2 Kɔrɩntɩ Nɩaa 9:13 - WƖA TENIŊ

¹³ Kɩalɩŋ ma sɩ joŋo pɩba daga ŋɩɩ ma sɩ naga nɛ. Nɩaa jaŋ yʋgɛ a dɛnnɛ Wɩa, a tɩŋ ma sɩ nɩɩ Wɩa wʋzɔmɔ-la sɩ tɩgɛ Kirisito lɛ a laa dii a tutoba. Ŋɩɩ ma dʋndʋŋa dee, ba jaŋ dɛnnɛ Wɩa a tɩŋ kɩalɩŋ ma sɩ joŋo dii zile, ba dɩ nɩalɩŋ kala lɛ.

2 Kɔrɩntɩ Nɩaa 9:13 ပူးပေါင်းရင်းမြစ်များ

WƖA YƖƖLAA 50:23

Dɩ ŋ nɩɩ lɔllɛ mɩ-na Wɩa, Wɩɩsʋlɩɩ-la sɩɩ tɔrɛ mɩ tʋɔŋ nɛ ŋɩɩ. Nɩɩ-la wʋŋaalaa sɩ tʋʋla, mɩ-na ma Wɩa jaŋ leŋ dɩ ʋ jɩŋ arɩ mɩ kɛŋ doluŋ dɩ mɩ laaʋ ta.”

Matiu 5:16

Ŋɩɩ tɩtɩa nɛ ma maga dɩ ma chaanɛ nɩaa teeŋ, dɩ ba wuo na wʋzɔmɔ-la ma sɩɩ ŋaa a dɛnnɛ ma Nyɩmma sɩ hɛ Wɩa-jaŋ lɛ.

Matiu 9:8

Nɩ-daŋ-la sɩ na ŋɩɩ, fawʋllʋŋ kɛmba. Ba dɛnnɛ Wɩa arɩ ʋ sɩ wuo joŋ doluŋ ŋɩɩ a pɩ nuhuobiinee.

Luuk 6:46

Ŋɩɩ nɛ Yesu bɩra bʋl, “Bɛɛ nɛ tɩɩ ma kɛmmɛ yɩyɩrɛ ‘La Tɩɩna, La Tɩɩna,’ aŋ bɩ wɩalɩŋ mɩ sɩɩ bʋl ka ŋaa?

Jɔɔŋ 15:8

Dɩ ma nɛ ŋaa wʋzɔŋŋɔɔ yʋgɛ, mɩ Nyɩmma yɩrɩŋ jaŋ yɩrɛ. Ŋɩɩ lɛ nɛ ma jaŋ wuo dagɛ arɩ ma ŋaa mɩ harɩ-tooroo nɛ.

Tɩntɩŋŋaa 11:18

Ba sɩ nɩɩ wɩɩŋ deeŋ, ba bɩra bɩ wɩɩkala wuo bʋl aŋ dɛnnɛ Wɩa a bʋl, “Wɩa paala pɩ nɩalɩŋ ma sɩ bɩ Juu tɩŋŋaa ŋaa wombiiŋ nɛ dɩ ba wuo bɩrɩma lɩɩ ba wʋbɔŋŋɔɔ lɛ aŋ kɛŋ mɩɩsɩŋ.”

Tɩntɩŋŋaa 4:21

Ŋɩɩ nɛ ba bɩra fugisiba woruŋ aŋ jomba ta. Ba bɩ wombiiŋ na dɩ ba dɔgɩsɛba, bɛɛ wɩaa nɩalɩŋ kala ka dɛnnɛ Wɩa nɛ a tɩgɛ wɩɩ-la sɩ ŋaa lɛ.

Rom Tɩŋŋaa 10:16

Ama nɩalɩŋ sɩ kʋ nɩɩ wʋzɔmɔ-la ba kala dee bɩ laa dii. Azaaya fa bɩra bʋl wɩɩŋ deeŋ, ʋ sɩ, “La Tɩɩna, kʋbɛɛ nɛ hɛ nɩmɛ sɩ laa wɩalɩŋ la sɩ bʋla pɩba dii?”

Rom Tɩŋŋaa 12:8

Dɩ ŋ nɛ kɛŋ doluŋ dɩ ŋ wuo dɩdagɛ nɩaa a leŋ dɩ ba nyuŋ nyɩnyaasɛ, ŋ ma ŋɩŋaa ŋɩɩ. Dɩ nʋʋ nɛ kɛŋ zile a pɩpɛ nɩaa lɛ, ʋ ma ŋɩŋaa ŋɩɩ arɩ tʋɔ-bala. Dɩ ŋ nɛ ŋaa sɩpaalaarʋ, tɩtɩŋ arɩ sɩɩfɩɛsɩŋ. Dɩ ŋ nɛ kɛŋ doluŋ a fɩfá nɩaa nenige, ŋɩŋaa ŋɩɩ arɩ tʋɔtɔrʋŋ.

Rom Tɩŋŋaa 15:31

dɩ Wɩa lɩɩsɛmɛ nɩalɩŋ sɩ vɩa Wɩa wɩaa nɩsɩŋ lɛ a hɛ Judiya tinteeŋ lɛ. Má bɩra sʋl Wɩa dɩ ʋ nɩalɩŋ sɩ hɛ Jerusalɛm lɛ, dɩ ba tʋɔŋ tɔrɛ kɩalɩŋ mɩ sɩ jaŋ kaa mʋ pɩba nyuŋ.

Rom Tɩŋŋaa 16:26

ama lɛɛlɛ ʋ kaa kʋ lɩɩ pʋlʋmʋŋ tʋɔŋ nɛ. Wɩa leŋe ba bʋla pɩ dʋnɩa nɩaa kala nɛ dɩ ba laa wɩalɩŋ dii a tutoba. Wɩa wʋlaabʋllaa fa ŋmʋnsɛ wɩaa a tɩgɛ wɩaa deemba lɛ nɛ Wɩa teniŋ tʋɔŋ.

2 Kɔrɩntɩ Nɩaa 10:5

Ba nɛ la kaa yuo dii nɩalɩŋ sɩ kɛŋ nii-doluŋ a kɛŋ wɩaa kaa lɛrɛ, a dɩdagɛ ba tɩtɩa a pɔ dɩ nɩaa sɩ́ kʋ jɩŋ Wɩa. Ba nɛ la yie bɩra wuo kaa kɛŋ nɩaa tʋɔbɩɩnaa kala bɩrɩmɛ baa to Kirisito niiŋ wɩaa.

2 Kɔrɩntɩ Nɩaa 2:12

Mɩ sɩ kɔ Tʋrɔwas tinteeŋ dɩ mɩ bʋl Kirisito wʋzɔmɔ-la a pɩba, La Tɩɩna suri wombiiŋ pɩmɛ nɛ,

2 Kɔrɩntɩ Nɩaa 8:4

ba faasa sʋlla nɛ woruŋ dɩ la pɩba wombiiŋ dɩ ba ma wuo joŋ kɩaa pɩpɛ Wɩa nɩaa sɩ hɛ Judiya tinteeŋ lɛ.

2 Kɔrɩntɩ Nɩaa 9:14

Ba jaŋ sʋl Wɩa pɩpɩma aŋ chichel dɩ ba nama, bɛɛ wɩaa zil-bal-bal nɛ Wɩa ŋaa ma lɛ.

Galiisia Nɩaa 1:24

Ba dɛnnɛ Wɩa woruŋ a tɩŋ mɩ wɩaa.

1 Timoti 6:12

Yuo laal-la woruŋ a mʋ tɩgɛ wɩalɩŋ ŋ sɩ laa dii lɛ. Hɛ doluŋ a wuo laa mɩɩsɩ-la sɩ bɩ dɛrɛ, ʋ wɩaa nɛ Wɩa yɩrɩŋ bʋa-la lɛ ŋ sɩ suri ŋ niiŋ a bʋl nɩ-daŋ sɩpaaŋ arɩ ŋ laa Wɩa dii nɛ.

1 Timoti 6:13

Mɩɩ sʋlʋŋ Wɩa arɩ Kirisito Yesu sɩpaaŋ dɩ ŋ to wɩalɩŋ kala mɩ sɩ bʋla pɩŋ. Wɩa nɛ joŋ mɩɩsɩŋ a pɩ kʋŋkala. Kirisito Yesu ma nɛ ŋaa nɩɩ-la fa sɩ bʋl wʋtɩtɩɩ Pɔntɩɔs Paalɩt sɩpaaŋ, nɩɩ-la fa sɩ chɩŋ Rom kuoru-balɩŋ nyuŋ Judiya tinteeŋ lɛ, a wuo bʋl wʋtɩtɩɩ a pʋ.

Hiburu TƖŊŊAA 10:23

Ŋɩɩ wɩaa, wɩalɩŋ la sɩ laa dii, má leŋ dɩ laa yɩɛlɛ wɩalɩŋ, a chɩŋ ba lɛ kpaŋ kpaŋ, a sɩ́ begilu mʋa ma, bɛɛ wɩaa Wɩa kɛŋ wʋtɩtɩɩ nɛ. Kɩalɩŋ ʋ sɩ sɩ ʋ jaŋ joŋo pɩla, la laa dii arɩ la jaŋ naba.

Hiburu TƖŊŊAA 13:16

Bʋa na-kala má ŋaa kukeri a ŋɩŋaa wʋzɔŋŋɔɔ dɔŋɔ lɛ. Kɩalɩŋ ma sɩ kɛnɛ, má ŋaa pɩpɩ dɔŋɔ. Dɩ ma nɩɩ ŋaa ŋɩɩ, Wɩa tʋɔŋ jaŋ tɔrɛ ma nyuŋ.

Hiburu TƖŊŊAA 3:1

Ŋɩɩ wɩaa mɩ naambiiriŋ sɩ bɩ disiniŋ kɛnɛ Wɩa sɩpaaŋ, Wɩa nɛ yɩrɛla dɩ la kɔ ʋ teeŋ. Ʋ saa maga dɩ ma joŋ Yesu wɩaa hɛ ma nyuŋ lɛ. Ʋ nɛ ŋaa Wɩa nanzɔɔ a ŋaa Wɩɩsʋllɩ sɩpaalaaraa kʋhɩaŋ ma, wombii-la la sɩɩ to lɛ.

Hiburu TƖŊŊAA 4:14

Yesu nɛ ŋaa Wɩa Bie a bɩra ŋaa nɩalɩŋ sɩ tɩma pɩpɩ Wɩa nɩaa nyuŋ kʋhɩaŋ. Ʋ sɩ tɩŋ ʋ tɩntɩŋŋaa dɛrɛ, ʋ jɩl wɩa-nyuŋ a mʋ Wɩa teeŋ, ŋɩɩ wɩaa, má leŋ dɩ la kɛŋ wɩalɩŋ la sɩ laa dii woruŋ.

Hiburu TƖŊŊAA 5:9

Ʋ sɩ to Wɩa niiŋ kala dɛrɛ, ʋ kʋ ŋaa nɩalɩŋ kala ma sɩɩ to ʋ niiŋ sɩpaalaara, a laaba ta a kaa mʋ deeŋ deeŋ.

1 Pɩɩta 2:9

Ama Wɩa lɩɩsɛma nɛ dɩ ma ŋaa ʋ nɩaa, a laa nɩaa nyuŋ a tɩma pɩpɩ ma Kuoro. Ma ŋaa nɩa sɩ bɩ disiniŋ kɛnɛ nɛ. Wɩa tɩtɩa nɛ tɩɩma. Ʋ yɩrɛma dɩ ma wuo bʋl wʋkpuŋkperisi-la kala ʋ sɩ ŋaa a pɩ nɩaa arɩ ŋɩɩ ʋ sɩ lɩɩsɛma birimiŋ tʋɔŋ a kaa kʋ jʋʋ ʋ pʋlʋŋ-jalɩɩ-la tʋɔŋ.

1 Pɩɩta 4:11

Dɩ Wɩa nɛ pɩ nʋʋkala doluŋ dɩ ʋ wuo bʋbʋl Wɩa wɩaa, ʋ maga dɩ ʋ bʋl wɩalɩŋ Wɩa doluŋ lɛ nɛ. Dɩ nʋʋ nɛ tɩma pɩpɩ nɩaa, ʋ kɛŋ dol-la Wɩa sɩ joŋo pʋ a tɩma pɩpɩba. Má ŋaa ŋɩɩ dɩ nɩaa wuo to Yesu Kirisito lɛ a dɛnnɛ Wɩa, dɩ ʋ yɩrɩŋ yɩrɛ wɩɩ-na kala lɛ. Ʋ nɛ Nɩɩ-la sɩ kɛŋ doluŋ arɩ yɩrɩŋ a kaa mʋ wuu. Amɩɩ.

RUF 2:19

Ŋɩɩ nɛ Nawomi pɩɛsɛ Ruf, “Nɩɩ nɛ ŋ mʋ a kuuni kɩaa magɛ ŋ-la? Kʋbɛɛ baga lɛ nɛ ŋ mʋ kuuni? Wɩa jaŋ pɛ baal-la sɩ cho ŋ wɩaa a pɩŋ kɩaa magɛ ŋ-la.” Ŋɩɩ nɛ Ruf bʋla pɩ Nawomi arɩ nɩɩ-la baga lɛ ʋ sɩ mʋ kuuni kɩaa yɩrɩŋ nɛ Bʋas.