2 SAMƲƐL 13:22 - WƖA TENIŊ

²² Abɩsalɔm faa ŋaa wɩaa Amɩnɔŋ teeŋ a nagɛ ʋ dɩ Amɩnɔŋ bɩ wɩɩkala kɛnɛ, ama aŋ bɛrʋ woruŋ a tɩŋ ʋ sɩ gurigi ʋ dɩ-haala Tama.

2 SAMƲƐL 13:22 ပူးပေါင်းရင်းမြစ်များ

WƖAA DƖ-SUOMUŊ 24:50

Ŋɩɩ nɛ Labaŋ arɩ Bɛtʋɛl bʋl, “Wɩɩŋ deeŋ lɩɩ La TƖƖNA teeŋ nɛ, la bɩ jaŋ wuo kaa lɛrɛ.

WƖAA DƖ-SUOMUŊ 31:24

Ŋɩɩ nɛ Wɩa kɔ Labaŋ, Siiria tɩɩna-la teeŋ tɩtaŋɩŋ duosoo tʋɔŋ a bʋla pʋ, “Pɔ dɩ ŋ sɩ́ wɩɩkala bʋl Jekɔb teeŋ, wʋzɔŋ koo wʋbɔŋ.”

WƖAA DƖ-SUOMUŊ 31:29

Mɩ kɛŋ doluŋ mɩ fa sɩ jaŋ wuo ŋaa wʋbɔŋ kala ŋ lɛ, ama dɩa tɩtaŋɩŋ Wɩa-la sɩ ŋaa ŋ nyɩmma Wɩa bʋla pɩmɛ arɩ mɩ pʋpɔ mɩ sɩ́ wɩɩkala bʋl ŋ teeŋ, wʋzɔŋ koo wʋbɔŋ.

2 SAMƲƐL 13:21

Kuoro Devit sɩ nɩɩ wɩɩŋ deeŋ, ʋ na baanɩŋ woruŋ.

NAMAGABA 10:18

Nʋʋkala sɩ bɛrɛ nɩaa aŋ kaa fɩfaa ŋaa wʋnyɩɛrʋ nɛ. Nʋʋ na-kala sɩ gɔllɔɔ bɛ zɛmbɛ ŋaa nɩyaarɩ nɛ.

NAMAGABA 25:9

Dɩ ŋ dɩ ŋ dɔŋɔ tɩɩna nɛ kɛŋ kaalɛrɛ, má bʋl wɩɩ-la wasɛ a leŋ dɩ ʋ magɛ ma dʋndʋŋa, a sɩ́ nʋʋ kaa pɛ.

NAMAGABA 26:24

Nɩa yie bɛrɩŋ aŋ fugoo bʋl wʋsɩŋŋaa ŋ teeŋ, aŋ ka ʋ tʋɔŋ biri.

NAMAGABA 26:26

Ʋ jaŋ wuo kɛŋ ʋ tʋɔ-bɔŋ-la faa a nyɩsɩŋ, ama ʋ bʋbʋɔŋ jaŋ lɩɩ nɩaa tʋɔŋ.

TƖƖCHA 7:9

Sɩ́ guu nɩna baanɩŋ, bɛɛ wɩaa nɩyaarɩŋ nɛ yie guu na baanɩŋ.

Matiu 18:15

Ŋɩɩ nɛ Yesu sɩ, “Dɩ ŋ naambie nɛ ŋaa wɩɩ cheyiŋ, mʋ a bʋl wɩɩ-la ʋ sɩ ŋaa cheyiŋ pʋ, ama ŋaa ŋɩɩ ŋ dɩ ʋ dʋndʋŋa balɩa pɛgɛ. Dɩ ʋ nɛ jegile nɩɩ wɩɩ-la ŋ sɩɩ bʋl, ŋ dɩ ŋ naambie bɩra sɩma nɛ.

Ɛfɛsɩs Nɩaa 4:26

Dɩ ma nɛ na baanɩŋ, má sɩ́ leŋe dɩ ma baaŋ-la leŋ dɩ ma ŋaa wʋbɔŋ. Má sɩ́ baanɩŋ na ŋɩɩ dɩ wɩa tuu jʋʋ.

Ɛfɛsɩs Nɩaa 4:31

Dɩ nʋʋ nɛ ŋaa wɩɩ jʋʋ ma lɛ, má sɩ́ joŋo hɛ ma tʋɔŋ lɛ. Má sɩ́ tɛrʋ, má sɩ́ baanɩŋ na. Má sɩ́ goŋ ŋaa nɩaa nyuŋ. Má sɩ́ nɩaa yɩrɩŋ chichei. Má sɩ́ nʋʋkala bɛrʋ.

1 Jɔɔŋ 2:11

Ka nɩɩ-la kala sɩ bɛrɛ ʋ dɔŋɔ tɩɩna, ʋ tɩɩna ka vɛŋ birimiŋ tʋɔŋ nɛ. Ʋ bɩ jɩŋ lee-la kala ʋ sɩɩ mʋ. Birimiŋ ŋaa ʋ sɩaa bɩ na.

1 Jɔɔŋ 2:9

Nɩɩ-la kala sɩ sɩ ʋʋ vɛŋ pʋlʋmʋŋ tʋɔŋ aŋ bɛrɛ ʋ dɔŋɔ tɩɩna, ʋ ha hɛ birimiŋ tʋɔŋ nɛ.

1 Jɔɔŋ 3:10

Ŋ-la lɛ nɛ ma jaŋ wuo to jɩŋ Wɩa biiriŋ arɩ Sɩtaanɩ biiriŋ. Nɩɩ-la kala sɩ bɩ wɩaa ŋaa ba bʋa lɛ, koo nɩɩ-la kala sɩ bɩ ʋ dɔŋɔ tɩɩna cho, ʋ tɩɩna bɩ Wɩa bii ŋaa.

1 Jɔɔŋ 3:12

Ʋ bɩ maga dɩ la nagɛ Keeŋ. Ʋ fa ŋaa Sɩtaanɩ nʋʋ nɛ a kpʋ ʋ ŋaana. Bɛɛ nɛ tɩɩ ʋ kpʋʋ? Keeŋ faa ŋaa wʋbɔŋŋɔɔ nɛ, aŋ ka ʋ ŋaana fa ŋɩŋaa wʋzɔŋŋɔɔ. Ŋɩɩ nɛ tɩɩ ʋ kpʋʋ.

1 Jɔɔŋ 3:15

Nɩɩ-la kala sɩ bɛrɛ ʋ dɔŋɔ tɩɩna, ʋ ŋaa nɩkpʋʋrʋ nɛ. Mɩɩsɩ-la sɩ bɩ dɩdɛrɩŋ kɛnɛ, ma jɩma arɩ nɩkpʋʋra bɩ ʋ kɛnɛ.