2 Kɔrɩntɩ Nɩaa 8:3 - WƖA TENIŊ

³ Wʋtɩtɩɩ nɛ mɩ bʋlaa pɩma arɩ nɩaa deemba pɩla kɩaa a magɛ ba doluŋ maŋŋaa nɛ, ba paala pa kɩɩ ba doluŋ nɛ. Ba tɩtɩa tʋɔtɔrʋŋ lɛ,

2 Kɔrɩntɩ Nɩaa 8:3 ပူးပေါင်းရင်းမြစ်များ

1 IZIRAL TƖŊŊAA NAABARƖŊ 29:9

Nɩalɩŋ fa sɩ joŋ kɩaa pa arɩ tʋɔ-bala, ba tʋɔŋ fa tɔrɛ nɛ a tɩŋ kɩaa magɛ ŋɩɩ ba sɩ kaa kʋ pɩ La TƖƖNA, kuoro Devit ma tʋɔŋ faasa tɔrɛ woruŋ.

WƖA YƖƖLAA 110:3

Tapʋlɩɩ-la ŋ sɩ jaŋ yuo ŋ dʋndɔŋŋɔɔ, ŋ nɩaa jaŋ kɛŋ ba tɩtɩa kʋ lɩɩ ŋ harɩŋ a kpɩɛrɛ ba tɩtɩa. Ŋ bapʋɔsɛ biisi-la jaŋ kɔ ŋ teeŋ peel-la ŋ sɩ lɩɩsa pɩ ŋ tɩtɩa nyuŋ.

MOSIS KƐŊ IZIRAL TƖŊŊAA LƖƖ 35:29

Iziral tɩŋŋaa baalaa arɩ haala-la kala tʋɔbɩɩnaa sɩ suo kɛŋ tʋɔtɔrɛ Wɩɩsʋlʋŋ kɩaa kʋ pɩ La TƖƖNA, dɩ Mosis laa a kaa tɩŋ tɩntɩmɩɩ-la La TƖƖNA sɩ dagʋ.

MOSIS KƐŊ IZIRAL TƖŊŊAA LƖƖ 35:5

Ma dʋa tʋɔŋ, má lɩɩsɛ dɔnsʋŋ a kaa kʋ ŋaa Wɩɩsʋlʋŋ pɩ mɩ-na ma TƖƖNA. Nɩɩ-la kala sɩ cho dɩ ʋ ŋaa Wɩɩsʋlɩɩ-la, ʋ jaŋ wuo kɛŋ sɛlɩmɛ, hɔpʋla, kɔlɩɩŋ,

Maak 14:8

Haal-la ŋaa wɩɩ-la ʋ sɩ jaŋ wuo ŋaa nɛ. Ʋ bɩsɛ tʋlaalɩɩ-la hɛ mɩ yaraa lɛ a kɛmmɛ hɛ dɔŋɔ nɛ dɩ ba hugi.

Tɩntɩŋŋaa 11:29

Ŋɩɩ nɛ Yesu harɩ-tooro-la vʋʋrɛ a sɛɩ dɩ ba jaŋ kɩɛsɛ moribiee a joŋo tɩŋ, dɩ ba kaa mʋ pɛ ba naambiiri-la sɩ hɛ Judiya lɛ, dɩ nʋʋkala tɩa magɛ ŋɩɩ kala ʋ sɩ jaŋ wuo.

Rom Tɩŋŋaa 10:2

Mɩ jɩma arɩ ba joŋ ba nyuŋ kala hɛ Wɩa lɛ nɛ, ama ba bɩ Wɩa wombii-tɩtɩɩ-la jɩŋ.

1 Kɔrɩntɩ Nɩaa 16:2

Lahadi chɛɛ na-kala, moribie-la ma kʋŋkala sɩ tɩma a na yɔbɔ-la tʋɔŋ, nʋʋkala lɩɩsɛ magɛ ŋɩɩ ʋ sɩɩ chɛ dɩ ʋ joŋo bil, a bil. Dɩ mɩ nɛ kɔ, ma bɩra bɩ jaŋ kɩkɩɛsɛ moribiee.

1 Kɔrɩntɩ Nɩaa 9:17

Dɩ mɩ nɛ faa bʋl Wɩa wʋzɔmɔ-la mɩ tɩtɩa tʋɔtɔrʋŋ lɛ, ŋɩɩ nɛ mɩ fa jaŋ chɩchɛ dɩ mɩ laa time. Ama mɩ tɩtɩa tʋɔtɔrʋŋ lɛ dee mɩ tɩtɩŋ, Wɩa nɛ sɩ mɩ tɩŋ.

Galiisia Nɩaa 4:15

Ma sɩ sɛɩ Wɩa wʋzɔmɔ-la, ma tʋɔŋ tɔrɔ nɛ woruŋ. Nɩɩ nɛ ma tʋɔtɔrʋ-la mʋ? Mɩ tɩtɩa jaŋ wuo bʋl wɩɩŋ deeŋ. Dɩ ma nɛ fa wuolo, ma fa jaŋ paala wuo chaarɛ ma sɩaa ma a pɩmɛ.

Fɩlɩpa Nɩaa 2:13

Má ŋaa ŋɩɩ, bɛɛ wɩaa, Wɩa hɛ ma teeŋ nɛ bʋa na-kala lɛ a kɛmma tɩtɩŋ, dɩ ma cho dɩ ma ŋaa wɩɩ-la ʋ sɩɩ chɛ.

Koloosi Nɩaa 4:13

Mɩ jaŋ wuo bʋla pɩma ŋɩɩ ʋ sɩ faasa hɛ ʋ doluŋ kala a tɩma pɩma, arɩ nɩalɩŋ kala sɩ hɛ Laadisiya arɩ Hiirapolis lɛ.

1 Tɛsalonaaka Nɩaa 2:8

La choma nɛ, ŋɩɩ nɛ tɩɩ la bɩ Wɩa wʋzɔmɔ-la dʋndʋŋa nɛ bʋla pɩma, ama la joŋ la tɩtɩa kala a pɩma nɛ. La ŋaa ŋɩɩ, bɛɛ wɩaa la chaasa choma nɛ.

Fɩlɩmɔŋ 1:14

Ama mɩ bɩ chɛ dɩ mɩ fʋgʋŋ dɩ ŋ pɛ mɩ lɛ. Mɩɩ chɛ dɩ ŋ to ŋ tɩtɩa tʋɔtɔrʋŋ lɛ nɛ a pɛ mɩ lɛ. Ŋɩɩ wɩaa mɩ bɩ jaŋ ŋaa wɩɩkala see dɩ ŋ sɛyɛ.

1 Pɩɩta 4:11

Dɩ Wɩa nɛ pɩ nʋʋkala doluŋ dɩ ʋ wuo bʋbʋl Wɩa wɩaa, ʋ maga dɩ ʋ bʋl wɩalɩŋ Wɩa doluŋ lɛ nɛ. Dɩ nʋʋ nɛ tɩma pɩpɩ nɩaa, ʋ kɛŋ dol-la Wɩa sɩ joŋo pʋ a tɩma pɩpɩba. Má ŋaa ŋɩɩ dɩ nɩaa wuo to Yesu Kirisito lɛ a dɛnnɛ Wɩa, dɩ ʋ yɩrɩŋ yɩrɛ wɩɩ-na kala lɛ. Ʋ nɛ Nɩɩ-la sɩ kɛŋ doluŋ arɩ yɩrɩŋ a kaa mʋ wuu. Amɩɩ.

1 Pɩɩta 5:2

dɩ ma beŋ Wɩa nɩalɩŋ ʋ sɩ joŋo hɛ ma nɩsɩŋ lɛ, arɩ pie-daaraa sɩɩ beŋ ba piesee nyuŋ ŋɩɩ. Má sɩ́ leŋe dɩ ʋ nagɛ arɩ baa fʋgɛma nɛ dɩ ma bemba, ama má bemba ma tɩtɩa tʋɔtɔrʋŋ lɛ arɩ Wɩa sɩɩ chɛ ŋɩɩ. Má cho tɩntɩmɩɩ-la, aŋ sɩ́ naga arɩ moribiee nɛ maa chɛ.