2 Jɔɔŋ 1:12 - WƖA TENIŊ

¹² Mɩ kɛŋ wɩaa yʋgɛ nɛ mɩ sɩɩ chɛ dɩ mɩ bʋla pɩma. Ama mɩ bɩ chɛ dɩ mɩ ŋmʋnsɛ ba kala teniŋ tʋɔŋ. Mɩɩ chɛ dɩ mɩ tɩtɩa kʋ yi ma nɛ a bʋla pɩma, dɩ la kala tʋɔŋ faasa tɔrɛ.

2 Jɔɔŋ 1:12 ပူးပေါင်းရင်းမြစ်များ

NAMBABA 12:8

Mɩ dɩ ʋ-na yie chɩna chaasɛ dɔŋɔ nɛ aŋ bʋbʋl wɩaa, mɩ yie ta wɩaa yɛrɛ nɛ a pʋ. Mɩ bɩ namagaba ka magɛ ʋ teeŋ. Ʋ yie na ŋɩɩ mɩ sɩ naga nɛ. Bɛɛ nɛ saa tɩɩ ma bɩ fawʋllʋŋ fá, aŋ lɩɩ mɩ tɩntɩnna Mosis harɩŋ a gʋrɩmɛ wɩaa ʋ teeŋ?”

Jɔɔŋ 15:11

Mɩ bʋl wɩaa deemba pɩma dɩ ma kɛŋ tʋɔtɔrʋ-la mɩ sɩ joŋo pɩma nɛ. Ŋɩɩ nɛ ma tʋɔŋ jaŋ faasa tɔrɛ woruŋ a mʋ dɛrɛ.

Jɔɔŋ 16:12

Wɩaa yʋga nɛ mɩ ha kɛŋ dɩ mɩ bʋla pɩma, ama ma bɩ ba wuo nyalɩmɛ.

Jɔɔŋ 16:24

Lɛɛlɛ ŋ-la, ma ha bɩ kʋŋkala pɩɛsa chɩchɛ mɩ yɩrɩŋ lɛ. Ŋɩɩ wɩaa má saa pɩɛsʋ, ʋ jaŋ joŋo pɩma, dɩ ma tʋɔŋ faasa tɔrɛ a mʋ dɛrɛ.

Jɔɔŋ 17:13

Lɛɛlɛ saa mɩɩ kɔ ŋ teeŋ nɛ. Mɩ ha sɩ hɛ dʋnɩa lɛ ŋɩɩ, ŋɩɩ nɛ mɩ bʋl wɩaa deemba pɩba dɩ ba tʋɔŋ faasa tɔrɛ, arɩ mɩ tʋɔŋ sɩ tɔrɔ ŋɩɩ.

Jɔɔŋ 3:29

Ha-falɩŋ tɩɩna nɛ tɩɩ haala, ama dɩ ha-falɩŋ tɩɩna nandɔŋɔ nɛ chɩŋ nɩmɛ a jijegili wɩalɩŋ ba sɩɩ bʋl, ʋ tʋɔŋ yie tɔrɛ nɛ dɩ ʋ nɛ nɩɩ ha-falɩŋ tɩɩna-la yikoro. Ŋɩɩ tɩtɩa nɛ mɩ tʋɔŋ ma tɔrɛ woruŋ Yesu nyuŋ.

Rom Tɩŋŋaa 15:24

Mɩɩ chɛ dɩ mɩ kʋ nama bʋa-la lɛ dɩ mɩ nɩɩ mʋ Sipeeŋ tinteeŋ. Dɩ mɩ nɛ hɔŋ ma teeŋ a dieni mʋa, mɩɩ chɛ dɩ ma pɛ mɩ lɛ dɩ mɩ vɛŋ mɩ wombiiŋ.

2 Timoti 1:4

Mɩ liise yi arɩ bʋa-la lɛ mɩ sɩ sii ŋ teeŋ, ŋ faa yel nɛ. Ŋɩɩ nɛ tɩɩ mɩ cho dɩ mɩ kʋ naŋ arɩ sɩɩfɩɛsɩŋ, dɩ mɩ tʋɔŋ tɔrɛ.

Fɩlɩmɔŋ 1:22

Pɛ chɛ dɩa a bil mɩ lɛ, bɛɛ wɩaa mɩɩ yɩɛlɛ arɩ ma sɩ chʋɔlɛ Wɩa pɩpɩmɛ ŋɩɩ, Wɩa jaŋ laa ma kala sʋla a leŋ dɩ mɩ mɩɩra kɔ ma teeŋ.

Hiburu TƖŊŊAA 13:19

Mɩɩ sʋlma arɩ sɩɩfɩɛsɩŋ dɩ ma sʋl Wɩa pɩmɛ, dɩ Wɩa pɩmɛ wombiiŋ dɩ mɩ kɔ ma teeŋ lɩma.

Hiburu TƖŊŊAA 13:23

Mɩɩ chɛ dɩ ma jɩŋ arɩ la naambie Timoti ba fa sɩ kaa tɔ dɩa, ba lɩɩsʋ nɛ. Dɩ ʋ nɛ kɔ mɩ teeŋ lɩma, mɩ dɩ ʋ kala jaŋ kɔ ma teeŋ.

1 Jɔɔŋ 1:4

Laa chɛ dɩ la tʋɔŋ faasa tɔrɛ nɛ woruŋ, ŋɩɩ nɛ tɩɩ la ŋmʋnsɛ wɩɩŋ deeŋ pɩpɩma.

3 Jɔɔŋ 1:10

Dɩ mɩ nɛ kɔ, mɩ jaŋ bʋl wɩalɩŋ kala ʋ sɩɩ ŋaa a tɩgɛ la lɛ a pɩma. Ʋ yie gɩgaa la harɩŋ a chichei la yɩrɩŋ. Ŋɩɩ ma dʋndʋŋa dee, la naambiiri-la sɩ ŋaa nʋhʋɔraa, dɩ ba nɛ kɔ, ʋ bɩ ba woruŋ ka kɛŋ, aŋ bɩra pɔ nɩalɩŋ ma sɩɩ chɛ dɩ ba kɛmba woruŋ, dɩ ba sɩ́ ŋɩɩ ŋaa. Dɩ ba nɛ vɩa aŋ ŋaa ŋɩɩ, ʋ yie kiriba ta nɛ nɩalɩŋ sɩ laa Yesu wɩaa dii aa hilimi tʋɔŋ.