2 SAMƲƐL 1:11 - WƖA TENIŊ

¹¹ Devit arɩ nɩalɩŋ kala sɩ hɛ ʋ teeŋ a nɩɩ wɩalɩŋ baal-la sɩ bʋla, ba tʋɔŋ faasa chei, ba kɛŋ ba gɛnnɩŋ kɩɛsɛ.

2 SAMƲƐL 1:11 ပူးပေါင်းရင်းမြစ်များ

WƖAA DƖ-SUOMUŊ 37:29

Rubiŋ sɩ mɩɩra kɔ vil-la leriŋ dɩ Josɛf tuo vil-la tʋɔŋ. Ʋ tʋɔŋ chei, ʋ kɛŋ ʋ gɛnnɩŋ kɩɛsɛ.

WƖAA DƖ-SUOMUŊ 37:34

Ŋɩɩ nɛ Jekɔb kɛŋ ʋ gɛrɩŋ kɩɛsɛ a tɩŋ ʋ tʋɔŋ sɩ cheye aŋ paa tʋɔ-chei gɛnnɩŋ laalɛ aŋ yel ʋ nanʋala wɩaa tapʋl-daŋ.

WƖAA DƖ-SUOMUŊ 44:13

Wɩɩŋ deeŋ leŋ ba tʋɔŋ chei. Ba kɩɛsɛ ba gɛnnɩŋ aŋ paa ba chʋgʋsʋŋ vɔɔ ba kakusuŋ lɛ a mɩɩra mʋ tabal-la ba sɩ lɩa.

2 SAMƲƐL 13:19

Tama ŋaa tʋɔrʋŋ a bʋgɛ ʋ nyuŋ, aŋ kɛŋ gɛrɩ-la ʋ fa sɩ laala a kɩɛsɛ, aŋ paa nɩsaa chʋŋ nyuŋ lɛ aŋ faasa yele viviiri.

2 SAMƲƐL 13:31

Kuoro sii a kɛŋ ʋ gɛrɩŋ a kɩɛsɛ a dɩdagɛ tʋɔ-cheeŋ, aŋ pɩŋ tinteeŋ. Ʋ tɩntɩnnaa ma kala sii chɩŋ a kɛŋ ba gɛnnɩŋ kɩɛsɛ.

2 SAMƲƐL 3:31

Ŋɩɩ nɛ Devit bʋla pɩ Jʋab arɩ nɩalɩŋ kala sɩ hɛ ʋ teeŋ, “Má kɛŋ ma gɛnnɩŋ kɩɛsɛ, aŋ laalɛ tʋɔ-chei gɛnnɩŋ a laa Abɩna kʋsʋʋŋ sɩpaaŋ a yiyel.” Ŋɩɩ nɛ ka kuoro Devit tɩtɩa tuto sʋʋ-la harɩŋ.

2 KUOROO 5:7

Iziral tinteeŋ kuoro sɩ laa teŋ-la karɩmɛ, fawʋllʋŋ kɛnʋ ʋ tʋɔŋ chei. Ʋ kɛŋ ʋ gɛnnɩŋ kɩɛsɛ aŋ bʋl, “Siiria tɩŋŋaa kuoro sɩ sɩ dɩ mɩ vaarɛ baala deeŋ, ʋ bɩɩna mɩ ŋaa Wɩa nɛ sɩ jaŋ wuo kpʋ aŋ chɩsɛɛ? Ʋ nagɛ yuosuŋ nɛ ʋ chɩchɛ mɩ teeŋ ŋɩɩ.”

2 IZIRAL TƖŊŊAA NAABARƖŊ 34:27

A tɩŋ ŋ tʋɔŋ sɩ cheye ŋ kɛŋ ŋ tɩtɩa muuri mɩ sɩpaaŋ, ŋ sɩ nɩɩ wɩalɩŋ mɩ sɩ bʋla arɩ mɩ jaŋ chei Jerusalɛm arɩ ʋ nɩaa, ŋ tɩŋ ŋɩɩ wɩaa a kɛŋ ŋ gɛnnɩŋ kɩɛsɛ a yel mɩ sɩpaaŋ, mɩ jegile nɩɩ ŋ sʋla nɛ. Mɩ-na ma TƖƖNA nɛ bʋla.

ƐZƖRA 9:3

Mɩ-na Ɛzɩra sɩ nɩɩ wɩɩŋ deeŋ, mɩ kɛŋ mɩ gɛnnɩŋ kɩɛsɛ, a lɛrɛ mɩ nyu-pʋnaa arɩ tɔŋŋɔɔ churi aŋ hɔŋ a kala vɔgɛ arɩ tʋɔ-cheeŋ.

ƐSƖTA 4:1

Modikaaya sɩ nɩɩ teŋ-la ba sɩ ŋmʋnsa wɩaa, ʋ kɛŋ ʋ gɛnnɩŋ kɩɛsɛ aŋ ŋaa tʋɔrʋŋ bʋgɛ, a laalɛ tʋɔ-chei gɛrɩŋ a faasaa ŋmoo niiŋ.

JƐRƖMAAYA 36:24

Kuoro arɩ ʋ nanzɔɔba-la kala sɩ nɩɩ wɩaa deemba, fawʋllʋŋ bɩ ba kɛnɛ koo ba ŋaa wɩaa a dagɛ arɩ ba tʋɔŋ cheye.

JOWƐL 2:13

Má leŋ dɩ ma tʋɔŋ nɛ chei aŋ sɩ́ ma gɛnnɩŋ nɛ kɩɛsʋ. Má mɩɩra kɔ ma TƖƖNA Wɩa teeŋ, ʋ nɛ kɛŋ zile, a fɩfá nɩaa nenige. Ʋ baanɩŋ bɩ lɩma lɩma ka sii, aŋ cho nɩaa ma woruŋ. Ʋ yie kɛŋ ʋ tɩtɩa hɛ dɔŋɔ dɩ ʋ joŋ wɩaa chɛla nɛ bʋa na-kala a bɩ chɛ ʋ dɔgɩsɛla.

Tɩntɩŋŋaa 14:14

Banabas arɩ Pɔɔl sɩ nɩɩ wɩɩ-la ba sɩɩ chɛ ba ŋaa, ba kɛŋ ba gɛnnɩŋ kɩɛsɛ, aa dagɛ arɩ ba bɩ sɛyɛ, aŋ fá jʋʋ nɩalɩŋ tʋɔŋ a faasa bʋl,

Rom Tɩŋŋaa 12:15

Dɩ nɩaa tʋɔŋ nɛ tɔrɔ, ŋ ma leŋ dɩ ŋ tʋɔŋ tɔrɛ, dɩ nɩaa tʋɔŋ nɛ cheye, ŋ ma chɩl ba tʋɔ-cheeŋ wɩaa.

JOSUA 7:6

Ŋɩɩ nɛ Josua arɩ Iziral tɩŋŋaa nɩhɩasɩŋ kɛŋ ba gɛnnɩŋ kɩɛsɛ a ŋaa hagɩla bʋgɛ ba nyusuŋ ba tʋɔŋ sɩ cheye, aŋ tuu tele chu La TƖƖNA niiriŋ daga-la sɩpaaŋ a pɩŋ nɩmɛ ŋɩɩ halɩɩ Wɩa tuu jʋʋ.