2 Kɔrɩntɩ Nɩaa 8:9 - WƖA TENIŊ

⁹ Ma jɩma, La Tɩɩna Yesu kɛŋ zile nɛ. Aŋ ka dɩ ʋ kʋ tuu dʋnɩa, ʋ fa kɛŋ kɩaa nɛ woruŋ Wɩa-jaŋ lɛ, ama a tɩŋ ma wɩaa ʋ kɛŋ ʋ tɩtɩa kaa ŋaa summu nɛ dʋnɩa lɛ. Ʋ ŋaa ŋɩɩ dɩ ma wuo to ʋ lɛ nɛ a kuori.

2 Kɔrɩntɩ Nɩaa 8:9 ပူးပေါင်းရင်းမြစ်များ

AZAAYA 53:2

La TƖƖNA sɩɩŋ lɛ nɛ ka ʋ tɩntɩnna wʋwaa, a nagɛ jɩnjaaŋ-bʋgʋŋ sɩ tɔsɔ lɩlɩɩ tintee-hɩlɩŋ lɛ. Ʋ bɩ tʋla kɛnɛ sɩ jaŋ leŋ dɩ nʋʋ bɩbagɩsʋ a kɔ ʋ teeŋ, kʋŋkala tuo ʋ lɛ sɩ jaŋ ŋaa dɩ la chou.

AZAAYA 62:1

A tɩŋ Jerusalɛm wɩaa mɩ bɩ jaŋ tɔrɛ mɩ niiŋ, a tɩŋ Zaayɔŋ wɩaa mɩ bɩ jaŋ ŋaa chɩm, see mɩ sɩ na dɩ ʋ tʋɔpʋla wɩaa chaana a nagɛ taŋ sɩ pʋla, dɩ ʋ laatanɩŋ wɩaa ma lɩɩ sɩɩŋ.

AZAAYA 65:8

Wɩɩ-la La TƖƖNA sɩ bʋla nɛ ŋ-la: “A nagɛ girep nɛnɛɛ ha sɩ kɛŋ lɩɩŋ nɩaa pɔ dɩ ba sɩ́ pʋra ta ŋɩɩ, a tɩŋ ba chie sɩ jaŋ kaa ŋaa sɩnɩŋ wɩaa, ŋɩɩ tɩtɩa nɛ mɩ jaŋ ŋaa mɩ nɩaa lɛ mɩ bɩ jaŋ chei ba kala.

Matiu 17:27

Ama la-na bɩ chɛ dɩ la ŋaa wɩɩ a chei nɩaa deemba tʋɔŋ, ŋɩɩ wɩaa kɛŋ gbɩaŋ tuu hɛ fuoŋ lɛ a kɛsɛ chenfilee. Gbɩaŋ-la sɩ jaŋ kɛŋ chenfil-bumbuŋ-la, kɛŋ ʋ niiŋ suri, ŋ jaŋ na moribiiŋ ʋ niiŋ lɛ. Lɩɩsɛ moribii-la a tiŋ mɩ dɩ ŋ nyʋŋ lampoo.”

Matiu 20:28

Mɩ-na Nuhuobiine Bie, mɩ bɩ kɔ dɩ mɩ chɛ nɩaa dɩ ba tɩma pɩmɛ, mɩ kɔ dɩ mɩ tɩma pɩba nɛ a sʋʋ a laa nɩ-daŋ mɩɩsɩŋ pɩba.”

Matiu 8:20

Ŋɩɩ nɛ Yesu bʋla pʋ, “Jolluŋ kɛŋ bʋɔsʋŋ nɛ a jʋjʋʋ, diibiisiŋ ma kɛŋ dɛllɩŋ a jʋjʋʋ, ama mɩ-na Nuhuobiine Bie bɩ dɩpɩnɩŋ kɛnɛ dɩ mɩ pɩna wiesi.”

Maak 6:3

Kapɩnta-la dee ŋɩɩ? Mɛɛrɩ nanʋala dee? Jeems arɩ Josɛf arɩ Judas arɩ Saamɔŋ naambie dee? Ʋ dɩhaalaa na dee bɩ la tʋɔŋ hɛ ŋ-laa?” Ŋɩɩ nɛ ba vɩaʋ.

Luuk 16:11

Dɩ ŋ nɛ bɩ dʋnɩa kɩaa wuo beŋ arɩ wʋtɩtɩɩ, nʋʋkala bɩ jaŋ joŋ kɩalɩŋ sɩ faasa kɛŋ nyʋʋrʋŋ a hɛ ŋ nɩsɩŋ lɛ dɩ ŋ bibeŋ.

Luuk 2:7

aŋ ka ba bɩ leriŋ na nʋhʋɔraa dɩa lɛ dɩ ba jʋʋ. Ŋɩɩ nɛ tɩɩ ba mʋ jʋʋ ja-dɩa. Nɩmɛ nɛ Mɛɛrɩ lʋl ʋ bii-bumbuŋ, hambolibie, a kɛŋ gɛrɩŋ bɛʋ a joŋu bil yaŋ nyuŋ.

Luuk 8:3

Dɔŋɔ ma yɩrɩŋ nɛ Jʋana. Ʋ bala ma yɩrɩŋ nɛ Kusa. Kusa fa ŋaa nɩhɩaŋ nɛ kuoro Hɛrɔd dɩa lɛ. Haal-la ba sɩɩ yɩrɛ Suzana ma hɛ nɩmɛ a pɛ haalaa dɔnsʋŋ ma lɛ ba fa yʋga. Ba pɛ ba lɛ arɩ kɩalɩŋ kala Yesu arɩ ʋ harɩ-tooroo sɩɩ chɛ.

Luuk 9:58

Ŋɩɩ nɛ Yesu bʋla pʋ, “Jolluŋ kɛŋ bʋɔsʋŋ nɛ a jʋjʋʋ, diibiisiŋ ma kɛŋ dɛllɩŋ nɛ a jʋjʋʋ, ama mɩ-na Nuhuobiine Bie bɩ dɩpɩnɩŋ kɛnɛ dɩ mɩ pɩna wiesi.”

Jɔɔŋ 1:10

Ʋ fa hɛ dʋnɩa-la lɛ Wɩa sɩ to ʋ lɛ ta nɛ, ama dʋnɩa nɩaa bɩ ʋ jɩŋ.

Jɔɔŋ 1:14

Ŋɩɩ nɛ wɩɩ-la bɩrɩmɛ nuhuobiine a kʋ hɛ la tʋɔŋ. Ʋ fa hɛ la teeŋ a fɩfá la nenige woruŋ, a kɛŋ wʋtɩtɩɩ. La na ʋ tʋla. Tʋla deeŋ ʋ Nyɩmma Wɩa nɛ joŋo pʋ, arɩ ʋ nɛ ŋaa ʋ Bie kala.

Jɔɔŋ 1:17

Wɩa to Mosis lɛ nɛ a bil wombie-la sɩ maga la tuto pɩla. Ama Yesu Kirisito lɛ nɛ Wɩa to a fá la nenige, a dagɛla wʋtɩtɩɩ.

Jɔɔŋ 12:30

Ŋɩɩ nɛ Yesu bʋla pɩba, “Ma wɩaa nɛ tɩɩ yikoro deeŋ bʋl ŋɩɩ, mɩ wɩaa dee.

Jɔɔŋ 16:15

Kʋŋkala mɩ Nyɩmma sɩ kɛnɛ ŋaa mɩ kʋŋ nɛ. Ŋɩɩ nɛ tɩɩ mɩ bʋla pɩma arɩ wɩalɩŋ kala mɩ sɩ kɛnɛ, Wɩa Dɩŋ-zɔŋ-la jaŋ kaa kʋ bʋla pɩma.”

Jɔɔŋ 17:19

Mɩ joŋ mɩ mɩɩsɩŋ nɛ a yɔɔ sʋʋŋ ba wɩaa. Mɩ ŋaa ŋɩɩ dɩ ba ma kɛŋ ba tɩtɩa hɛ dɔŋɔ dɩ ba joŋ ba mɩɩsɩŋ yɔɔ sʋʋŋ wʋtɩtɩɩ wɩaa nɛ.

Rom Tɩŋŋaa 11:12

Juu tɩŋŋaa wʋbɔŋŋɔɔ leŋe dʋnɩa nɩaa ŋmoo naasɩmɩŋ nɛ. Ba sɩ tele ŋɩɩ ŋaa nɩalɩŋ sɩ bɩ Juu tɩŋŋaa ŋaa ŋmoo naasɩmɩŋ nɛ. Dɩ ʋ nɛ nagɛ ŋ-la saa, bʋa-la lɛ Juu tɩŋŋaa sɩ jaŋ kʋ laa Wɩa wɩaa dii, dʋnɩa nʋʋkala jaŋ paala nɩɩ sɩma kɩŋkɛŋ kɩŋkɛŋ.

Rom Tɩŋŋaa 15:3

Kirisito ma bɩ ʋ tɩtɩa tʋɔtɔrɛ wɩaa ŋaa. Ba fa ŋmʋnsɛ Wɩa teniŋ tʋɔŋ a bʋl ŋ-la nɛ a tɩgɛ ʋ lɛ: “Jomo-la kala nɩalɩŋ sɩ tʋʋsɛ ŋ-na Wɩa, ba nɛ ba joŋoo tʋʋsɛ mɩ ma.”

Rom Tɩŋŋaa 5:8

Ama ŋɩɩ Wɩa sɩ daga arɩ ʋ chola nɛ ŋ-la: Bʋa-la lɛ la ha sɩ ŋaa wʋbɔŋ ŋaaraa nɛ Kirisito sʋʋ la wɩaa.

Rom Tɩŋŋaa 8:32

Wɩa paala bɩ ʋ tɩtɩa Bie kaa laa nɩaa teeŋ. Ʋ joŋu hɛ nɩaa nɩsɩŋ lɛ nɛ dɩ ba kpʋʋ a tɩŋ la wɩaa. Ʋ sɩ wuo ŋaa ŋ-la, ma bɩ jɩŋ arɩ ʋ jaŋ wuo chaasa joŋ kʋŋkala ma pɛ pɩla koo?

1 Kɔrɩntɩ Nɩaa 1:4

Mɩ yie lɔllɛ Wɩa woruŋ a tɩŋ ma wɩaa, bɛɛ wɩaa ʋ to Kirisito Yesu lɛ nɛ a leŋ ma jʋʋ ʋ lahɔrɩmɔ.

1 Kɔrɩntɩ Nɩaa 15:47

Nuhuobiiŋ bumbuŋ-la, dʋnɩa tɩarɩŋ nɛ Wɩa lɔgɛ mɛʋ. Nɩɩ-la sɩ to harɩŋ kɔ-na lɩɩ Wɩa-jaŋ nɛ.

2 Kɔrɩntɩ Nɩaa 13:14

Laa sʋl La Tɩɩna Yesu Kirisito dɩ ʋ leŋ dɩ ma jʋʋ ʋ lahɔrɩmɔ, dɩ la Nyɩmma Wɩa ma choma, ka dɩ Wɩa Dɩŋ-zɔmʋŋ ma leŋ dɩ ma ŋaa kʋbala. Amɩɩ.

2 Kɔrɩntɩ Nɩaa 6:10

La tʋɔŋ yie chei nɛ, aŋ ka la jʋjʋɔsɛ. La ŋaa summoo nɛ, ama la yie pɛ nɩaa lɛ dɩ ba kuori Wɩa teeŋ. La bɩ kʋŋkala kɛnɛ, ama la nɛ tɩɩ kʋŋkala.

Ɛfɛsɩs Nɩaa 2:7

Wɩa ŋaa ŋɩɩ, dɩ ʋ wuo dagɛla ʋ lahɔrɩmɔ sɩ bɩ magɩa kɛnɛ nɛ, arɩ ŋɩɩ ʋ sɩɩ fá nɩaa nenige a kaa mʋ maachie kala. Ʋ to Kirisito lɛ a dagɛ ʋ zile sɩ yʋga ŋɩɩ la lɛ.

Ɛfɛsɩs Nɩaa 3:19

Ama nʋʋkala bɩ jaŋ wuo jɩŋ Kirisito chono-la sɩ magɛ ŋɩɩ. Ʋ nɛ kɩɩ wɩalɩŋ kala la sɩ wuo jɩŋ. Mɩɩ sʋl Wɩa dɩ ʋ leŋ dɩ ma nagɛ ŋɩɩ Wɩa sɩ naga.

Ɛfɛsɩs Nɩaa 3:8

Wɩa nɩaa kala tʋɔŋ, mɩ nɛ ŋaa ba kʋbie, aŋ ka ʋ lɩɩsɛmɛ ʋ lahɔrɩmɔ lɛ dɩ mɩ bʋl ʋ wʋzɔmɔ-la wɩaa a pɩ nɩalɩŋ sɩ bɩ Juu tɩŋŋaa ŋaa, dɩ ba jɩŋ Kirisito dʋa-la sɩ bɩ dɩdɛrɩ kɛnɛ wɩaa,

Koloosi Nɩaa 1:24

Lɛɛlɛ mɩ tʋɔŋ tɔrɔ hɛɛ-la mɩ sɩ na a pɩma lɛ. Hɛɛ-la mɩ sɩ na ma wɩaa nɛ leŋe Kirisito sɩ na hɛɛ-la nɩalɩŋ sɩ laa ʋ wɩaa dii aa hilimi dɛrɛ. Nɩalɩŋ nɛ ŋaa ʋ yaraa.

1 Timoti 6:18

Bʋla pɩ nɩalɩŋ sɩ kɛŋ kɩaa dɩ ba ŋɩŋaa wʋzɔŋŋɔɔ, dɩ ba leŋ dɩ ba wʋzɔŋŋɔɔ yʋgɛ. Bʋla pɩba dɩ ba kɛŋ zile a ŋaa kɩaa pɩpɩ nɩaa.

Hiburu TƖŊŊAA 1:2

Ama lɛɛlɛ dʋnɩa dɩdɛrɩŋ deeŋ lɛ, ʋ to ʋ Bie lɛ nɛ a bʋl wɩaa pɩla. Wɩa to ʋ Bie lɛ nɛ a ŋaa dʋnɩa, a joŋ kʋŋkala hɛ ʋ nɩsɩŋ lɛ.

Jeems 2:5

Mɩ naambii-kpɩanaba, má jegile nɩɩ mɩ teeŋ. Nɩalɩŋ sɩ ŋaa summoo dʋnɩa deeŋ lɛ, Wɩa tʋɔsɛba nɛ dɩ ba laa ʋ wɩaa dii woruŋ a jʋʋ ʋ kuorii-la, lee-la ʋ sɩ sɩ ʋ jaŋ joŋo pɩ nɩalɩŋ sɩ chou.

Jɔɔŋ Wʋnaalaa 2:9

Mɩ jɩŋ wɩalɩŋ sɩɩ walɩmɛma nɛ, a jɩŋ ŋɩɩ ma sɩ summo, ama Wɩa teeŋ, ma ŋaa kuoroo nɛ. Nɩaa dɔnsʋŋ hɛ nɩmɛ aa chei ma yɩrɩŋ. Nɩaa deemba joŋ ba tɩtɩa arɩ ba ŋaa Juu tɩmma nɛ aŋ bɩ Juu tɩmma ŋaa. Baa to Sɩtaanɩ harɩŋ nɛ.

Jɔɔŋ Wʋnaalaa 21:7

Nɩɩ-la kala sɩ wuo yuo dii Sɩtaanɩ jaŋ na kɩaa deemba kala. Mɩ jaŋ ŋaa ʋ Wɩa, ʋ ma jaŋ ŋaa mɩ bii.

Jɔɔŋ Wʋnaalaa 3:18

Ŋɩɩ wɩaa mɩ bʋlaa pɩma dɩ ma yɔɔ sɛlɩmɛ-la ba sɩ chɛsɛ mɩ teeŋ, a ma wuo kɛŋ kɩaa, a yɔɔ gɛrɩ-pʋllʋŋ ma a laala tɔ ma yarɩ-biree, dɩ hɩɩsɩŋ sí ma kɛŋ. Má yɔɔ nʋʋŋ ma a hɛ ma sɩaa a wuo nɩna.