2 SAMƲƐL 12:13 - WƖA TENIŊ

¹³ Ŋɩɩ nɛ Devit bʋla pɩ Netaŋ, “Mɩ ŋaa wʋbɔŋ nɛ La TƖƖNA lɛ.” Netaŋ bʋl, “La TƖƖNA joŋ ŋ wʋbɔŋ-la chɛŋ nɛ. Ŋ bɩ jaŋ sʋʋ.

2 SAMƲƐL 12:13 ပူးပေါင်းရင်းမြစ်များ

WƖAA DƖ-SUOMUŊ 39:9

Nʋʋkala bɩ mɩ kɩɩ dɩa deeŋ lɛ. Ʋ bɩ kʋŋkala joŋo faamɛ, ŋ dʋndʋŋa nɛ ʋ bɩ joŋo hɛ mɩ nɩsɩŋ lɛ a tɩŋ ŋ sɩ ŋaa ʋ haala wɩaa. Ɛɛ nɛ saa mɩ jaŋ wuo ŋaa wʋbɔmʋŋ deeŋ a chei Wɩa tʋɔŋ?”

2 SAMƲƐL 24:10

Devit sɩ dɩɩsɛ laalɩyuoro-la kala dɛrɛ, ʋ tʋɔbɩɩnaa walɩmʋ. Ʋ bʋla pɩ La TƖƖNA, “Wɩɩ-la mɩ sɩ ŋaa, ʋ chaasa wʋbɔŋ nɛ. Mɩɩ sʋlʋŋ La TƖƖNA, joŋo chɛmɛ, aŋ lɩɩsɛ cheerii-la mɩ-na ŋ tɩntɩnna lɛ. Nɩyaarɩ wɩɩ nɛ mɩ ŋaa.”

2 SAMƲƐL 24:17

Devit sɩ na Wɩa tɩndaarʋ-la sɩɩ kpʋ nɩalɩŋ, ʋ bʋla pɩ La TƖƖNA, “Mɩ nɛ nɩɩ-la sɩ ŋaa wʋbɔŋ-la a chei wɩaa. Nɩaa deemba nagɛ piesee nɛ. Bɛɛ nɛ ba ŋaa? Mɩɩra dɔgɩsɛ mɩ dɩ mɩ dɩa nɩaa nɛ.”

1 KUOROO 13:4

Kuoro Jerobuam sɩ nɩɩ wɩɩ-la Wɩa wʋlaabʋllʋ-la sɩ bʋla a tɩgɛ koru-la sɩ hɛ Bɛtɛl lɛ, ʋ chɩŋ koru-la bʋbʋɔŋ aŋ kɛŋ nɩsɩŋ tɩɛna chaasɛ baal-la aŋ bʋl, “Má kɛŋ baal-la.” Nɩsɩ-la ʋ sɩ kaa tɩɛna chaasɛ baal-la terigi, ʋ bɩra bɩ wuo kaa kʋʋrɛ.

1 KUOROO 21:20

Ahab na Ɩlaaja a bʋl, “Mɩ nɛ ŋ kɛŋ ŋ-la mɩ dʋndɔŋ.” Ɩlaaja bʋl, “Oo mɩ kɛnɩŋ nɛ, a tɩŋ ŋ sɩ ŋaa wʋbɔmɔ-la La TƖƖNA sɩɩŋ lɛ.

1 KUOROO 22:8

Iziral kuoro Ahab bʋla pɩ Jehosafat, “Nʋʋ dɔŋ ha hɛ nɩmɛ la sɩ jaŋ wuo to ʋ lɛ a pɩɛsɛ La TƖƖNA na. Ʋ yɩrɩŋ nɛ Mɩkaaya, a ŋaa Imila nanʋala. Ama mɩ bɛrʋ nɛ, bɛɛ wɩaa ʋ ha bɩ wʋzɔŋ kala bʋla pɩmɛ Wɩa doluŋ lɛ, see wʋbɔŋ.” Ŋɩɩ nɛ Jehosafat bʋl, “Kuoro, sɩ́ ŋɩɩ bʋl.”

2 KUOROO 1:9

Ŋɩɩ nɛ kuoro tɩŋ ʋ laalɩyuori-hɩaŋ arɩ laalɩyuoroo mahɩŋ balɩa arɩ fii dɩ ba mʋ yɩrɛ Ɩlaaja. Laalɩyuori-hɩaŋ-la mʋa dɩ Ɩlaaja hɔŋ dundolo nyuŋ. Ʋ bʋla pʋ, “Wɩa wʋlaabʋllʋ, kuoro sɩ ŋ kɔ.”

1 IZIRAL TƖŊŊAA NAABARƖŊ 21:8

Ŋɩɩ nɛ Devit bʋla pɩ Wɩa, “Wɩɩ-la mɩ sɩ ŋaa, ʋ ŋaa wʋbɔŋ bal nɛ. Mɩɩ sʋlʋŋ, joŋo chɛmɛ, aŋ lɩɩsɛ cheerii-la mɩ-na ŋ tɩntɩnna lɛ. Nɩyaarɩ wɩɩ nɛ mɩ ŋaa.”

2 IZIRAL TƖŊŊAA NAABARƖŊ 16:10

Asa sɩ nɩɩ wɩɩŋ deeŋ, ʋ baanɩŋ chaasa sii woruŋ, ʋ kɛŋ Hanani Wɩa sɩɩ-naarʋ-la tɔ dɩa. Bʋa-la tɩtɩa lɛ Asa fa chaasa dɔgɩsɛ ʋ nɩalɩŋ dɔnsʋŋ ma nɛ woruŋ.

2 IZIRAL TƖŊŊAA NAABARƖŊ 25:16

Ʋ fa ha sɩɩ bʋl wɩaa ŋɩɩ, kuoro pɩɛsʋ, “La lɩɩsɩŋ nɛɛ dɩ ŋ chagɩlɛ kuoroo? Bɩra sɩ́ wɩɩ bʋl, dɩ ŋɩɩ dee mɩ jaŋ leŋ dɩ ba kpʋŋ.” Ŋɩɩ nɛ Wɩa wʋlaabʋllʋ-la leŋ, aŋ bʋl, “Mɩ jɩma arɩ Wɩa ŋaa siri nɛ dɩ ʋ cheyiŋ, bɛɛ wɩaa ŋ ŋaa wʋbɔŋŋɔɔ deemba kala nɛ aŋ bɩra vɩa dɩ ŋ jegile nɩɩ mɩ sɩɩ chagɩlɩŋ.”

JOB 33:27

Ŋɩɩ lɛ nɛ ʋ jaŋ kʋ bʋla pɩ nɩaa, ‘Mɩ ŋaa wʋbɔŋ nɛ a kɛŋ wʋtɩtɩɩ a kaa bɩrɩmɛ. Ama Wɩa joŋo chɛmɛ nɛ.

WƖA YƖƖLAA 103:12

La Tɩɩna laa la wʋbɔŋŋɔɔ ta dɩ-bolii nɛ, ʋ bolie magɛ a chɩŋ wɩɩpɔsʋŋ a kaa mʋ wɩɩjʋʋlʋŋ nɛ.

WƖA YƖƖLAA 51:16

Ba sɩ kpʋ pʋsʋŋ a sʋl Wɩɩsʋlʋŋ arɩ kʋnyɩgaa Wɩɩsʋlʋŋ dee ŋ chɩchɛ. Dɩ ŋ nɛ faa chɛba, mɩ fa jaŋ ŋaa pɩŋ.

WƖA YƖƖLAA 51:4

Mɩ chaasa ŋaa wʋbɔŋ nɛ ŋ lɛ. Mɩ ŋaa wɩɩ-la sɩ bɩ zɔŋ nɛ ŋ lɛ. Ŋ kɩaa sɩma nɛ a magɛ dɩ ŋ bʋl mɩ teeŋ, a diimi sarɩya a dɔgɩsɛmɛ.

WƖA YƖƖLAA 51:6

Ŋŋ chɛ dɩ mɩ kɛŋ wʋtɩtɩɩ nɛ mɩ tʋɔŋ lɛ, ŋɩɩ wɩaa, dagɛmɛ wʋjɩmɩŋ.

MOSIS KƐŊ IZIRAL TƖŊŊAA LƖƖ 9:27

Ŋɩɩ nɛ Ijipiti tinteeŋ kuoro tɩma yɩrɛ Mosis arɩ Arɔŋ a bʋla pɩba, “Bʋa deeŋ lɛ la ŋaa chei La TƖƖNA nɛ, La TƖƖNA kɩaa sɩma nɛ, mɩ dɩ mɩ nɩaa nɛ bɩ woruŋ ŋaa.

NAMAGABA 25:12

Wʋjɩnna sɩ kɛŋ nɩaa tʋra kɩɩ ba jegile nɩɩ, ʋ nagɛ ba sɩ kɛŋ sɛlɩmɛ libi dɩgɩlɩŋ-kpɛnsɩŋ arɩ kpɩɛraa dɔnsʋŋ nɛ.

NAMAGABA 28:13

Nɩɩ-la kala sɩ joŋ ʋ wʋbɔŋŋɔɔ faa, ʋ wɩaa bɩ sɩpaaŋ ka mʋ, ama nɩɩ-la kala sɩ suri ʋ niiŋ a dagɛ ʋ kɩaa aŋ vɩaba, Wɩa jaŋ fá ʋ nisusuŋ.

AZAAYA 38:17

Wʋtɩtɩɩ, hɛɛ-la mɩ fa sɩ na kɛŋ nyʋʋrʋŋ nɛ a pɩmɛ. Ŋ chonuŋ bʋbʋɔŋ lɛ nɛ ŋ lɩɩsɛmɛ lɩɩ-lɩma lɛ aŋ joŋ mɩ wʋbɔŋŋɔɔ kala chɛmɛ.

AZAAYA 43:24

Ma bɩ kʋsʋɔrʋsʋŋ kaa kʋ pɩmɛ koo ma bɩ leŋe mɩ vɔgɛ ma Wɩɩsʋlʋŋ kɩaa nʋʋra lɛ. Ama ma joŋ ma wʋbɔŋŋɔɔ nɛ a nyagɛmɛ, a leŋ mɩ lɔl ma wʋcheelee lɛ.

AZAAYA 44:22

Mɩ dʋɔrɛ ma wʋcheelee kala ta nɛ a nagɛ duoŋ-bɩlɩmbaanɩŋ sɩ sie, a lɩɩsɛ ma wʋbɔŋŋɔɔ ma kala ta arɩ nyalɩŋ sɩ huoso. Má mɩɩra kɔ mɩ teeŋ, mɩ laama ta nɛ.”

JEMBIEE 3:32

Ʋ yie wuo leŋ nɩa na hɛɛŋ, ka ʋ bɩra fá ʋ nisusuŋ. Ʋ chono-la sɩ bɩ dɛrɛ yʋga kɩŋkɛŋ.

LEVI DOHO NƖAA 20:10

Dɩ nʋʋkala nɛ kɛŋ ʋ dɔŋɔ haala pɩŋ, ʋ maga dɩ ba kpʋ baal-la arɩ haal-la kala nɛ.

LEVI DOHO NƖAA 24:17

Dɩ nʋʋ nɛ kpʋ ʋ dɔŋɔ tɩɩna, ʋ maga dɩ ba kpʋʋ nɛ.

ZƐKARƖYA 3:4

Ŋɩɩ nɛ Wɩa tɩndaarʋ-la bʋla pɩ ʋ tɩntɩnnaa, “Má wuri ʋ gɛnnɩ-la.” Ŋɩɩ nɛ aŋ bʋla pɩ Josua ma, “Bee na mɩ laa ŋ wʋbɔŋŋɔɔ ta nɛ, mɩ jaŋ joŋ gɛnnɩŋ sɩ kɛŋ yɩrɩŋ a laalɩŋ.”

Matiu 14:10

Ʋ ŋaa ba mʋ keri Jɔɔŋ nyuŋ bɩnɩŋ dɩa lɛ

Luuk 15:21

Ŋɩɩ nɛ bile bʋla pɩ ʋ nyɩmma a bʋl, ‘Mɩ ŋaa wʋbɔŋ nɛ arɩ Wɩa arɩŋ kala. Ʋ bɩra bɩ maga dɩ mɩ ŋaa ŋ bii.’

Luuk 18:13

Ama lampoo laarʋ-la chɩŋ dɩ-bolii. Ʋ paala bɩ ʋ sɩaa ma kaa wʋl wɩa-nyuŋ aŋ paa ʋ nɩsaa chʋŋ ʋ nyuŋ lɛ aŋ bʋl, ‘Wɩa, fá mɩ nisusuŋ. Mɩ ŋaa wʋbɔŋ ŋaarʋ nɛ.’ ”

Tɩntɩŋŋaa 2:37

Nɩalɩŋ sɩ nɩɩ wɩɩŋ deeŋ Pɩɩta sɩ bʋla, ʋ faasa wʋwalɩmɛba kɩŋkɛŋ. Ŋɩɩ nɛ ba pɩɛsɛ Pɩɩta arɩ Yesu nanzɔɔba-la dɔnsʋŋ, “La naambiiriŋ, bɛɛ kʋŋ nɛ saa la jaŋ ŋaa?”

Hiburu TƖŊŊAA 9:26

Dɩ ʋ nɛ faa ŋaa ŋɩɩ, ʋ fa jaŋ na hɛɛŋ jɩna na-kala a lɩɩ dʋnɩa dɩ-suomuŋ a kaa kɔ arɩ jɩnɩŋ kala. Ama lɛɛlɛ dʋnɩa dɩdɛrɩŋ kpaga nɛ, ŋɩɩ nɛ ʋ kɔ bala dɩ ʋ joŋ ʋ tɩtɩa a pɩ Wɩa a sʋʋ, a laa nɩaa wʋbɔŋŋɔɔ ta.

1 Jɔɔŋ 1:7

Ama dɩ la nɛ hɛ pʋlʋmʋŋ tʋɔŋ, arɩ Wɩa sɩ hɛ pʋlʋmʋŋ tʋɔŋ ŋɩɩ, ŋɩɩ-na la dɩ la dɔnsʋŋ tɩŋŋaa kala kɛŋ nii-bala nɛ. Dɩ la nɛ ŋaa ŋɩɩ, Wɩa Bie Yesu chalɩŋ ma jaŋ chɛsɛ la wʋbɔŋŋɔɔ kala ta.

Jɔɔŋ Wʋnaalaa 1:5

arɩ Yesu Kirisito teeŋ. Ʋ nɛ ŋaa wɩalɩŋ sɩada tɩɩna a kɛŋ wʋtɩtɩɩ. Ʋ nɛ ŋaa Nɩɩ-la sɩ sʋba aŋ laa sɩpaaŋ sii sʋʋŋ lɛ. Ʋ nɛ kɛŋ dʋnɩa kuoroo kala doluŋ. Má leŋ dɩ la dɛnnʋ, a tɩŋ ʋ sɩ chola ŋɩɩ a joŋ ʋ chalɩŋ a jaasɛ, a lɩɩsɛla wʋbɔŋŋɔɔ lɛ.

1 SAMƲƐL 15:20

Sɔɔl bʋl, “Mɩ to La TƖƖNA niiŋ nɛ, mɩ tɩŋ tɩntɩmɩɩ-la ʋ sɩ sɩ mɩ tɩŋ nɛ. Mɩ chaasa kpʋ Amalɛk tɩŋŋaa kala nɛ, aŋ kɛŋ ba kuoro Agag kʋweeŋ mɩɩra kɔ.

1 SAMƲƐL 15:30

Ŋɩɩ nɛ Sɔɔl bʋl, “Mɩ jɩma mɩ ŋaa wʋbɔŋ nɛ, ama mɩɩ sʋlʋŋ zilmi mɩ nɩhɩasɩŋ arɩ Iziral tɩŋŋaa sɩpaaŋ, aŋ to mɩ harɩŋ dɩ la mʋ, dɩ mɩ wuo zil ŋ TƖƖNA Wɩa.”