2 Kɔrɩntɩ Nɩaa 9:11 - WƖA TENIŊ

¹¹ Wɩa jaŋ leŋ dɩ ma nɩsɩŋ jʋjʋʋ wɩɩ na-kala ma sɩɩ ŋaa lɛ, dɩ ŋɩɩ leŋ dɩ ma faasa kɛŋ zile a pɩpɛ nɩaa lɛ woruŋ. Dɩ ba nɛ laa kɩalɩŋ ma sɩ joŋo pɩba, ba jaŋ lɔllɛ Wɩa.

2 Kɔrɩntɩ Nɩaa 9:11 ပူးပေါင်းရင်းမြစ်များ

2 IZIRAL TƖŊŊAA NAABARƖŊ 31:10

Azarɩa, Wɩɩsʋllɩ sɩpaalaaraa nɩhɩaŋ sɩ ŋaa Zadɔk doho nʋʋ bʋl, “Nɩalɩŋ sɩ suomo kɩɛsɛ kɩaa kaa kɔ La TƖƖNA dɩɩ-bal-la, la yie na kʋdiilee yʋgɛ nɛ a dii aŋ ka. La TƖƖNA pɛ ʋ nɩaa lɛ nɛ, na kɩaa ha sɩ magɛ ŋɩɩ a ka.”

Matiu 20:15

Mɩ bɩ wombiiŋ kɛnɛ dɩ mɩ kɛŋ mɩ moribiee tɩŋ mɩ tʋɔtɔrɛ wɩaa? Koo ma yaraa bieru a tɩŋ mɩ sɩ kɛŋ zile wɩaa nɛ?”

Matiu 25:17

Tɩntɩnnʋ-la ma sɩ laa warɩpʋla bʋɩ mahɩŋ banɛsɛ-la, ʋ ma kɛŋ ʋ kɩaa bɩbɩrɩmɛ, a ma na warɩpʋla bʋɩ mahɩŋ banɛsɛ nyʋʋrʋŋ.

Rom Tɩŋŋaa 12:8

Dɩ ŋ nɛ kɛŋ doluŋ dɩ ŋ wuo dɩdagɛ nɩaa a leŋ dɩ ba nyuŋ nyɩnyaasɛ, ŋ ma ŋɩŋaa ŋɩɩ. Dɩ nʋʋ nɛ kɛŋ zile a pɩpɛ nɩaa lɛ, ʋ ma ŋɩŋaa ŋɩɩ arɩ tʋɔ-bala. Dɩ ŋ nɛ ŋaa sɩpaalaarʋ, tɩtɩŋ arɩ sɩɩfɩɛsɩŋ. Dɩ ŋ nɛ kɛŋ doluŋ a fɩfá nɩaa nenige, ŋɩŋaa ŋɩɩ arɩ tʋɔtɔrʋŋ.

1 Kɔrɩntɩ Nɩaa 1:5

Wɩɩ-na kala lɛ, Wɩa to Yesu lɛ nɛ a pɛ ma lɛ woruŋ, ma kɛŋ wʋjɩmɩŋ, a jɩŋ wɩaa bʋlʋŋ ma.

2 Kɔrɩntɩ Nɩaa 1:11

Má ma pɛ sʋl Wɩa pɩla. Nɩaa yʋga nɛ a sʋl Wɩa a pɩpɩla dɩ ʋ pɛ la lɛ. Dɩ Wɩa nɛ laa ba Wɩɩsʋlʋŋ, ba kala jaŋ wuo dɛnnʋ.

2 Kɔrɩntɩ Nɩaa 4:15

Ma wɩaa nɛ tɩɩ wɩaa deemba kala ŋaa, dɩ nɩaa wuo yʋgɛ a jʋʋ Wɩa lahɔrɩmɔ-la lɛ. Ŋɩɩ jaŋ leŋ dɩ nɩaa yʋgɛ a dɛnnɛ Wɩa, dɩ ʋ yɩrɩŋ yɩrɛ.

2 Kɔrɩntɩ Nɩaa 8:16

Mɩɩ lɔllɛ Wɩa nɛ kɩŋkɛŋ, ʋ sɩ leŋe Taatɩs choma arɩ mɩ ma sɩ choma ŋɩɩ.

2 Kɔrɩntɩ Nɩaa 8:19

Ŋɩɩ ma dʋndʋŋa dee. Nɩalɩŋ sɩ laa Yesu wɩaa dii a hihilimi tasɩ-la kala lɛ nɛ lɩɩsʋ dɩ ʋ pɛ la lɛ dɩ la lɩlaa kɩalɩŋ a pɩpɛ Wɩa nɩaa lɛ. Ŋɩɩ daga arɩ la kɛŋ la tɩtɩa nɛ dɩ la pɛ ba lɛ, dɩ Wɩa yɩrɩŋ yɩrɛ.

2 Kɔrɩntɩ Nɩaa 9:12

Kɩalɩŋ ma sɩ joŋo pɩ Wɩa nɩalɩŋ, ʋ bɩ naga ba kʋchɛɛlɛɛ dʋndʋŋa nɛ ma pɩba ŋɩɩ. Ama ŋɩɩ jaŋ leŋ dɩ ba faasa lɔllɛ Wɩa kɩŋkɛŋ dɩ ʋ yɩrɩŋ yɩrɛ.