro Devit, ba-na bɩ Adonija harɩŋ chɩna.

2 SAMƲƐL 15:35

Wɩɩsʋllɩ sɩpaalaaraa, Zadɔk arɩ Abɩata ma jaŋ hɛ ŋ teeŋ. Ŋ jaŋ wuo bʋl wɩɩ-la kala ŋ sɩ nɩa kuoro dɩa lɛ a pɩba.

2 SAMƲƐL 15:27

Kuoro bɩra pɩɛsɛ Zadɔk, Wɩɩsʋllɩ sɩpaalaara, “Na ŋ ŋaa Wɩa sɩɩ-naarʋ nɛ? Kɛŋ ŋ nanʋala Ahɩmaas, dɩ Abɩata ma kɛŋ ʋ nanʋala Jonataŋ dɩ ma mɩɩra mʋ taŋ tʋɔŋ sɔm.

2 SAMƲƐL 6:13

Nɩalɩŋ sɩ chʋŋ Wɩa niiriŋ daga-la sɩ joŋ naakieliŋ bʋlɩdʋ, Devit leŋ ba chɩŋ, ka ʋ kpʋ nɛ-bele arɩ nɛ-pɔrʋŋ sɩ kɛŋ nammɩa a sʋl Wɩɩsʋlʋŋ.

1 SAMƲƐL 4:11

Ba yuo a laa Wɩa niiriŋ daga-la, aŋ kpʋ Eli biiri-la ma balɩa, Hofini arɩ Finihas.

JOSUA 6:6

Ŋɩɩ nɛ Nuŋ nanʋala Josua yɩrɛ Wɩɩsʋllɩ sɩpaalaaraa a bʋla pɩba, “Má joŋ La TƖƖNA niiriŋ daga-la aŋ leŋ dɩ ma nɩaa balɩpɛ ma paa nyilliŋ a laa daga-la sɩpaaŋ.”

JOSUA 6:4

Leŋ dɩ Wɩɩsʋllɩ sɩpaalaaraa nɩaa balɩpɛ paa pie-bel nyilliŋ a laa Wɩa niiriŋ daga-la sɩpaaŋ. Tapʋl-pɛɩ chɛɛŋ, má kɩɛlɛ a vɛnɛ golli taŋ-la naansɩɩŋ bʋlɩpɛ, ka dɩ Wɩɩsʋllɩ sɩpaalaaraa ŋmʋŋmʋʋ nyilli-la.

JOSUA 3:6

Ŋɩɩ nɛ ʋ bɩra bʋla pɩ Wɩɩsʋllɩ sɩpaalaaraa ma, “Ma joŋ Wɩa niiriŋ daga-la a laa nɩalɩŋ sɩpaaŋ.” Ŋɩɩ nɛ ba joŋ a laa ba sɩpaaŋ.

JOSUA 3:3

a bʋla pɩ nɩalɩŋ, “Dɩ ma nɛ na dɩ Levi doho Wɩɩsʋllɩ sɩpaalaaraa joŋ ma TƖƖNA Wɩa niiriŋ daga-la, ʋ maga dɩ ma sii ma dɩhɔnʋŋ a to ba harɩŋ nɛ.

NAMBABA 7:9

Ama Mosis bɩ kɩalɩŋ kʋŋkala joŋo pɩ Kohaf doho nɩaa, bɛɛ wɩaa ba tɩntɩmɩŋ nɛ ba chʋchʋŋ Wɩa dɩa kʋzɔmɔ-la.

1 KUOROO 2:26

aŋ bʋla pɩ Abɩata ma sɩ ŋaa Wɩɩsʋllɩ sɩpaalaara, “Mɩɩra mʋ ŋ jaŋ Anatɔf. Ʋ fa maga dɩ mɩ kpʋŋ nɛ, ama mɩ bɩ jaŋ kpʋŋ a tɩŋ ŋ sɩ chʋŋ La TƖƖNA Wɩɩjarɩbakɔ niiriŋ daga-la mɩ nyɩmma Devit sɩpaaŋ, a pɛ na hɛɛ-la ma mɩ nyɩmma sɩ na wɩaa.”