2 SAMƲƐL 12:8 - WƖA TENIŊ

⁸ Mɩ joŋ ŋ nɩhɩaŋ dɩa arɩ ʋ haalaa kala a hɛ ŋ nɩsɩŋ lɛ nɛ. Mɩ joŋ Iziral arɩ Juda tinteeŋ ma kala a pɩŋ nɛ. Dɩ kɩaa deemba kala nɛ fa bɩ yʋgɛ, mɩ fa ha jaŋ pɩŋ kɩaa a kɩɩ ŋɩɩ.

2 SAMƲƐL 12:8 ပူးပေါင်းရင်းမြစ်များ

2 SAMƲƐL 12:11

Wɩɩ-la mɩ-na ma TƖƖNA sɩ bʋla nɛ ŋ-la: ‘Mɩ jaŋ ŋaa dɩ ŋ tɩtɩa dɩa nʋʋ leŋ dɩ wʋlɔrʋŋ jʋʋŋ woruŋ. Ŋ sɩɩŋ lɛ, mɩ jaŋ joŋ ŋ haalaa a pɩ nʋʋ dɔŋ. Ʋ jaŋ kɛmba pɩŋ pʋlʋmʋŋ lɛ.

2 SAMƲƐL 12:2

Kɩaa tɩɩna-la fa kɛŋ piesee arɩ nɛsɩŋ nɛ woruŋ.

2 SAMƲƐL 2:4

Ŋɩɩ nɛ Juda doho nɩaa kɔ Hɛbʋrɔŋ, a joŋ Wɩɩsʋllɩ nʋʋŋ tɩsɛ Devit a dagɛ arɩ ʋ nɛ ŋaa ba kuoro. Ba sɩ bʋla pɩ Devit arɩ Jabɛs Gɩlɩad nɩaa nɛ hugi Sɔɔl,

2 SAMƲƐL 5:5

Hɛbʋrɔŋ lɛ, Devit beŋ Juda nɩaa jɩsɩŋ balɩpɛ arɩ chɛnsɩŋ balɩdʋ nɛ. Jerusalɛm ma lɛ, ʋ beŋ Iziral arɩ Juda kala nɩaa jɩsɩŋ mara arɩ fii arɩ batori nɛ.

2 SAMƲƐL 7:19

La TƖƖNA Wɩɩjarɩbakɔ, a nagɛ dɩ bumbuŋ wɩɩ-la paala bɩ yʋgɛ, ŋ bɩra wasa dagɛ ŋɩɩ mɩ-na ŋ tɩntɩnna dɩa maachie sɩ jaŋ nagɛ. La TƖƖNA Wɩɩjarɩbakɔ, mɩ jɩma ŋɩɩ dee ŋ vɛnɛ ŋaa wɩaa pɩpɩ nɩaa.

2 SAMƲƐL 9:7

Devit bʋla pʋ, “Sɩ́ leŋe dɩ ŋ bɔyɛ joŋ, mɩ jaŋ chaasa dagɛ mɩ chonuŋ a pɩŋ a tɩŋ ŋ nyɩmma Jonataŋ wɩaa. Mɩ jaŋ joŋ tintee-la kala sɩ ŋaa ŋ naabalɩma Sɔɔl kʋŋ a pɩŋ, aŋ ka dɩ ŋ didii kɩaa ma mɩ dɩa lɛ bʋa na-kala.”

1 KUOROO 2:22

Kuoro Solomoŋ pɩɛsɛ ʋ naaŋ, “Bɛɛ nɛ tɩɩ ŋ chɩchɛ dɩ Adonija jaa Abɩsak? Ŋɩɩ-na bʋl mɩ joŋ kuorii-la ma a pɛ pʋ, bɛɛ wɩaa ʋ ŋaa mɩ malɩma nɛ. Wɩɩsʋllɩ sɩpaalaara Abɩata arɩ Zeruya nanʋala Jʋab ma paala chɩŋ ʋ harɩŋ nɛ.”

WƖA YƖƖLAA 84:11

La Tɩɩna Wɩa nagɛ wɩɩpɔsʋŋ nɛ la teeŋ a chu tɔla. La Tɩɩna kɛŋ chonuŋ arɩ zile, ʋ bɩ kʋzɔŋ kala joŋo faa nɩalɩŋ sɩɩ ŋaa wɩaa ba bʋa lɛ.

WƖA YƖƖLAA 86:15

Ama ŋ-na La Tɩɩna, ŋ nɛ Wɩa sɩ kɛŋ zile a fɩfá nɩaa nenige. Ŋ baanɩŋ bɩ lɩma lɩma ka sii, ŋ kɛŋ chonuŋ arɩ wʋtɩtɩɩ.

Rom Tɩŋŋaa 8:32

Wɩa paala bɩ ʋ tɩtɩa Bie kaa laa nɩaa teeŋ. Ʋ joŋu hɛ nɩaa nɩsɩŋ lɛ nɛ dɩ ba kpʋʋ a tɩŋ la wɩaa. Ʋ sɩ wuo ŋaa ŋ-la, ma bɩ jɩŋ arɩ ʋ jaŋ wuo chaasa joŋ kʋŋkala ma pɛ pɩla koo?

1 SAMƲƐL 15:19

Bɛɛ nɛ tɩɩ ŋ bɩ La TƖƖNA niiŋ lɛ to? Bɛɛ nɛ tɩɩ ŋ sɩɩŋ fɩɛsɛ kɩalɩŋ ma sɩ yuo laa lɛ, a ŋaa wʋbɔmʋŋ deeŋ La TƖƖNA teeŋ?”