2 Kɔrɩntɩ Nɩaa 9:8 - WƖA TENIŊ

⁸ Wɩa kɛŋ doluŋ, ʋ jaŋ wuo pɩma kʋŋkala ma sɩɩ chɛ. Ʋ jaŋ paala faasa pɩma kʋŋkala ma sɩɩ chɛ dɩ ma kaa wasɛ ma tɩtɩa aŋ ka, a kɛŋ kʋkaanaa ma pɛ ma dɔnsʋŋ tɩŋŋaa lɛ.

2 Kɔrɩntɩ Nɩaa 9:8 ပူးပေါင်းရင်းမြစ်များ

2 IZIRAL TƖŊŊAA NAABARƖŊ 25:9

Ŋɩɩ nɛ Amazɩa pɩɛsɛ Wɩa wʋlaabʋllʋ-la, “Aŋ ka warɩpʋla-la mɩ sɩ joŋo tiŋ Iziral laalɩyuoro-la?” Wɩa wʋlaabʋllʋ-la bʋl, “La TƖƖNA jaŋ wuo pɩŋ a kɩɩ ŋɩɩ.”

WƖA YƖƖLAA 84:11

La Tɩɩna Wɩa nagɛ wɩɩpɔsʋŋ nɛ la teeŋ a chu tɔla. La Tɩɩna kɛŋ chonuŋ arɩ zile, ʋ bɩ kʋzɔŋ kala joŋo faa nɩalɩŋ sɩɩ ŋaa wɩaa ba bʋa lɛ.

NAMAGABA 10:22

Dɩ La Tɩɩna nɛ pɛ nʋʋ lɛ dɩ ʋ dʋa, ʋ bɩ hɛɛŋ joŋo daŋ dʋa-la lɛ.

NAMAGABA 11:24

Nɩa dɔŋɔ yie joŋ kɩaa pɩpa pɛɩ pɛɩ, aŋ ka ʋ nɩsɩŋ ha jʋjʋʋ woruŋ, dɔŋɔ ma hɛ nɩmɛ ʋ kʋŋ bɩ lɩɩ, aŋ ha nyaabɛ.

NAMAGABA 28:27

Nɩɩ-la sɩ ŋaa kɩaa pɩpɩ summoo bɩ jaŋ chɛ kʋŋ ka, ama nɩɩ-la sɩ kɛŋ ʋ sɩaa tɔ summoo nyuŋ, ba jaŋ ŋmɩɛsa hɛ ʋ lɛ.

NAMAGABA 3:9

Kɛŋ ŋ dʋa a zil La Tɩɩna, joŋ ŋ baga kɩaa kʋbumbumba a pʋ.

HAGAƖ 2:8

Hɔpʋla ŋaa mɩ kʋŋ nɛ, sɛlɩmɛ ma ŋaa mɩ kʋŋ. Mɩ-na ma TƖƖNA doluŋ kala Tɩɩna nɛ bʋla.

MALAKAƖ 3:10

Má kɛŋ kpaalɩŋ fii tʋɔŋ kʋbala-la sɩ ŋaa mɩ kʋa kaa kɔ mɩ dɩa, dɩ kʋdiilee pʋrɩgɛ nɩmɛ. Má magɩsɛmɛ wɩɩŋ deeŋ lɛ a na. Dɩ ma nɛ ŋaa ŋɩɩ, mɩ jaŋ kɛŋ Wɩa-jaŋ suri a pɛ ma lɛ arɩ kʋzɔŋŋɔɔ ma sɩ bɩ jaŋ wuo na dɩ-biliŋ a bilba. Mɩ-na ma TƖƖNA doluŋ kala Tɩɩna nɛ bʋla.

Tɩntɩŋŋaa 9:36

Haal kʋbala nɛ fa hɛ Jɔpa lɛ. Ʋ faa to Yesu nɛ. Ʋ yɩrɩŋ nɛ Tabɩta. (Giriik tɩŋŋaa ka yɩrʋ Dɔkas nɛ. Ʋ bʋbʋɔŋ nɛ ‘bagɩl’.) Ʋ kɛŋ zile kɩŋkɛŋ a pɩpɛ summoo lɛ.

1 Kɔrɩntɩ Nɩaa 15:58

Ŋɩɩ wɩaa mɩ naambiiriŋ, má chɩŋ wɩalɩŋ ma sɩ laa dii lɛ kpaŋ kpaŋ. Má sɩ́ leŋe dɩ kʋŋkala kɛmma begili. Má fɩɛsɛ sɩɩŋ a tɩŋ La Tɩɩna tɩntɩŋŋaa woruŋ. Ma jɩma arɩ Wɩa tɩntɩmɩɩ-la ma sɩɩ tɩŋ bɩ jaŋ kɔ dɩ ʋ ŋaa pɛɩ.

2 Kɔrɩntɩ Nɩaa 13:3

Maa chɛ dɩ ma jɩŋ arɩ Kirisito hɛ mɩ lɛ nɛ a bʋbʋl wɩaa. Kirisito bɩ puwuol ŋaa, ʋ kɛŋ doluŋ nɛ ma lɛ, a wuoma ma wɩɩkala lɛ.

2 Kɔrɩntɩ Nɩaa 8:19

Ŋɩɩ ma dʋndʋŋa dee. Nɩalɩŋ sɩ laa Yesu wɩaa dii a hihilimi tasɩ-la kala lɛ nɛ lɩɩsʋ dɩ ʋ pɛ la lɛ dɩ la lɩlaa kɩalɩŋ a pɩpɛ Wɩa nɩaa lɛ. Ŋɩɩ daga arɩ la kɛŋ la tɩtɩa nɛ dɩ la pɛ ba lɛ, dɩ Wɩa yɩrɩŋ yɩrɛ.

2 Kɔrɩntɩ Nɩaa 8:2

Ba faasa na hɛɛŋ nɛ, hɛɛ-la magɩsɛba nɛ woruŋ. Nɩaa deemba fa ŋaa summoo nɛ, ama a tɩŋ tʋɔtɔrʋ-la kɩŋkɛŋ ba sɩ kɛnɛ wɩaa, kɩalɩŋ mʋa ba sɩ kɛnɛ, ba joŋo dii zil-kʋkʋrʋkʋ nɩaa lɛ.

2 Kɔrɩntɩ Nɩaa 8:7

Ma kuoro nɛ wɩɩkala lɛ. Ma laa Wɩa dii nɛ, ma wuo Wɩa wɩaa bʋbʋl nɛ, a kɛŋ wʋjɩmɩŋ, a kɛŋ ma tɩtɩa dɩ ma pɛ nɩaa lɛ, aŋ faasa cho la ma. Laa chɛ dɩ ma faasa kɛŋ zile nɛ a pɩpɛ Wɩa nɩalɩŋ lɛ.

2 Kɔrɩntɩ Nɩaa 9:11

Wɩa jaŋ leŋ dɩ ma nɩsɩŋ jʋjʋʋ wɩɩ na-kala ma sɩɩ ŋaa lɛ, dɩ ŋɩɩ leŋ dɩ ma faasa kɛŋ zile a pɩpɛ nɩaa lɛ woruŋ. Dɩ ba nɛ laa kɩalɩŋ ma sɩ joŋo pɩba, ba jaŋ lɔllɛ Wɩa.

Ɛfɛsɩs Nɩaa 2:10

Wɩa nɛ ŋaala. Ʋ ŋaala dɩ la dɩ Kirisito Yesu ŋaa kʋbala nɛ a ŋɩŋaa wʋzɔŋŋɔɔ. Ʋ ŋaa wʋzɔŋŋɔɔ deemba bil la lɛ faa faa kala nɛ dɩ la ŋɩŋaaba.

Ɛfɛsɩs Nɩaa 3:20

Ʋ dol-la ʋ sɩ kaa tɩtɩŋ la lɛ, mɩɩ sʋlʋ dɩ ʋ leŋ dɩ dol-la faasa tɩtɩŋ la tʋɔŋ lɛ. Ʋ nɛ jaŋ wuo ŋaa wɩaa yʋga kɩɩ wɩalɩŋ kala la sɩ sʋlʋ chɩchɛ arɩ wɩalɩŋ kala la sɩɩ bɩɩnʋ.

Fɩlɩpa Nɩaa 4:11

Ʋ bɩ naga arɩ mɩ chɛ kʋŋ ka nɛ tɩɩ mɩɩ bʋl wɩɩŋ deeŋ, bɛɛ wɩaa mɩ mala nɛ mɩ mɩɩsɩŋ lɛ, dɩ mɩ kɛŋ kʋŋ koo dɩ mɩ bɩ kʋŋ kɛnɛ, mɩ tʋɔŋ yie tɔrɔ nɛ.

Koloosi Nɩaa 1:10

Ʋ jaŋ leŋ dɩ ma wʋŋaalaa kala chɩŋ Wɩa wombiiŋ lɛ, dɩ ʋ tʋɔŋ tɔrɛ ma nyuŋ a leŋ dɩ ma tɩŋ tɩntɩŋ-zɔŋŋɔɔ, tɩntɩŋ-dosunuŋ kala lɛ, dɩ ʋ kɛŋ doho, dɩ ma kʋ jɩŋ Wɩa woruŋ a waa pɛ.

2 Tɛsalonaaka Nɩaa 2:17

Laa sʋlʋ dɩ ʋ leŋ dɩ ma nyuŋ nyaasɛ, a pɩma doluŋ dɩ ma ŋɩŋaa wʋzɔŋŋɔɔ aa bʋl wʋzɔmɔ-la ma.

2 Timoti 2:21

Ŋɩɩ wɩaa dɩ nʋʋ nɛ lɩɩsɛ ʋ tɩtɩa wʋbɔŋŋɔɔ lɛ, ʋ jaŋ nagɛ gbansɩ-la ba sɩ kaa didii kɩaa chɛ-zɔŋŋɔɔ. Nɩɩ-la sɩ nagɛ ŋɩɩ ŋaa tʋɔpʋl tɩɩna nɛ ʋ kʋhɩaŋ teeŋ. Nɩɩ-la jaŋ wuo pɛ ʋ kʋhɩaŋ lɛ woruŋ. Ʋ kʋhɩaŋ jaŋ leŋ dɩ ʋ tɩtɩŋ tɩntɩŋ zɔŋ na-kala.

2 Timoti 3:17

Ŋ-la nɛ jaŋ pɛ Wɩa tɩntɩnna lɛ, dɩ ʋ wɩaa kala chesi dɩ ʋ wuo tɩŋ tɩntɩŋ zɔŋ na-kala.

Taatɩs 2:14

La wɩaa nɛ tɩɩ ʋ sʋʋ, dɩ ʋ laala ta la wʋbɔŋŋɔɔ lɛ a pɩɩsɛ la disiniŋ ta, dɩ la ŋaa ʋ nɩaa. Ʋʋ chɛ dɩ la ŋaa nɩa sɩ joŋ la nyuŋ hɛ wʋzɔŋŋɔɔ ŋaanɩŋ lɛ.

Taatɩs 3:14

La nɩaa ma maga ba gʋnnɛ wʋzɔŋŋɔɔ ŋaanɩŋ nɛ, a wuo pɩpɛ nɩalɩŋ sɩ maga dɩ ba pɛ lɛ, aŋ sɩ́ mɛlɛ-la sɩ bɩ chie kɛnɛ kɛŋ.

Taatɩs 3:8

Wɩɩŋ deeŋ ŋaa wʋtɩtɩɩ nɛ. Mɩɩ chɛ dɩ ŋ paala chaasa bʋl wɩaa deemba, dɩ nɩalɩŋ sɩ laa Wɩa wɩaa dii, dɩ ba ŋaa siri a ŋɩŋaa wʋzɔŋŋɔɔ bʋa na-kala lɛ. Wɩaa deemba ŋaa wʋzɔmɔ nɛ. Ba jaŋ wuo pɛ nɩaa lɛ.

1 Pɩɩta 4:10

Wɩa joŋ doluŋ pɩ nɩaa dɩ ba kaa tɩŋ tɩntɩŋ-dosunuŋ nɛ. Ŋɩɩ wɩaa nʋʋkala kɛŋ wɩɩ-la Wɩa sɩ joŋo pʋ a kaa pɩpɛ ʋ dɔnsʋŋ tɩŋŋaa lɛ.