2 SAMƲƐL 15:1 - WƖA TENIŊ

¹ Bʋa kʋbala lɛ, Abɩsalɔm chɛ janɩŋ arɩ laalɩŋ janɩŋ torukoba arɩ baalaa mahɩŋ balɩa arɩ fii dɩ ba laa ʋ sɩpaaŋ.

2 SAMƲƐL 15:1 ပူးပေါင်းရင်းမြစ်များ

2 SAMƲƐL 12:11

Wɩɩ-la mɩ-na ma TƖƖNA sɩ bʋla nɛ ŋ-la: ‘Mɩ jaŋ ŋaa dɩ ŋ tɩtɩa dɩa nʋʋ leŋ dɩ wʋlɔrʋŋ jʋʋŋ woruŋ. Ŋ sɩɩŋ lɛ, mɩ jaŋ joŋ ŋ haalaa a pɩ nʋʋ dɔŋ. Ʋ jaŋ kɛmba pɩŋ pʋlʋmʋŋ lɛ.

1 KUOROO 1:33

ʋ bʋla pɩba, “Má kɛsɛ mɩ tɩntɩnnaa dɩ ma kɛŋ mɩ nanʋala Solomoŋ a leŋ dɩ ʋ jɩl mɩ kakumo dɩ ma kɛnʋ mʋ Gɩhɔŋ lɩɩ-bulo-la leriŋ.

1 KUOROO 1:5

Bʋa kʋbala lɛ, Adonija sɩ ŋaa Devit arɩ Hagɩf nanʋala, sii bigisi ʋ tɩtɩa lɛ a bʋl, “Mɩ jaŋ bil mɩ tɩtɩa kuoruŋ.” Ŋɩɩ nɛ ʋ sii chɛ laalɩŋ janɩŋ torukoba arɩ janɩŋ, arɩ baalaa mahɩŋ balɩa arɩ fii sɩ jaŋ laa ʋ sɩpaaŋ.

WƖA YƖƖLAA 20:7

Nɩaa dɔnsʋŋ joŋ ba yɩɛlaa hɛ ba laalɩyuori janɩŋ torukoba arɩ ba janɩŋ doluŋ lɛ nɛ, ama la-na joŋ la yɩɛlaa kala hɛ La Tɩɩna Wɩa lɛ nɛ.

NAMAGABA 11:2

Nɩɩ-la sɩɩ bigisi ʋ tɩtɩa lɛ jaŋ dii hɩɩsɩŋ, ama nɩɩ-la sɩ kɛŋ ʋ tɩtɩa muuri, ʋ jaŋ kɛŋ wʋjɩmɩŋ.

NAMAGABA 16:18

Babii-ballɩŋ ka chei ʋ tɩɩna nɛ, sɩɩ-duoŋ maa tel ʋ tɩɩna.

NAMAGABA 17:19

Nɩɩ-la sɩ cho yuosuŋ cho wʋbɔŋŋɔɔ nɛ. Nɩɩ-la kala sɩɩ bigisi ʋ tɩtɩa lɛ ka chɛ wʋjʋʋlaa nɛ.

MOSIS BƖRA WULLI WƖA WOMBIIŊ 17:16

Kuoru-la bɩ maga ʋ kɛŋ janɩŋ yʋgɛ. Ʋ bɩ maga ʋ chɩchɛ dɩ nɩaa mɩɩra mʋ Ijipiti tinteeŋ a yɔɔ janɩŋ kaa kʋ pʋ, bɛɛ wɩaa La TƖƖNA Wɩa sɩ, ʋ bɩ chɛ dɩ ʋ nɩaa bɩra joŋ ba sɩaa chaasɛ lee-la.

1 SAMƲƐL 8:11

Ʋ sɩ, “Wɩalɩŋ kuoru-la sɩ jaŋ bibemma sɩ jaŋ joŋo ŋaa ma lɛ nɛ ŋ-la: Ʋ jaŋ leŋ dɩ ma hambolibiisiŋ ŋaa ʋ laalɩyuoroo, dɔnsʋŋ jaŋ kɛŋ ʋ laalɩŋ janɩŋ torukoba tɩtɩŋ, dɩ dɔnsʋŋ ma jɩjɩl ʋ laalɩŋ janɩŋ, ka dɩ ʋ lɩɩsɛ dɔnsʋŋ ma dɩ ba laa ʋ tɩtɩa janɩŋ torukoba sɩpaaŋ a fɩfá.