2 SAMƲƐL 11:15 - WƖA TENIŊ

¹⁵ Teŋ-la lɛ ʋ sɩ, “Jʋab, joŋ Yuria a hɛ laalɩŋ sɩpaaŋ, lee-la sɩ lɩma, aŋ bʋla pɩ laalɩyuoro-la kala dɩ ma nʋga lɩɩ harɩŋ, ka dɩ ba kpʋʋ.”

2 SAMƲƐL 11:15 ပူးပေါင်းရင်းမြစ်များ

2 SAMƲƐL 11:16

Jʋab arɩ ʋ nɩaa sɩ gollo dɩ ba yuo taŋ-la, ʋ beŋ a na ʋ dʋndɔŋŋɔɔ laalɩyuori-duoruŋ sɩ hɛ lee-la, a joŋ Yuria hɛ nɩmɛ.

2 SAMƲƐL 11:17

Taŋ-la nɩaa sɩ kʋ lɩɩ a yuo Jʋab arɩ ʋ nɩaa, ba kpʋ kuoro Devit laalɩyuoroo dɔnsʋŋ, Yuria Hiti tɩɩna-la nɛ dɔŋɔ.

2 SAMƲƐL 12:9

Bɛɛ nɛ tɩɩ ŋ vɩa mɩ-na ŋ Tɩɩna niiŋ aŋ ŋaa wʋbɔmʋŋ deeŋ? Ŋ leŋe Amɔŋ tɩŋŋaa kpʋ Yuria nɛ laalɩŋ lɛ, ka ŋ laa ʋ haala jaa.

1 KUOROO 15:5

Devit fa ŋaa wɩaa ba bʋa lɛ nɛ La TƖƖNA sɩpaaŋ, ʋ fa bɩ ʋ niiŋ wɩaa vɩa ʋ mɩɩsɩŋ kala lɛ, see wʋbɔŋ-la ʋ sɩ ŋaa Yuria lɛ, Hiti tɩɩna-la.

WƖA YƖƖLAA 51:14

Wɩa, lɩɩsɛmɛ nɩaa kpʋnʋŋ lɛ, ŋ nɛ ŋaa mɩ Laataara. Dɩ ŋ nɛ ŋaa ŋɩɩ, mɩ jaŋ yɩɩ yɩɩlaa a dagɛ ŋ tʋɔpʋla.

WƖA YƖƖLAA 51:4

Mɩ chaasa ŋaa wʋbɔŋ nɛ ŋ lɛ. Mɩ ŋaa wɩɩ-la sɩ bɩ zɔŋ nɛ ŋ lɛ. Ŋ kɩaa sɩma nɛ a magɛ dɩ ŋ bʋl mɩ teeŋ, a diimi sarɩya a dɔgɩsɛmɛ.

TƖƖCHA 8:11

Dɩ ba nɛ bɩ nʋʋ sɩ ŋaa wʋbɔŋ dɔgʋsɔ lɩma, nɩaa yie bɩbɩɩnɛ ba ŋɩŋaa wʋbɔŋŋɔɔ nɛ.

JƐRƖMAAYA 17:9

Nuhuobiine tʋɔŋ nɛ jaŋ wuo nyɩsɛ nɩa a kɩɩ kʋŋkala. Ʋ ŋaa kʋŋ nʋʋ sɩ bɩ wuo tɩɩbɛ nɛ. Kʋbɛɛ nɛ jaŋ wuo jɩŋ nuhuobiine tʋɔŋ wɩaa sɩaa?

JƐRƖMAAYA 20:13

Má yɩɩ yɩɩlaa a pɩ La TƖƖNA. Má dɛnnɛ La TƖƖNA. Ʋ yie laa nɩalɩŋ sɩ bɩ ba tɩtɩa lɛ wuo pɛ ta nɛ nɩbɔŋŋɔɔ nɩsɩŋ lɛ.

1 SAMƲƐL 18:17

Tapʋlɩɩ kʋbala Sɔɔl bʋla pɩ Devit, “Na mɩ tol-hɩaŋ Mɛrab nɛ ŋ-la, mɩ jaŋ joŋo pɩŋ dɩ ŋ jaa. Ŋ-na kɛŋ bɔɩ-duoŋ a to mɩ niiŋ a yuo La TƖƖNA laalɩŋ.” Sɔɔl bʋla ʋ tʋɔŋ lɛ, “Mɩ-na bɩ jaŋ ŋaaʋ wɩɩkala, Fɩlɩsɩtɩa tɩŋŋaa nɛ jaŋ kpʋʋ pɩmɛ.”

1 SAMƲƐL 18:21

Sɔɔl bʋl ʋ tʋɔŋ lɛ, “Mɩ jaŋ joŋ tolo-la pʋ dɩ ʋ jaa, dɩ mɩ to ʋ lɛ a bɛrɛ kɛŋ Devit dɩ Fɩlɩsɩtɩa tɩŋŋaa kpʋʋ.” Ŋɩɩ nɛ Sɔɔl bɩra bʋla pɩ Devit, “Lɛɛlɛ wombiiŋ bɩra pɩna nɛ a pɩŋ dɩ ŋ ŋaa mɩ hɩɩlɛ-baala.”

1 SAMƲƐL 18:25

ŋɩɩ nɛ Sɔɔl sɩ, “Má bʋla pɩ Devit, ‘Hajaarɛ kɩalɩŋ kala kuoro sɩɩ chɛ nɛ, dɩ ŋ joŋ ʋ baanɩŋ fɩɩsɛ Fɩlɩsɩtɩa tɩŋŋaa sɩ ŋaa ʋ dʋndɔŋŋɔɔ lɛ, a kpʋ ba nɩaa zɔlɔ a keri ba penee puroo kaa kʋ bil ʋ sɩpaaŋ.’ ” Sɔɔl tʋɔbɩɩnaa kala nɛ, dɩ ʋ joŋ Devit a hɛ Fɩlɩsɩtɩa tɩŋŋaa nɩsɩŋ lɛ dɩ ba kpʋʋ.