2 Kɔrɩntɩ Nɩaa 9:7 - WƖA TENIŊ

⁷ Nʋʋkala magɛ dɩ ʋ tɩa magɛ ŋɩɩ ʋ tʋɔbɩɩnaa sɩ daga nɛ. Ʋ bɩ maga dɩ ʋ ŋaa saka saka. Ʋ bɩ maga dɩ ʋ bɩɩnɛ arɩ baa fʋgʋ nɛ dɩ ʋ pɩ kɩalɩŋ. Nʋʋkala maga dɩ ʋ tɩa kɩaa ʋ tʋɔtɔrʋŋ lɛ nɛ, bɛɛ wɩaa Wɩa cho nɩɩ-la sɩɩ pa arɩ tʋɔtɔrʋŋ nɛ.

2 Kɔrɩntɩ Nɩaa 9:7 ပူးပေါင်းရင်းမြစ်များ

1 IZIRAL TƖŊŊAA NAABARƖŊ 29:17

Mɩ Wɩa, mɩ jɩma ŋ yie magɩsɛ nʋʋkala tʋɔŋ nɛ. Ŋ tʋɔŋ tɔrɛ nɩalɩŋ kala sɩ kɛŋ wʋtɩtɩɩ nyuŋ nɛ. Tʋɔpʋla arɩ wʋtɩtɩɩ nɛ mɩ kaa joŋ kɩaa deemba kala pɩŋ. Ŋ nɩaa ma kala sɩ hilimi daha tʋɔŋ tɔrɔ nɛ ba sɩ kɛŋ kɩaa kʋ pɩŋ.

1 IZIRAL TƖŊŊAA NAABARƖŊ 29:9

Nɩalɩŋ fa sɩ joŋ kɩaa pa arɩ tʋɔ-bala, ba tʋɔŋ fa tɔrɛ nɛ a tɩŋ kɩaa magɛ ŋɩɩ ba sɩ kaa kʋ pɩ La TƖƖNA, kuoro Devit ma tʋɔŋ faasa tɔrɛ woruŋ.

MOSIS KƐŊ IZIRAL TƖŊŊAA LƖƖ 25:2

“Bʋla pɩ Iziral tɩŋŋaa dɩ ba kɛŋ kɩaa kʋ ŋaa Wɩɩsʋlʋŋ pɩmɛ, laa kʋ-la kala nʋʋkala sɩ cho dɩ ʋ joŋo pɩmɛ.

MOSIS KƐŊ IZIRAL TƖŊŊAA LƖƖ 35:5

Ma dʋa tʋɔŋ, má lɩɩsɛ dɔnsʋŋ a kaa kʋ ŋaa Wɩɩsʋlʋŋ pɩ mɩ-na ma TƖƖNA. Nɩɩ-la kala sɩ cho dɩ ʋ ŋaa Wɩɩsʋlɩɩ-la, ʋ jaŋ wuo kɛŋ sɛlɩmɛ, hɔpʋla, kɔlɩɩŋ,

NAMAGABA 11:25

Dɩ ŋ nɛ ŋaa nʋʋ sɩ bɩ ŋ dʋndʋŋa ka dii, wɩaa jaŋ vɛŋ woruŋ a pɩŋ. Dɩ ŋ nɛ ŋaa lɩɩŋ pɩ nɩaa dɩ ba nyʋa, nɩaa ma jaŋ ŋaa lɩɩŋ pɩŋ dɩ ŋ ma nyʋa.

NAMAGABA 22:9

Wɩa jaŋ pɛ nɩɩ-la sɩ kɛŋ zile lɛ, a tɩŋ ʋ sɩ ŋaa kɩaa pɩpɩ summoo.

AZAAYA 32:5

Nɩaa bɩra bɩ jaŋ joŋ nɩyaarɩŋ dɩ ʋ ŋaa nɩ-yuŋi koo a zil nɩalɩŋ sɩ bɩ wʋtɩtɩɩ lɛ ka to.

AZAAYA 32:8

Ama nɩalɩŋ sɩɩ zil ba tɩtɩa yie chɩŋ wʋtɩtɩɩ naaŋ lɛ nɛ kpaŋkpaŋ.

Tɩntɩŋŋaa 20:35

Mɩ ŋaa ŋɩɩ dɩ mɩ wuo dagɛma dɩ ma faasa tɩŋ tɩntɩŋŋaa nɛ, la maga dɩ la pɛ puwuoloo lɛ a liliisi arɩ La Tɩɩna Yesu fa sɩ bʋl ŋɩɩ. Ʋ sɩ, ‘Ŋ sɩ joŋ kʋa pɩ nɩa, ʋ nɛ kɛŋ tʋɔtɔrʋŋ a kɩɩ ŋ sɩ laa kʋa nɩa teeŋ.’ ”

Rom Tɩŋŋaa 12:8

Dɩ ŋ nɛ kɛŋ doluŋ dɩ ŋ wuo dɩdagɛ nɩaa a leŋ dɩ ba nyuŋ nyɩnyaasɛ, ŋ ma ŋɩŋaa ŋɩɩ. Dɩ nʋʋ nɛ kɛŋ zile a pɩpɛ nɩaa lɛ, ʋ ma ŋɩŋaa ŋɩɩ arɩ tʋɔ-bala. Dɩ ŋ nɛ ŋaa sɩpaalaarʋ, tɩtɩŋ arɩ sɩɩfɩɛsɩŋ. Dɩ ŋ nɛ kɛŋ doluŋ a fɩfá nɩaa nenige, ŋɩŋaa ŋɩɩ arɩ tʋɔtɔrʋŋ.

2 Kɔrɩntɩ Nɩaa 8:12

Dɩ ŋ nɛ kɛŋ ŋ tɩtɩa hɛ dɔŋɔ dɩ ŋ joŋ kʋŋ pɩ nʋʋ, tɩɩna jaŋ laa kʋ-la ŋ sɩ joŋo pʋ nɛ, ama ʋ bɩ jaŋ laa kʋ-la ŋ sɩ bɩ kɛnɛ.

MOSIS BƖRA WULLI WƖA WOMBIIŊ 15:14

Lɩɩsɛ kɩalɩŋ dɔnsʋŋ ma TƖƖNA Wɩa sɩ pɛ ŋ lɛ ŋ dʋa a pʋ, piesee, mɩaa arɩ tɩɩnɛnɛɛ sɩnɩŋ.

Fɩlɩmɔŋ 1:14

Ama mɩ bɩ chɛ dɩ mɩ fʋgʋŋ dɩ ŋ pɛ mɩ lɛ. Mɩɩ chɛ dɩ ŋ to ŋ tɩtɩa tʋɔtɔrʋŋ lɛ nɛ a pɛ mɩ lɛ. Ŋɩɩ wɩaa mɩ bɩ jaŋ ŋaa wɩɩkala see dɩ ŋ sɛyɛ.

Jeems 5:9

Mɩ naambiiriŋ, má sɩ́ wɩaa gʋrʋmʋ dɔŋɔ lɛ, dɩ Wɩa sɩ́ ma sarɩya dii a joŋ cheeriŋ pɩma. Na nɩɩ-la sɩ jaŋ dii la sarɩya nɛ chɩŋ boiŋ niiŋ a ŋaa siri dɩ ʋ jʋʋ ŋɩɩ.

1 Pɩɩta 4:9

Má hʋhʋɔrɛ dɔŋɔ woruŋ ma dɩɩsɩŋ lɛ, aŋ sɩ́ wɩaa gʋgʋrɩmʋ.