2 SAMƲƐL 10:8 - WƖA TENIŊ

⁸ Ŋɩɩ nɛ Amɔŋ tɩŋŋaa laalɩyuoroo kʋ lɩɩ a chɩŋ ba tabalɩŋ boi-baalɩŋ lɛ, ka Siiria tɩmma-la sɩ lɩɩ tasɩ-la ba sɩɩ yɩrɛ Zoba arɩ Rehob arɩ nɩalɩŋ sɩ lɩɩ Tob arɩ Maaka, ba-na kiele lɩɩ a hɛ pɔkɔŋ nyuŋ.

2 SAMƲƐL 10:8 ပူးပေါင်းရင်းမြစ်များ

2 SAMƲƐL 10:6

Amɔŋ tɩŋŋaa sɩ kʋ jɩŋ arɩ ba chaasa dii Devit baanɩŋ lɛ nɛ, ba sii mʋ chɛ Siiria tɩŋŋaa laalɩyuoro-la sɩɩ vɛŋ naasɩŋ lɛ bʋɩ mara a timba ka dɩ ba kʋ yuo laalɩŋ pɩba. Ba lɩɩ tasɩŋ deemba nɛ: Bɛf Rehob arɩ Zoba, a pɛ Maaka kuoro laalɩyuoroo bʋɩ lɛ, arɩ taŋ-la ba sɩɩ yɩrɛ Tob ma laalɩyuoroo bʋɩ fii arɩ balɩa.

2 SAMƲƐL 10:7

Devit sɩ nɩɩ wɩɩŋ deeŋ, ʋ leŋ Jʋab kɛŋ ʋ laalɩyuoroo kala mʋ dɩ ba yuoba.

2 SAMƲƐL 10:9

Jʋab sɩ na dɩ ba dʋndɔŋŋɔɔ laalɩyuoroo chɩŋ ʋ sɩpaaŋ arɩ ʋ harɩŋ kala dɩ ba yuoba, ŋɩɩ nɛ ʋ tʋɔsɛ nɩalɩŋ sɩ jɩŋ laalɩŋ yuonuŋ woruŋ Iziral tɩŋŋaa laalɩyuoro-la tʋɔŋ dɩ ba yuo Siiria tɩmma-la,

2 SAMƲƐL 23:34

Ahasɩbaɩ nanʋala Ɛlɩfɛlɛt, Maaka tɩɩna-la, Ahitofɛl nanʋala Ɛlɩam, Gilo tɩɩna-la,

1 KUOROO 11:24

Devit sɩ yuo dii Hadadɛza arɩ ʋ nɩaa kala a cheiba, Rɛzɔŋ sii chɛ kɛsɛ wʋcheeree hɛ dɔŋɔ a ŋaa ba sɩpaalaara. Ba mʋ hɔŋ Damasɩkʋs lɛ, ʋ ŋaa ba kuoro.

1 IZIRAL TƖŊŊAA NAABARƖŊ 19:7

Ba laa janɩŋ torukoba arɩ ja-jɩllaa bʋɩ mara arɩ fii arɩ balɩa nɛ, a pɛ Maaka kuoro arɩ ʋ laalɩyuoro-la sɩ kʋ ŋmoo buguŋ kpagɛ taŋ-la ba sɩɩ yɩrɛ Mediba. Ka Amɔŋ tɩŋŋaa ma kʋ lɩɩ ba tasɩŋ lɛ a kɛŋ ba tɩtɩa hɛ dɔŋɔ dɩ ba yuo laalɩŋ.

1 IZIRAL TƖŊŊAA NAABARƖŊ 19:9

Ŋɩɩ nɛ Amɔŋ tɩŋŋaa laalɩyuoroo kʋ lɩɩ a chɩŋ ba tabalɩŋ boi-baalɩŋ lɛ, ka Siiria kuorusu-la ma kiele lɩɩ a hɛ pɔkɔŋ nyuŋ.

JƐRƖMAAYA 40:8

ba sii kɔ Gedalia teeŋ Mɩzɩpa lɛ. Nɩalɩŋ sɩ kɔ yɩraa nɛ ŋ-la: Nɛtanɩa nanʋala Ɩsɩmɛl, Johanaŋ arɩ Jonataŋ sɩ ŋaa Karɩa hambolibiisiŋ, Tanhʋmɛf nanʋala Sɛraaya, Ɛfaɩ sɩ ŋaa Netofa tɩɩna hambolibiisiŋ, arɩ Jazanɩa sɩ ŋaa Maka tɩɩna nanʋala arɩ ba nɩaa.

NAMBABA 13:21

Ŋɩɩ nɛ ba mʋ, a chɩŋ Zɩŋ tintee-hɩlɩŋ lɛ a beŋ tintee-la ŋɩɩ a mʋ yi lee-la ba sɩɩ yɩrɛ Rehob sɩ kpagɛ Lebo-Hamaf.

JOSUA 19:28

Bʋa-la bɩra to Abɩdɔŋ, Rehob, Hamɔŋ arɩ Kana, a joŋ ŋɩɩ deeŋ deeŋ a mʋ yi Sɩdɔŋ balɩŋ.

SƖPAALAARAA 1:31

Asa doho nɩaa ma bɩ Kɛnaŋ tɩŋŋaa sɩ hɛ tasɩŋ deemba lɛ kire: Ako, Sɩdɔŋ, Alab, Akɩzɩb, Heliba, Afɛk arɩ Rehob.

SƖPAALAARAA 11:3

Ŋɩɩ nɛ Jɛfɩta lɩɩ ʋ naambiiri-la leriŋ a mʋ hɔŋ Tob tinteeŋ. Nɩmɛ nɛ nɩtɔɔnʋŋ kʋ hɛ dɔŋɔ a ŋaa ʋ harɩ-tooroo.

SƖPAALAARAA 11:5

Gɩlɩad nɩhɩasɩŋ sii mʋ dɩ ba kɛŋ Jɛfɩta Tob tinteeŋ a kɔ.