2 SAMƲƐL 12:25 - WƖA TENIŊ

²⁵ A tɩŋ La TƖƖNA fa sɩ cho bile wɩaa, ʋ tɩŋ ʋ wʋlaabʋlla Netaŋ dɩ ʋ hɛ bile yɩrɩŋ Jɛdɩdɩa. (Yɩrɩ-la bʋbʋɔŋ nɛ, La TƖƖNA chou nɛ.)

2 SAMƲƐL 12:25 ပူးပေါင်းရင်းမြစ်များ

NƐHƖMAAYA 13:26

Ha-jaa doho deeŋ dee bɩ leŋe Iziral tinteeŋ kuoro Solomoŋ ŋaa wʋbɔŋŋɔɔ? Tinteyee kala tʋɔŋ, kuoru kala fa tuo a magʋ. Wɩa fa chou nɛ woruŋ, a leŋ ʋ ŋaa Iziral tɩŋŋaa kala kuoro. Ama tintee-wogusuŋ toloo nɛ lɛrʋ mʋ hɛ wʋbɔŋŋɔɔ lɛ.

2 SAMƲƐL 7:4

Ama tɩtaŋ-la tɩtɩa nɛ La TƖƖNA fa bʋl wɩaa pɩ Netaŋ:

1 KUOROO 1:11

Netaŋ sɩ nɩɩ wɩɩ-la, ʋ pɩɛsɛ Solomoŋ naaŋ Bafɩsɛba, “Ŋ bɩ nɩa arɩ Hagɩf nanʋala Adonija bil ʋ tɩtɩa kuoruŋ nɛ ka la nɩhɩaŋ Devit jɩma tuo?

Matiu 17:5

Pɩɩta fa ha sɩɩ bʋl wɩaa ŋɩɩ, dɩ duoŋ-bɩlɩmbaanɩŋ kʋ tɔba, ka yikoro kʋbala lɩɩ duoŋ-bɩlɩmbaaŋ-la tʋɔŋ a bʋbʋl, “Mɩ Bii-chooluŋ nɛ ŋ-la. Mɩ tʋɔŋ tɔrɛ ʋ nyuŋ. Má jegile nɩɩ ʋ teeŋ.”

Matiu 3:17

Ka ʋ nɩɩ nʋʋ yikoro wɩa-nyuŋ sɩ bʋla, “Mɩ Bii-chooluŋ nɛ ŋ-la, mɩ tʋɔŋ tɔrɛ ʋ nyuŋ.”

1 KUOROO 1:23

Ŋɩɩ nɛ ba bʋla pɩ kuoro, “Wɩa wʋlaabʋlla Netaŋ kɔ daha nɛ.” Ŋɩɩ nɛ Netaŋ mʋ kuoro sɩpaaŋ a tuu kpirimi,

2 SAMƲƐL 12:24

Ŋɩɩ nɛ Devit nyagɛ ʋ haala Bɛfɩsɛba bɔyɛ. Ba pɛ bɔsɔ ʋ kɛŋ luoruŋ. Ʋ lʋl hambolibie, ba hɛ ʋ yɩrɩŋ Solomoŋ. La TƖƖNA fa cho bile nɛ woruŋ.

2 SAMƲƐL 12:26

Bʋa-la lɛ dɩ Jʋab ha hɛ Amɔŋ tɩŋŋaa tinteeŋ a yuyuo tabal-la ba sɩɩ yɩrɛ Raba, a yuo dii ʋ dɩ-duoŋ.

1 IZIRAL TƖŊŊAA NAABARƖŊ 3:5

Biiri-la ma ʋ sɩ lʋla nɩmɛ nɛ ŋaa: Samʋa, Sobab, Netaŋ arɩ Solomoŋ. Nɩaa deemba banɛsɛ naaŋ nɛ Bafɩsɛba, Amɩɛl tolo.

1 IZIRAL TƖŊŊAA NAABARƖŊ 22:9

Ama ŋ jaŋ lʋl hambolibie dɩ ʋ dii kuoruŋ, mɩ jaŋ leŋ dɩ fɩɛlɩŋ hɛ nɩmɛ ʋ kuoruŋ bʋa kala lɛ. Ʋ yɩrɩŋ nɛ jaŋ ŋaa Solomoŋ (yɩrɩ-la bʋbʋɔŋ nɛ fɩɛlɩŋ), bɛɛ wɩaa ʋ kuoruŋ bʋa lɛ nɛ mɩ jaŋ leŋ dɩ Iziral tɩŋŋaa hɔŋ sɔm arɩ fɩɛlɩŋ.

MOSIS BƖRA WULLI WƖA WOMBIIŊ 33:12

Bɛnjamɩŋ doho ma lɛ ŋ-la nɛ ʋ bʋl: “Nɩalɩŋ La TƖƖNA sɩ cho nɛ ŋ-la a leŋ ba hɔŋ sɔm. Ʋ hɛ ba teeŋ nɛ bʋa na-kala lɛ a pʋpɔba.”

1 KUOROO 1:8

Ama Wɩɩsʋllɩ sɩpaalaara Zadɔk arɩ Jehoyada nanʋala Benaaya, Netaŋ sɩ ŋaa Wɩa wʋlaabʋlla, a saa pɛ Sɩmɛɩ arɩ Rɛɩ arɩ laalɩyuoro-la sɩɩ pɔ kuoro Devit, ba-na bɩ Adonija harɩŋ chɩna.

1 KUOROO 4:5

Netaŋ nanʋala Azarɩa ma nɛ fa ŋaa tɩntɩnnɩ-hɩasɩ-la kʋhɩaŋ. Netaŋ nanʋala dɔŋɔ ba sɩɩ yɩrɛ Zabud ma fa ŋaa Wɩɩsʋllɩ sɩpaalaarʋ nɛ, aŋ pɛ bʋl wɩaa a chɩchagɩlɛ kuoro.