2 Jɔɔŋ 1:9 - WƖA TENIŊ

⁹ Nɩɩ-la kala sɩ bɩ wɩalɩŋ Kirisito sɩ daga dʋndʋŋa ka to, ʋ tɩɩna bɩ Wɩa teeŋ hɛ. Ama nɩɩ-la kala sɩɩ to wɩalɩŋ Kirisito sɩ daga dʋndʋŋa, ʋ tɩɩna kɛŋ Wɩa arɩ ʋ Bie kala nɛ.

2 Jɔɔŋ 1:9 ပူးပေါင်းရင်းမြစ်များ

Matiu 11:27

Ŋɩɩ nɛ ʋ bɩra bʋl, “Mɩ Nyɩmma joŋ kʋŋkala doluŋ nɛ pɩmɛ. Mɩ Nyɩmma dʋndʋŋa nɛ jɩŋ ŋɩɩ mɩ sɩ naga. Mɩ ma dʋndʋŋa nɛ jɩŋ ŋɩɩ mɩ Nyɩmma sɩ naga. Nʋʋkala bɩra bɩ ʋ jɩŋ, see nɩalɩŋ mɩ sɩ cho dɩ mɩ daga pa.”

Luuk 10:22

Ŋɩɩ nɛ ʋ bɩra bʋl, “Mɩ Nyɩmma joŋ kʋŋkala doluŋ nɛ pɩmɛ. Mɩ Nyɩmma dʋndʋŋa nɛ jɩŋ ŋɩɩ mɩ sɩ naga. Mɩ ma dʋndʋŋa nɛ jɩŋ ŋɩɩ mɩ Nyɩmma ma sɩ naga. Nʋʋkala bɩra bɩ ʋ jɩŋ, see nɩalɩŋ dʋndʋŋa mɩ sɩ cho dɩ mɩ daga.”

Jɔɔŋ 14:6

Ŋɩɩ nɛ Yesu bʋla pʋ, “Mɩ nɛ ŋaa wombiiŋ a mʋmʋ Wɩa-jaŋ. Mɩ nɛ bɩra wʋtɩtɩɩ Tɩɩna ma, a bɩraa pɩ nɩaa ma mɩɩsɩŋ. Nʋʋkala bɩ mɩ Nyɩmma teeŋ wuo mʋ, see dɩ ʋ to mɩ lɛ.

Jɔɔŋ 15:6

Dɩ nʋʋ nɛ bɩ mɩ lɛ mɛrɛ, ba jaŋ joŋ tɩɩna yuo ta, a nagɛ ba sɩ yie keri tɩa naakelee ta ŋɩɩ ba hɩl, nɩaa paa a hɛ nyiniŋ lɛ ba dii.

Jɔɔŋ 5:23

Ʋ ŋaa ŋɩɩ dɩ nʋʋkala zizil mɩ-na ʋ Bie nɛ, arɩ ba sɩɩ zil mɩ Nyɩmma ŋɩɩ. Nɩɩ-la kala sɩ bɩ mɩ-na Wɩa Bie ka zil, ʋ tɩɩna bɩ mɩ Nyɩmma Wɩa sɩ tɩmmɛ ka zil.

Jɔɔŋ 8:31

Ŋɩɩ nɛ Yesu bʋla pɩ Juu tɩmma-la sɩ laa ʋ wɩaa dii, “Dɩ ma nɛ kɛŋ wɩalɩŋ mɩ sɩɩ dagɛ kaa tɩtɩŋ, ma sɛnɛ ŋaa mɩ harɩ-tooroo nɛ.

Tɩntɩŋŋaa 2:42

Ba joŋ ba nyuŋ kala hɛ wɩalɩŋ Yesu nanzɔɔba-la sɩɩ dagʋ lɛ arɩ sɩɩfɩɛsɩŋ a kɛŋ nii-bala. Ba kala hɔŋ a didii kʋdiile-la Yesu fa sɩ́ sɩ dɩ ba dii a liliisi ʋ wɩaa, aŋ pɛ gbaara chʋchʋɔlɛ Wɩa.

Koloosi Nɩaa 3:16

Má leŋ dɩ wɩalɩŋ kala Kirisito sɩ bʋla hɛ ma tʋɔŋ woruŋ. Má kpʋrɩsɛ dɔŋɔba dɩgɩlaa aa dagɛ dɔŋɔ arɩ wʋjɩmɩŋ. Má yɩɩ yɩɩla-la sɩ hɛ Wɩa teniŋ tʋɔŋ, arɩ Wɩa nɩaa yɩɩlaa dɔnsʋŋ, arɩ yɩɩlaa Wɩa Dɩŋ-zɔŋ-la sɩ dagɛma. Má yɩɩ ŋɩɩ a pɩ Wɩa a lɔllʋ ma tʋɔŋ lɛ.

Taatɩs 2:10

Ba sɩ́ ba tɩɩnaba kɩaa gɩgaa. Wɩalɩŋ kala ba sɩɩ ŋaa, ʋ maga dɩ ba leŋ dɩ nɩalɩŋ sɩ tɩɩba laaba dii arɩ ba kɛŋ wʋtɩtɩɩ. Dɩ ba nɛ ŋaa ŋɩɩ, nʋʋkala jaŋ zil la Laataara Wɩa wʋzɔmɔ-la.

Hiburu TƖŊŊAA 3:14

Wɩalɩŋ la sɩ laa dii bumbuŋ, dɩ la nɛ kɛmba ŋɩɩ a kaa mʋ dɩdɛrɩŋ, la dɩ Kirisito kala jaŋ ŋaa kʋbala.

Hiburu TƖŊŊAA 6:1

Ŋɩɩ wɩaa la sɩ wuo jɩŋ bumbuŋ wɩalɩŋ ba sɩ bʋla pɩla a tɩgɛ Kirisito lɛ ŋɩɩ, ʋ maga dɩ la mʋ sɩpaaŋ nɛ a wuo waa dɛrɛ Kirisito wɩaa lɛ. Má sɩ́ leŋe dɩ la bɩra suomo bʋbʋl wɩalɩŋ la sɩ jaŋ ŋaa a bɩrɩma lɩɩ la wʋbɔmɔ-la lɛ la fa sɩɩ ŋaa. La bɩra bɩ chɛ dɩ la suomo bʋl ŋɩɩ la sɩ jaŋ to a laa Wɩa wɩaa dii.

1 Jɔɔŋ 1:3

Wɩalɩŋ la sɩ na aŋ nɩɩ ma, ba nɛ la bʋlaa pɩma, dɩ ma wuo jʋʋ la tʋɔŋ dɩ la kala kɛŋ nii-bala. La dɩ la Nyɩmma Wɩa arɩ ʋ Bie Yesu Kirisito kɛŋ nii-bala nɛ.

3 Jɔɔŋ 1:9

Mɩ laa sɩpaaŋ ŋmʋnsɛ teniŋ a pɩ ma nɩalɩŋ sɩ laa Yesu wɩaa dii aa hilimi. Ama baal kʋbala ba sɩɩ yɩrɛ Dayɔtɩfɩs hɛ ma tʋɔŋ a fa cho dɩ ʋ ŋaa ma kʋhɩaŋ. Ʋ joŋ harɩŋ yɩa wɩɩ-la mɩ sɩ bʋla nɛ.