2 SAMƲƐL 1:14 - WƖA TENIŊ

¹⁴ Devit bɩra pɩɛsʋ, “Bɛɛ nɛ saa tɩɩ ŋ bɩ fawʋllʋŋ fá, aŋ kpʋ nɩɩ-la La TƖƖNA sɩ lɩɩsa ʋ ŋaa kuoro?”

2 SAMƲƐL 1:14 ပူးပေါင်းရင်းမြစ်များ

WƖA YƖƖLAA 105:15

Ʋ sɩ, “Má pʋpɔ má sɩ́ mɩ nɩaa mɩ sɩ lɩɩsa digu, a sɩ́ mɩ wʋlaabʋllaa ma wʋbɔŋ kala ŋaa.”

JEMBIEE 4:20

Kuoru-la La TƖƖNA sɩ lɩɩsa ŋaa la mɩɩsɩŋ nɛ, ka ba bɛrɛ kɛnʋ. La fa bɩɩna ʋ daanyʋɔsʋŋ lɛ, la jaŋ wuo hɔŋ tinteyee nɩaa tʋɔŋ.

NAMBABA 12:8

Mɩ dɩ ʋ-na yie chɩna chaasɛ dɔŋɔ nɛ aŋ bʋbʋl wɩaa, mɩ yie ta wɩaa yɛrɛ nɛ a pʋ. Mɩ bɩ namagaba ka magɛ ʋ teeŋ. Ʋ yie na ŋɩɩ mɩ sɩ naga nɛ. Bɛɛ nɛ saa tɩɩ ma bɩ fawʋllʋŋ fá, aŋ lɩɩ mɩ tɩntɩnna Mosis harɩŋ a gʋrɩmɛ wɩaa ʋ teeŋ?”

2 Pɩɩta 2:10

Ba tʋɔŋ, Wɩa jaŋ faasa dɔgɩsɛ nɩalɩŋ sɩɩ ŋaa wʋlɩɩlɩŋ arɩ nɩalɩŋ sɩ bɩ chɛ dɩ ba joŋ ba tɩtɩa a hɛ Wɩa nɩsɩŋ lɛ. Wʋnyɩɛrɩ kerichi deemba bɩ nʋʋkala ka fá, aŋ pɛ kɛŋ nyuduoŋ ma a ŋɩŋaa ba tʋɔtɔrɛ wɩaa. Ŋɩɩ nɛ tɩɩ ba yie tʋʋsɛ Wɩa tɩndaara-la sɩ kɛŋ yɩrɩŋ a hɛ Wɩa-jaŋ lɛ.

1 SAMƲƐL 10:1

Ŋɩɩ nɛ Samʋɛl joŋ nʋʋŋ arɩ loŋ, a wansa hɛ Sɔɔl nyuŋ lɛ, aŋ guoru a bʋl, “La TƖƖNA lɩɩsɩŋ nɛ dɩ ŋ ŋaa ʋ nɩaa Iziral tɩŋŋaa sɩpaalaara.

1 SAMƲƐL 12:3

Mɩ chɩŋ daha nɛ dɩ mɩ pɩɛsɛma: dɩ mɩ ŋaa wʋbɔŋ nʋʋ lɛ, tɩɩna kʋ lɩɩ bʋl La TƖƖNA arɩ kuoru-la ʋ sɩ lɩɩsa sɩpaaŋ. Ma kʋbɛɛ nɛŋ nɛ mɩ ha kaa laa? Ma kʋbɛɛ kakumo nɛ mɩ ha kaa laa? Mɩ ha gʋrɛ ma kʋŋ koo a dɔgɩsɛ ma kʋŋ? Ma kʋbɛɛ teeŋ nɛ mɩ ha laa kpalaa ŋɩɩ leŋ mɩ bɩ mɩ sɩaa wuo kaa suri? Dɩ mɩ nɛ ŋaa wɩaa deemba kʋŋ ma dɔŋɔ lɛ, mɩ jaŋ mɩɩra tiŋ tɩɩna.”

1 SAMƲƐL 24:11

Mɩ nyɩmma, beŋ mɩ nɩsɩŋ lɛ a na gɛrɩ-kɔsʋ-bie-la mɩ sɩ koro. Ŋ gɛrɩŋ niipiniŋ nɛ ŋɩɩ mɩ keri, aŋ bɩŋ kpʋa. Lɛɛlɛ jɩŋ woruŋ arɩ mɩ bɩ wʋbɔŋ ŋaa cheyiŋ koo a vɩa ŋ niiŋ. Mɩ bɩ wʋbɔŋ ma joŋo ŋaa ŋ lɛ, ka ŋ bagɩla chɩchɛmɛ dɩ ŋ kpʋ.

1 SAMƲƐL 24:6

Ʋ mɩɩra mʋ ʋ nɩaa leriŋ, a bʋla pɩba, “La TƖƖNA bɩ chɛ dɩ mɩ joŋ wʋdoho deeŋ a ŋaa mɩ nɩhɩaŋ nɩɩ-la ʋ sɩ lɩɩsa lɛ, koo dɩ mɩ ŋaaʋ wʋbɔŋ kala, bɛɛ wɩaa La TƖƖNA nɛ lɩɩsʋ ʋ ŋaa kuoro.”

1 SAMƲƐL 24:7

Wɩalɩŋ Devit sɩ bʋla kiri ʋ harɩ-tooroo ba bɩ Sɔɔl yuo nɛ ŋɩɩ. Ka ʋ lɩɩ bʋ-bʋa-la lɛ a viiri.

1 SAMƲƐL 26:11

La TƖƖNA bɩ jaŋ sɛɩ dɩ mɩ ŋaa nɩɩ-la ʋ sɩ lɩɩsa ʋ ŋaa kuoro wʋbɔŋ kala. La jaŋ joŋ timiŋ arɩ lɩɩŋ loŋ-la sɩ chɩŋ ʋ nyuŋ nɛ a kaa viiri.”

1 SAMƲƐL 26:9

Ama Devit ma fɩɛla bʋla pɩ Abɩsaɩ, “Pʋpɔ ŋ sɩ́ ʋ kpʋ. Nʋʋkala tuo sɩ jaŋ kpʋ nɩɩ-la La TƖƖNA sɩ lɩɩsa ʋ ŋaa kuoro, aŋ bɩ cheeriŋ jaŋ laa La TƖƖNA teeŋ.”

1 SAMƲƐL 31:4

Ŋɩɩ nɛ Sɔɔl bʋla pɩ nɩɩ-la sɩ kori ʋ laalɩyuori kɩaa, “Lɩɩsɛ ŋ tokobiiŋ a tɔɔmɛ kpʋ, ŋɩɩ dee disiŋ tɩŋŋaa deemba jaŋ kʋ kpʋmɛ a tʋʋsɛ mɩ joŋŋoo.” Ama fawʋllʋŋ fa kɛŋ nɩɩ-la sɩ kori ʋ laalɩyuori kɩaa nɛ, ʋ bɩ wuo ŋaa ŋɩɩ. Ŋɩɩ nɛ Sɔɔl lɩɩsɛ ʋ tɩtɩa tokobiiŋ a pɛ, a tel ʋ nyuŋ a kpʋ ʋ tɩtɩa.