2 SAMƲƐL 13:4 - WƖA TENIŊ

⁴ Ʋ pɩɛsɛ Amɩnɔŋ, “Bɛɛ nɛ tɩɩ ŋ ŋaa kuoro bie, ka tapʋlɩɩ kala ŋ yie kɛŋ sɩaa chei? Bɛɛ kʋŋ nɩɩ walɩmɩŋ?” Amɩnɔŋ bʋla pʋ, “Mɩ cho mɩ naambie Abɩsalɔm dɩ-haala Tama nɛ.”

2 SAMƲƐL 13:4 ပူးပေါင်းရင်းမြစ်များ

2 SAMƲƐL 13:3

Dɩ Amɩnɔŋ fa kɛŋ nandɔŋ kʋbala baa yɩrɛ Jonadab. Ʋ ŋaa kuoro Devit naambie Sɩmɩa nanʋala nɛ. Jonadab sɩɩŋ fa waga nɛ woruŋ.

2 SAMƲƐL 13:5

Jonadab bʋla pʋ, “Jʋʋ pɩŋ a fugoo wɩɩlɛ. Dɩ ŋ nyɩmma nɛ kɔ dɩ ʋ naŋ, bʋla pʋ, ‘Mɩɩ chɛ mɩ dɩ-haala Tama nɛ kʋ ŋaa kʋdiilee pɩmɛ dɩ mɩ dii. Mɩɩ chɛ dɩ ʋ ŋɩŋaa kʋdiile-la ka dɩ mɩ bibeŋ nɛ, dɩ ʋ nɛ dɛrɛ, ʋ tɩtɩa ŋaa pɩmɛ dɩ mɩ dii.’ ”

1 KUOROO 21:5

Ʋ haala Jɛzɛbɛl kɔ a pɩɛsʋ, “Bɛɛ nɛ tɩɩ ŋ kɛŋ sɩaa chei? Bɛɛ nɛ tɩɩ ŋ vɩa kʋdiilee?”

1 KUOROO 21:7

Ʋ haala Jɛzɛbɛl pɩɛsʋ, “Ŋ-la nɛ maga dɩ Iziral kuoro ŋaa? Sii dii kɩaa a leŋ dɩ ŋ tʋɔŋ tɔrɛ. Mɩ jaŋ laa Nabɔf Jɛzɩrɛl tɩɩna-la baga-la a pɩŋ.”

AZAAYA 3:9

Dɩ ŋ nɛ beŋ ba sɩaa lɛ, ŋ jaŋ jɩŋ arɩ ba ŋaa wʋbɔŋ ŋaara nɛ. Ba yie ŋaa wʋbɔmʋŋ pʋlʋmʋŋ tʋɔŋ a nagɛ Sodom tɩŋŋaa fa sɩɩ ŋaa ŋɩɩ nɛ, ba bɩ kaa fɩfaa. Ba jaŋ na hɛɛŋ, ba tɩtɩa nɛ lɛrɛ wʋlɔrʋŋ deeŋ kʋʋ hɛ ba tɩtɩa lɛ.

JƐRƖMAAYA 8:12

Wʋkɩsɩa-la ba sɩɩ ŋaa, hɩɩsɩŋ kɛmba nɛɛ? Aɩ, ba paala bɩ hɩɩsɩŋ ka fá. Ba paala bɩ jɩŋ ŋɩɩ ba sɩ jaŋ kɛŋ sɩaa chei. Ŋɩɩ wɩaa ba jaŋ sʋʋ, a pɛ nɩalɩŋ sɩ sʋba lɛ. Mɩ jaŋ dɔgɩsɛba a kɛmba muuri. Mɩ-na ma TƖƖNA nɛ bʋla.

LEVI DOHO NƖAA 18:9

Pʋpɔ ŋ sɩ́ ŋ dɩhaala kaa pɩŋ, ŋ nyɩmma tolo koo ŋ naaŋ tolo, dɩ ba lʋl ma kala dɩ-bala nɛ koo dɩ ba lʋlʋ lee dɔŋ nɛ.

LEVI DOHO NƖAA 20:17

Dɩ baal nɛ jaa ʋ dɩhaala, ʋ nyɩmma tolo koo ʋ naaŋ tolo a kɛnʋ pɩŋ, ʋ ŋaa hɩɩsɛ wɩɩ nɛ. Ʋ maga dɩ má keriba ta ba nɩaa tʋɔŋ. Ʋ hɩɩsɛ ʋ dɩhaala nɛ, ʋ jaŋ na hɛɛŋ ŋɩɩ bʋbʋɔŋ lɛ.

MƖKA 7:3

Nʋʋkala kaasɛ wʋbɔŋŋɔɔ ŋaanɩŋ lɛ nɛ, sɩpaalaaraa chɩchɛ kʋmɔlɩɩba. Sarɩya diiree lɩlaa kpalaa, nɩalɩŋ dɩchɩnɩŋ sɩ yuŋŋie ŋɩŋaa wɩalɩŋ ba sɩ cho, ba kala vʋʋra hɩhɛ dɔŋɔ.

Luuk 12:32

Ŋɩɩ nɛ Yesu bɩra bʋl, “Ma nɩalɩŋ sɩɩ tomi, ma bɩ yʋgɛ. Má sɩ́ leŋe dɩ fawʋllʋŋ kɛmma. Ma Nyɩmma tʋɔŋ tɔrɔ nɛ dɩ ʋ joŋ ʋ kuorii-la pɩma.