2 Kɔrɩntɩ Nɩaa 8:7 - WƖA TENIŊ

⁷ Ma kuoro nɛ wɩɩkala lɛ. Ma laa Wɩa dii nɛ, ma wuo Wɩa wɩaa bʋbʋl nɛ, a kɛŋ wʋjɩmɩŋ, a kɛŋ ma tɩtɩa dɩ ma pɛ nɩaa lɛ, aŋ faasa cho la ma. Laa chɛ dɩ ma faasa kɛŋ zile nɛ a pɩpɛ Wɩa nɩalɩŋ lɛ.

2 Kɔrɩntɩ Nɩaa 8:7 ပူးပေါင်းရင်းမြစ်များ

Matiu 25:22

Ŋɩɩ nɛ tɩntɩnnʋ-la ma sɩ laa warɩpʋla bʋɩ mahɩŋ banɛsɛ kɛŋ ʋ kɩaa kaa kʋ jʋʋ a bʋla pɩ ʋ kʋhɩaŋ, ‘Ŋ pɩmɛ warɩpʋla bʋɩ mahɩŋ banɛsɛ nɛ. Mɩ ma na warɩpʋla bʋɩ mahɩŋ banɛsɛ nɛ a pɛ.’

Rom Tɩŋŋaa 15:14

Mɩ naambiiriŋ, mɩ chaasa laa dii arɩ maa ŋaa wʋzɔŋŋɔɔ nɛ woruŋ, a jɩŋ wɩaa ma woruŋ, a wuo dɩdagɛ dɔŋɔ.

1 Kɔrɩntɩ Nɩaa 1:5

Wɩɩ-na kala lɛ, Wɩa to Yesu lɛ nɛ a pɛ ma lɛ woruŋ, ma kɛŋ wʋjɩmɩŋ, a jɩŋ wɩaa bʋlʋŋ ma.

1 Kɔrɩntɩ Nɩaa 12:13

La nɩalɩŋ sɩ laa Yesu wɩaa dii, la nagɛ ŋ-la nɛ. La yʋga nɛ, ama la ŋaa kʋbala nɛ. Wɩa Dɩŋ-zɔŋ-la doluŋ lɛ nɛ ba fola Wɩɩchʋɔlɛ lɩɩŋ, nɩalɩŋ sɩ ŋaa Juu tɩŋŋaa arɩ nɩalɩŋ sɩ bɩ Juu tɩŋŋaa ŋaa, nɩalɩŋ sɩ ŋaa yosi arɩ nɩalɩŋ sɩ tɩɩ ba tɩtɩa. Wɩa leŋe la laa ʋ Dɩŋ-zɔmʋŋ a hɛ la tʋɔŋ nɛ.

1 Kɔrɩntɩ Nɩaa 12:8

Wɩa Dɩŋ-zɔmʋŋ yie joŋ wʋjɩmɩŋ a pɩ nʋʋ ʋ wuo bʋl Wɩa wɩaa pɩpɩ nɩaa. Ʋ yie joŋ wɩɩ pɩ nʋʋ dɔŋ ʋ wuo jɩŋ Wɩa wɩaa bʋbʋɔŋ a wuo dɩdagɛba woruŋ.

1 Kɔrɩntɩ Nɩaa 13:2

Dɩ Wɩa Dɩŋ-zɔmʋŋ nɛ pɩmɛ doluŋ dɩ mɩ wuo bʋbʋl Wɩa wɩaa, a wuo jɩŋ wʋfaalɩɩ kala bʋbʋɔŋ, a kɛŋ wʋjɩmɩŋ kala, aŋ pɛ laa Wɩa dii a jaŋ wuo ŋaa dɩ peelee churo mʋmʋ leree dɔnsʋŋ, aŋ bɩ nɩaa cho, ʋ ŋaa wʋpɛɩ nɛ.

1 Kɔrɩntɩ Nɩaa 13:8

Chonuŋ-na bɩ dɛrɛ. Dol-la Wɩa Dɩŋ-zɔmʋŋ sɩ joŋo pɩla la wuo bʋbʋl Wɩa wɩaa, a wuo bʋbʋl yikori dosunuŋ kala a pɛ wʋjɩmɩŋ ma lɛ, ba kala jaŋ lɛl.

1 Kɔrɩntɩ Nɩaa 14:12

Ŋɩɩ wɩaa, ma sɩ cho dɩ ma kɛŋ kɩalɩŋ kala Wɩa Dɩŋ-zɔmʋŋ sɩ joŋo dii zile ma lɛ ŋɩɩ, má hɛ doluŋ aŋ chɛ kɩalɩŋ sɩ jaŋ leŋ dɩ ma kɛŋ doluŋ a pɛ nɩalɩŋ sɩ laa Yesu wɩaa dii aa hilimi lɛ, dɩ ba chɩŋ wɩalɩŋ ba sɩ laa dii lɛ kpaŋ kpaŋ.

1 Kɔrɩntɩ Nɩaa 4:7

Kʋbɛɛ nɛ ŋaa ma yʋga kɩɩ ma dɔnsʋŋ? Wɩa dee bɩ kɩalɩŋ ma sɩ kɛnɛ joŋo pɩmaa? Dɩ Wɩa nɛ saa joŋo pɩma, bɛɛ nɛ tɩɩ ma bibigisi ma tɩtɩa lɛ arɩ ʋ dee bɩ joŋo pɩma?

2 Kɔrɩntɩ Nɩaa 7:7

Ʋ sɩ kɔ ŋɩɩ dʋndʋŋa dee bɩ leŋe la tʋɔŋ tɔrɛ. Ʋ bʋla pɩla arɩ ma kɛnʋ woruŋ nɛ ʋ ma tʋɔŋ tɔrɛ. Ʋ bɩra bʋla pɩla arɩ ma cho dɩ ma namɛ nɛ, a bɩra bʋla pɩla arɩ wɩɩ-la mɩ sɩ bʋla pɩma ŋaa ma tʋɔŋ faasa chei nɛ, a bɩra bʋla pɩla arɩ ma cho mɩ wɩaa nɛ. Wɩaa deemba leŋe mɩ tʋɔtɔrʋŋ wasa yʋgɛ nɛ.

2 Kɔrɩntɩ Nɩaa 8:6

Taatɩs nɛ suomo laa kɩaa deemba ma teeŋ. Ŋɩɩ wɩaa laa sʋlʋ, ʋ sɩ suomo ŋɩɩ, dɩ ʋ pɛ ma lɛ dɩ ma dagɛ chonuŋ deeŋ a mʋ dɛrɛ.

2 Kɔrɩntɩ Nɩaa 9:14

Ba jaŋ sʋl Wɩa pɩpɩma aŋ chichel dɩ ba nama, bɛɛ wɩaa zil-bal-bal nɛ Wɩa ŋaa ma lɛ.

2 Kɔrɩntɩ Nɩaa 9:8

Wɩa kɛŋ doluŋ, ʋ jaŋ wuo pɩma kʋŋkala ma sɩɩ chɛ. Ʋ jaŋ paala faasa pɩma kʋŋkala ma sɩɩ chɛ dɩ ma kaa wasɛ ma tɩtɩa aŋ ka, a kɛŋ kʋkaanaa ma pɛ ma dɔnsʋŋ tɩŋŋaa lɛ.

Ɛfɛsɩs Nɩaa 4:29

Má sɩ́ leŋe dɩ wʋbɔŋ kala lɩɩ ma niiŋ lɛ. Má bʋl wʋzɔmɔ-la sɩɩ jʋʋ nɩaa dɩgɩlaa bʋa-la lɛ sɩ maga, a leŋ dɩ wɩalɩŋ ma sɩɩ bʋl pɛ nɩalɩŋ sɩɩ jegili ba lɛ.

Fɩlɩpa Nɩaa 1:11

Ŋɩɩ jaŋ leŋ dɩ ma to Yesu Kirisito lɛ a wasa ŋaa tʋɔpʋl wɩaa dɩ nɩaa na a dɛnnɛ Wɩa dɩ ʋ yɩrɩŋ yɩrɛ.

Fɩlɩpa Nɩaa 1:9

Mɩɩ sʋl Wɩa dɩ ʋ leŋ dɩ ma cho dɔŋɔ, dɩ chono-la wasa yʋgɛ kɩŋkɛŋ, a bɩraa sʋlʋ dɩ ʋ pɩma wʋjɩmɩŋ dɩ ma wuo jɩŋ wɩɩ na-kala ma sɩɩ ŋaa bʋbʋɔŋ.

2 Tɛsalonaaka Nɩaa 1:3

La naambiiri, ʋ maga dɩ la lɔllɛ Wɩa nɛ bʋa na-kala a pɩma. Ŋɩɩ maga dɩ la ŋaa nɛ, bɛɛ wɩaa ŋɩɩ ma sɩ laa Wɩa dii pʋŋaa pɛ nɛ, chono-la ma ma sɩ kɛnɛ arɩ dɔŋɔ pʋŋaa pɛ.

2 Timoti 2:1

Ŋ-na mɩ bii Timoti, kɛŋ bɔɩ-duoŋ La Tɩɩna Yesu Kirisito lahɔrɩmɔ lɛ.

Hiburu TƖŊŊAA 12:28

Wɩa joŋ ʋ kuorii-la sɩ bɩ wuo jigisi nɛ a pɩpɩla. Ŋɩɩ wɩaa, má leŋ dɩ la fáʋ a lɔllʋ, aŋ pɛ chʋchʋɔlʋ arɩ sɩɩfɩɛsɩŋ,

1 Pɩɩta 1:22

A tɩŋ ma sɩɩ to wʋtɩtɩɩ wombiiŋ lɛ ŋɩɩ, ma pɩɩsɛ ma disiniŋ kala ta nɛ. Ma sɛnɛ cho ma naambiiri-la sɩ laa Wɩa wɩaa dii nɛ. Ŋɩɩ wɩaa, má kɛŋ ma tʋɔŋ arɩ ma doluŋ kala a wasa cho dɔŋɔ.

2 Pɩɩta 3:18

Má leŋ dɩ ma wʋjɩmɩŋ pʋŋa pɛ La Tɩɩna Yesu Kirisito wɩaa, Nɩɩ-la sɩ ŋaa la Laataara. Dɩ ma nɛ ŋaa ŋɩɩ, ʋ jaŋ pɛ ma lɛ. Ʋ yɩrɩŋ nɛ nɩaa jaŋ yɩrɛ lɛɛlɛ a kaa mʋ wuu. Amɩɩ.

Jɔɔŋ Wʋnaalaa 3:17

Ma yie bigisi ma tɩtɩa lɛ arɩ ma kɛŋ kɩaa nɛ, ma bɩra bɩ kʋŋkala ka chɛ. Ama ma bɩ jɩŋ arɩ ma wɩɩŋ kɛŋ hɛɛŋ nɛ, ma ŋaa nisusu tɩmma, a ŋaa summo, a ŋaa nyʋlɩma aŋ kɛŋ yarɩ-biree.