2 SAMƲƐL 11:11 - WƖA TENIŊ

¹¹ Yuria bʋla pɩ Devit, “Wɩa niiriŋ daga arɩ Iziral tɩŋŋaa arɩ Juda tɩŋŋaa laalɩyuoroo kala hɛ laal-baga lɛ nɛ, mɩ nɩhɩaŋ Jʋab arɩ ʋ nɩaa ma hɛ pɔkɔŋ nyuŋ. Ɛɛ nɛ saa mɩ-na jaŋ wuo mʋ dɩa a dii kɩaa ka mɩ dɩ mɩ haala pɩŋ? Ŋ sɩ hɛ ŋ mɩɩsɩŋ deeŋ lɛ, mɩ bɩ jaŋ kɔ dɩ mɩ ŋaa wʋdoho deeŋ.”

2 SAMƲƐL 11:11 ပူးပေါင်းရင်းမြစ်များ

2 SAMƲƐL 11:10

Ba sɩ bʋla pɩ Devit arɩ Yuria bɩ dɩa mʋa, ŋɩɩ nɛ Devit yɩrʋ a pɩɛsʋ, “Dɩ-bolii dee ŋ lɩɩ kɔɔ? Bɛɛ nɛ tɩɩ ŋ bɩ dɩa mʋa?”

2 SAMƲƐL 14:19

Kuoro pɩɛsʋ, “Jʋab nɩsɩŋ hɛ wɩaa deemba lɛ nɛɛ?” Ŋɩɩ nɛ haal-la bʋl, “Kuoro, mɩ nɩhɩaŋ, ŋ sɩ hɛ ŋ mɩɩsɩŋ lɛ wɩaa, nʋʋkala bɩ jaŋ wuo joŋ wɩɩ a faaŋ. Wʋtɩtɩɩ, ŋ tɩntɩnna Jʋab nɛ dagɛmɛ wɩalɩŋ mɩ sɩ jaŋ ŋaa arɩ wɩalɩŋ kala mɩ sɩ jaŋ bʋl.

2 SAMƲƐL 20:6

Devit fa bʋla pɩ Abɩsaɩ, “Lɛɛlɛ Bikiri nanʋala Sɛba jaŋ ŋaa wʋbɔŋ la lɛ a kɩɩ wɩalɩŋ Abɩsalɔm sɩ ŋaa. Kɛsɛ mɩ laalɩyuoroo a kiri Sɛba libe, dɩ ŋɩɩ dee ʋ jaŋ wuo mʋ jʋʋ tabala-la ba sɩ saa kɛrɛ golli dɔŋɔ, a fori la nɩsɩŋ lɛ.”

2 SAMƲƐL 7:2

Ŋɩɩ nɛ ʋ bʋla pɩ Wɩa wʋlaabʋlla ba sɩɩ yɩrɛ Netaŋ, “Mɩɩ jʋʋ kuoru dɩa ba sɩ kɛŋ kuolu daasɩŋ sɩ chaasa zɔŋ a saa nɛ, ka Wɩa niiriŋ daga-la hɛ lɛbɩŋ lɛ.”

2 SAMƲƐL 7:6

Mɩ ha bɩ dɩa kala jʋa a chɩŋ tapʋlɩɩ-la mɩ sɩ kɛŋ Iziral tɩŋŋaa a lɩɩ Ijipiti tinteeŋ lɛ a kaa kɔ jɩnɩŋ. Mɩ gɔllɔɔ baarɛ nɛ a jʋjʋʋ lɛbɩŋ.

NAMBABA 32:6

Ŋɩɩ nɛ Mosis pɩɛsɛ Gad doho nɩalɩŋ arɩ Rubiŋ doho nɩalɩŋ, “Maa chɛ dɩ ma hɔŋ daha nɛ ka dɩ ma naambiiriŋ mʋ laalɩŋ?

Jɔɔŋ 13:14

Mɩ sɩ ŋaa ma Tɩɩna arɩ ma Kʋhɩaŋ aŋ sɔŋ ma naasɩŋ ŋɩɩ, ʋ maga dɩ ma ma sɔŋ dɔŋɔba naasɩŋ nɛ.

2 Timoti 2:12

Dɩ la nɩɩ na hɛɛŋ aŋ nyalɩmɛ, la dɩ ʋ kala jaŋ dii kuoruŋ. Dɩ la nɛ sɩ la bɩ Yesu jɩŋ, ʋ ma jaŋ bʋl ʋ bɩ la jɩŋ.

1 SAMƲƐL 1:26

Hana bʋla pʋ, “Mɩ nɩhɩaŋ, mɩ nɛ tapʋlɩɩ kʋbala kʋ chɩŋ ŋ sɛmɛ aa sʋl La TƖƖNA ŋɩɩ.

1 SAMƲƐL 14:18

Sɔɔl bʋla pɩ Ahija, “Kɛŋ Wɩa niiriŋ daga-la kɔ yei.” (Bʋa-la lɛ dɩ ʋ hɛ Iziral tɩŋŋaa teeŋ.)

1 SAMƲƐL 17:55

Sɔɔl fa sɩ na dɩ Devit mʋa dɩ ʋ yuo Golɩaf, ʋ pɩɛsɛ ʋ laalɩyuoroo nɩhɩaŋ ba sɩɩ yɩrɛ Abɩna, “Abɩna, kʋbɛɛ bie nɛ bapʋɔsɛ bie deeŋ?” Ŋɩɩ nɛ ʋ bʋl, “Tɛŋɛ, kuoro, mɩ bɩ jɩŋ.”

1 SAMƲƐL 20:3

Devit ŋmɩɛsa pɩ Jonataŋ a bʋl, “Ŋ nyɩmma jɩma arɩ ŋ chomi nɛ woruŋ, ŋɩɩ nɛ ʋ bʋl ʋ tʋɔŋ lɛ, ‘Jonataŋ bɩ maga dɩ ʋ jɩŋ wɩɩŋ deeŋ lɛ, dɩ ʋ nɛ jɩma, ʋ tʋɔŋ jaŋ faasa chei.’ Wʋtɩtɩɩ nɛ mɩ bʋlaa pɩŋ La TƖƖNA sɩ weye yɩrɩŋ lɛ, mɩ dɩ sʋʋŋ pɛgɛ bɩ bol mʋa ma.”

1 SAMƲƐL 25:26

Mɩ nɩhɩaŋ, La TƖƖNA nɛ bɩŋ wombiiŋ pa dɩ ŋ tɩtɩa joŋ ŋ baanɩŋ fɩɩsɛ ŋ dʋndɔŋŋɔɔ lɛ a kpʋba. Mɩ ŋmɩɛsa pɩŋ, arɩ La TƖƖNA sɩ weye, a leŋ dɩ ŋ dʋndɔŋŋɔɔ arɩ nʋʋ na-kala sɩ bɩɩna dɩ ʋ ŋaa wʋbɔŋ ŋ lɛ, dɩ tɩɩna dɩ-dɛrɩŋ kala nagɛ Nabal.

1 SAMƲƐL 4:4

Ŋɩɩ nɛ ba tɩŋ nɩaa ba mʋ Sɩlɔ, a joŋ La TƖƖNA doluŋ kala Tɩɩna niiriŋ daga-la kaa kɔ. Daga-la nyuŋ kɛŋ kɩaa sɩ kɛŋ kɩŋkɛnsɩŋ nɛ a nagɛ Wɩa tɩndaaraa balɩa, La TƖƖNA hɔŋ ba pɛgɛ. Eli hambolibiisiŋ balɩa, Hofini arɩ Finihas ma to Wɩa niiriŋ daga-la harɩŋ a mʋ ba buguŋ.