2 SAMƲƐL 15:12 - WƖA TENIŊ

¹² Bʋa-la lɛ Abɩsalɔm sɩ kpʋ pʋsʋŋ a sʋsʋl Wɩɩsʋlʋŋ ŋɩɩ, ʋ tɩma yɩrɛ Gilo tɩɩna kʋbala baa yɩrɛ Ahitofɛl, ʋ lɩɩ ʋ jaŋ Gilo kɔ. Baala deeŋ fa ŋaa nɩalɩŋ sɩ bʋl wɩaa chɩchagɩlɛ kuoro Devit dɔŋɔ nɛ. Ŋɩɩ nɛ Abɩsalɔm tʋɔbɩɩna-la wasa dol, ʋ harɩ-tooroo ma pʋŋa pɩpɛ.

2 SAMƲƐL 15:12 ပူးပေါင်းရင်းမြစ်များ

2 SAMƲƐL 15:31

Nʋʋ bʋla pɩ Devit, “Ahitofɛl ma lɩɩ ŋ harɩŋ nɛ, a chɩŋ Abɩsalɔm harɩŋ.” Ŋɩɩ nɛ Devit chʋɔlɛ Wɩa, “La TƖƖNA, leŋ dɩ wɩalɩŋ Ahitofɛl sɩ jaŋ dagɛ kuoro ŋaa wʋpɛɩba.”

2 SAMƲƐL 16:15

Bʋa-la lɛ, dɩ Abɩsalɔm, Ahitofɛl arɩ Iziral tɩŋŋaa kala kɔ Jerusalɛm.

2 SAMƲƐL 17:14

Abɩsalɔm arɩ Iziral nɩaa kala bʋl, “Wɩɩ-la Husai, Aakɩ tɩɩna-la sɩ bʋla nɛ kpɩa wɩɩ-la Ahitofɛl sɩ bʋla.” La TƖƖNA faa chɛ dɩ ba sɩ́ wʋzɔŋ-la Ahitofɛl sɩ bʋla to nɛ, ka dɩ ʋ joŋ wʋlɔrʋŋ a ŋaa Abɩsalɔm lɛ.

2 SAMƲƐL 17:23

Ahitofɛl sɩ na dɩ Abɩsalɔm arɩ Iziral tɩŋŋaa sɩpaalaaraa bɩ wɩalɩŋ ʋ sɩ daga to, ʋ sii kpɩɛrɛ ʋ kakumo a mɩɩra mʋ ʋ jaŋ Gilo. Ʋ sɩ mʋa, ʋ dagɛ ʋ dɩa nɩaa arɩ ʋ tɩntɩnnaa wɩalɩŋ ba sɩ jaŋ ŋaa, aŋ lieŋi ʋ tɩtɩa, a sʋʋ. Ba joŋu hugi ʋ nyɩmma bʋa lɛ.

2 SAMƲƐL 23:34

Ahasɩbaɩ nanʋala Ɛlɩfɛlɛt, Maaka tɩɩna-la, Ahitofɛl nanʋala Ɛlɩam, Gilo tɩɩna-la,

1 KUOROO 21:12

Ba hɛ tapʋlʋŋ a heele pɩ nʋʋkala dɩ ba vɔɔ niiŋ, aŋ kɛŋ Nabɔf mʋ ʋ hɔŋ nɩbalaa dɩhɔnʋŋ nɩalɩŋ tʋɔŋ.

1 KUOROO 21:9

Ŋ-la nɛ ʋ ŋmʋnsa hɛ tenni-la lɛ: “Má hɛ tapʋlʋŋ a heele pɩ nʋʋkala dɩ ba vɔɔ niiŋ aŋ hilimi, aŋ kɛŋ Nabɔf mʋ dɩ ʋ hɔŋ nɩbalaa dɩhɔnʋŋ nɩalɩŋ tʋɔŋ,

1 IZIRAL TƖŊŊAA NAABARƖŊ 27:33

Ahitofɛl nɛ fa ŋaa nɩɩ-la sɩ bʋl wɩaa chɩchagɩlɛ kuoro. Husai sɩ ŋaa Akɩ tɩɩna fa ŋaa kuoro Devit nandɔŋɔ nɛ.

WƖA YƖƖLAA 41:10

La Tɩɩna, fá mɩ nenige aŋ vaarɛmɛ, dɩ mɩ wuo tiŋ mɩ dʋndɔmɔ-la chɩmɩŋ.

WƖA YƖƖLAA 41:9

Mɩ nandɔŋ-fɩɛmɩŋ mɩ sɩ laa dii, mɩ dɩ ʋ didii kɩaa, ma paala vɩamɛ nɛ.

NAMAGABA 15:8

La Tɩɩna bɛrɛ nɩbɔmʋŋ sɩ kpʋ pʋna a ŋaa Wɩɩsʋlʋŋ nɛ, ama ʋ tʋɔŋ ka tɔrɛ tʋɔpʋl tɩɩna-na Wɩɩsʋlʋŋ nyuŋ nɛ.

NAMAGABA 21:27

La Tɩɩna bɛrɛ nɩbɔmʋŋ Wɩɩsʋlʋŋ kɩaa nɛ, a saa bibeŋ dɩ ʋ kɛŋ kɩalɩŋ kɔ arɩ tʋɔbɩɩŋ bɔmʋŋ.

JƐRƖMAAYA 6:20

Kʋsʋɔrʋsʋ-la ba sɩ kaa lɩɩ taŋ-la ba sɩɩ yɩrɛ Sɩɩba arɩ tegisi-la dɔnsʋŋ sʋɔra sɩ sɩma ba kaa lɩɩ tintee-la sɩ bolie kʋʋ pɩmɛ, ba bɩ bʋbʋɔ kala kɛnɛ mɩ teeŋ. Mɩ bɩ ma kʋnyɩgaa Wɩɩsʋlʋŋ kɩaa ka laa. Mɩ tʋɔŋ bɩ pʋsʋ-la ma sɩ yie kpʋ pɩmɛ nyuŋ ka tɔrɛ.”

NAMBABA 23:1

Ŋɩɩ nɛ Balam bʋla pɩ Balak, “Saa korunuŋ balɩpɛ a pɩmɛ, aŋ kɛŋ nɛ-belliŋ balɩpɛ arɩ pie-belliŋ balɩpɛ a kaa kɔ.”

NAMBABA 23:14

Ŋɩɩ nɛ ʋ kɛnʋ mʋ Zofim pɔkɔŋ, ba jɩl peel-la ba sɩɩ yɩrɛ Pɩsɩga nyuŋ. Nɩmɛ nɛ ʋ bɩra saa korunuŋ balɩpɛ a kpʋ nɛ-bele arɩ pie-bele koru na-kala nyuŋ a ŋaa Wɩɩsʋlʋŋ.

NAMBABA 23:30

Ŋɩɩ nɛ Balak ŋaa ŋɩɩ Balam sɩ daga. Ba kpʋ nɛ-bele arɩ pie-bele a ŋaa Wɩɩsʋlʋŋ, koru na-kala nyuŋ.

Jɔɔŋ 13:18

Ma kala dee mɩ bʋl arɩ ma jaŋ kɛŋ tʋɔtɔrʋŋ. Mɩ jɩŋ nɩalɩŋ mɩ sɩ lɩɩsa nɛ. Wɩɩ-la ba sɩ ŋmʋnsa Wɩa teniŋ tʋɔŋ sɛnɛ jaŋ ŋaa wʋtɩtɩɩ. Ba bʋla arɩ la dɩ nɩɩ-la kala sɩ pɛ dɔŋɔ lɛ dii kʋdiilee nɛ jaŋ mɩɩra sii chɩŋ mɩ lɛ.

Taatɩs 1:16

Baa bʋl arɩ ba jɩŋ Wɩa nɛ, ama ba wʋŋaalaa daga arɩ ba bɩ Wɩa jɩŋ. Ba wʋŋaalaa lɔrɔ, ba bɩ Wɩa niiŋ ka to, ba bɩ wʋzɔŋ kala wuo ŋaa.

JOSUA 15:51

Goseŋ, Holoŋ arɩ Gilo. Ba tabalaa ŋaa fii arɩ kʋbala nɛ a pɛ tabiisiŋ lɛ.