2 Kɔrɩntɩ Nɩaa 8:23 - WƖA TENIŊ

²³ Taatɩs-na ŋaa mɩ tɩntɩnnɩ dɔŋ nɛ, la pɛ dɔŋɔ lɛ a tɩma pɩpɩma. Ka la naambiiri-la-na chɩŋ nɩalɩŋ sɩ laa Yesu wɩaa dii a hihilimi tasɩ-la kala lɛ naasɩŋ lɛ nɛ. Baa tɩŋ Kirisito tɩntɩŋŋaa nɛ dɩ ʋ yɩrɩŋ yɩrɛ.

2 Kɔrɩntɩ Nɩaa 8:23 ပူးပေါင်းရင်းမြစ်များ

Luuk 5:10

Saamɔŋ nandɔnsʋŋ Jeems arɩ Jɔɔŋ ma fa hɛ nɩmɛ. Ba fa ŋaa Zebidi biiriŋ nɛ. Wɩalɩŋ ba sɩ na ma ŋaaba wʋkpuŋkpere. Ŋɩɩ nɛ Yesu bʋla pɩ Saamɔŋ, “Sɩ́ fawʋllʋŋ fá. A suomi jɩnɩŋ, ŋ jaŋ chɛ kɩkɛsɛ nɩaa arɩ ŋ sɩɩ kɛsɛ chenfilee ŋɩɩ.”

Luuk 5:7

Dɩ ba nandɔnsʋŋ hɛ lɩɩŋ daboro dɔŋɔ tʋɔŋ. Ŋɩɩ nɛ ba yɩrɛba dɩ ba kʋ pɛ ba lɛ. Ba kɔ a chaarɛ chenfile-la a su lɩɩŋ daborusu-la balɩamɩŋ kala. Ba paala chɩchɛ dɩ ba tuu lɩɩŋ bʋbʋɔŋ.

Jɔɔŋ 13:16

Wʋtɩtɩɩ nɛ mɩ bʋlaa pɩma, tɩntɩnnʋ kala bɩ ʋ kʋhɩaŋ kɩɩ, nɩɩ-la ma ba sɩ tɩma, ʋ ma bɩ nɩɩ-la sɩ tɩmʋ kɩɩ.

1 Kɔrɩntɩ Nɩaa 11:7

Baala-na bɩ maga dɩ ʋ joŋ kʋŋ a chu tɔ ʋ nyuŋ, bɛɛ wɩaa ŋɩɩ Wɩa sɩ naga, ŋɩɩ tɩtɩa nɛ ʋ ŋaa baala. Baala tʋla lɩɩ Wɩa teeŋ nɛ, ka haala ma tʋla lɩɩ baala teeŋ,

2 Kɔrɩntɩ Nɩaa 12:18

Mɩ nɛ tɩŋ Taatɩs arɩ la naambie dɔŋɔ ba kɔ ma teeŋ. Taatɩs sɩ kɔ ma teeŋ, ʋ nyɩsa laa ma kʋŋ nɛɛ? Wɩɩkala la sɩɩ ŋaa lɛ, mɩ dɩ Taatɩs ŋaa kʋbala nɛ. La kala ka to wɛŋ-bala nɛ.

2 Kɔrɩntɩ Nɩaa 7:6

Ŋɩɩ nɛ la naambie kʋbala baa yɩrɛ Taatɩs kɔ la teeŋ. Ʋ sɩ kɔ ŋɩɩ, la tʋɔŋ tɔrɛ nɛ woruŋ. Wɩa nɛ pɩla tʋɔtɔrʋŋ deeŋ. Ʋ nɛ yie ŋaa nɩalɩŋ tʋɔŋ sɩ cheye na tʋɔtɔrʋŋ.

2 Kɔrɩntɩ Nɩaa 8:16

Mɩɩ lɔllɛ Wɩa nɛ kɩŋkɛŋ, ʋ sɩ leŋe Taatɩs choma arɩ mɩ ma sɩ choma ŋɩɩ.

2 Kɔrɩntɩ Nɩaa 8:18

La naambii dɔŋ ma nɛ to Taatɩs harɩŋ kʋkɔ. Nɩalɩŋ kala sɩ laa Yesu wɩaa dii aa hilimi ka zilu nɛ woruŋ a tɩŋ ʋ sɩɩ bʋl Wɩa wʋzɔmɔ-la wɩaa.

2 Kɔrɩntɩ Nɩaa 8:19

Ŋɩɩ ma dʋndʋŋa dee. Nɩalɩŋ sɩ laa Yesu wɩaa dii a hihilimi tasɩ-la kala lɛ nɛ lɩɩsʋ dɩ ʋ pɛ la lɛ dɩ la lɩlaa kɩalɩŋ a pɩpɛ Wɩa nɩaa lɛ. Ŋɩɩ daga arɩ la kɛŋ la tɩtɩa nɛ dɩ la pɛ ba lɛ, dɩ Wɩa yɩrɩŋ yɩrɛ.

2 Kɔrɩntɩ Nɩaa 8:22

La naambii dɔŋ ma nɛ to ba harɩŋ kʋkɔ. Wɩɩkala lɛ la magɩsʋ nɛ a na arɩ ʋ kɛŋ wʋtɩtɩɩ. Lɛɛlɛ ʋ paala chaasa fɩɛsɛ sɩɩŋ nɛ woruŋ dɩ ʋ pɛ ma lɛ, bɛɛ wɩaa ʋ laama dii nɛ.

2 Kɔrɩntɩ Nɩaa 8:6

Taatɩs nɛ suomo laa kɩaa deemba ma teeŋ. Ŋɩɩ wɩaa laa sʋlʋ, ʋ sɩ suomo ŋɩɩ, dɩ ʋ pɛ ma lɛ dɩ ma dagɛ chonuŋ deeŋ a mʋ dɛrɛ.

Fɩlɩpa Nɩaa 2:25

Mɩ bee na arɩ ʋ maga dɩ mɩ tɩŋ la naambie Epafurodaatus dɩ ʋ kɔ ma teeŋ nɛ. Ʋ ŋaa mɩ tɩntɩnnɩ dɔŋ nɛ aŋ pɛ ŋaa mɩ laalɩyuori dɔŋ ma. Ʋ ŋaa ma tɩndaarʋ nɛ, ma tɩmʋ ʋ kʋ pɛ mɩ lɛ arɩ kɩalɩŋ mɩ sɩɩ chɛ.

Fɩlɩpa Nɩaa 4:3

Ŋ-na mɩ tɩntɩnnɩ dɔŋ, mɩɩ chɛ dɩ ŋ pɛ haalaa deemba lɛ nɛ dɩ ba sɩŋ. Ba dɩ Kɩlɛmɛnt nɛ pɛ mɩ lɛ la bʋl Yesu wʋzɔmɔ-la a pɩ nɩaa, a saa pɛ mɩ tɩntɩnnɩ dɔnsʋ-la kala lɛ. Ba kala yɩraa nɛ hɛ mɩɩsɩŋ teŋ-la lɛ.

Koloosi Nɩaa 1:7

Ma gʋnnɛ wɩaa deemba Ɛpafɩras teeŋ nɛ, la nɩ-choolii-la sɩ ŋaa la tɩntɩnnɩ dɔŋɔ Wɩa tɩntɩŋŋaa lɛ. Ʋ ŋaa Kirisito tɩntɩnnɩ-tɩtɩɩ nɛ la nyuŋ.

1 Tɛsalonaaka Nɩaa 2:2

Aŋ ka dɩ la-na kɔ ma teeŋ Tɛsalonaaka lɛ, la fa laa sɩpaaŋ na hɛɛŋ nɛ. Ba dɔgɩsɛla woruŋ Fɩlɩpa taŋ-la lɛ. La sɩɩ chɛ la bʋl Wɩa wʋzɔmɔ-la a pɩ ma ma, nɩaa yʋga a lɩɩ la harɩŋ. Ama Wɩa-la la sɩ tɩma pɩpa pɩla nyuduoŋ la wuo bʋl ʋ wʋzɔmɔ-la a pɩma ma.

2 Timoti 4:10

bɛɛ wɩaa Dɩmas vɩamɛ nɛ. Ʋ cho dʋnɩa kɩaa nɛ. Ŋɩɩ nɛ tɩɩ ʋ vɩamɛ ta aŋ mʋ Tɛsalonaaka. Kɩrɛsɩsɛŋ ma mʋ Galiisia, Taatɩs ma mʋ Dalɩmatɩa.

Taatɩs 1:4

Mɩ-na Pɔɔl nɛ ŋmʋnsɛ teniŋ deeŋ a pɩpɩ ŋ-na Taatɩs sɩ ŋaa mɩ bii-tɩtɩɩ Yesu wɩaa lɛ. La Nyɩmma Wɩa arɩ la Laataara Yesu Kirisito lahɔrɩmɔ lɛ, ŋ jaŋ hɔŋ arɩ yarɩfɩɛlaa.

Fɩlɩmɔŋ 1:17

Dɩ ŋ nɛ bene dɩ mɩ ŋaa ŋ tɩntɩnnɩ-dɔŋ, dɩ ʋ nɛ kɔ, kɛnʋ woruŋ arɩ ŋɩɩ ŋ fa sɩ jaŋ kɛmmɛ.

Fɩlɩmɔŋ 1:24

Maak arɩ Arɩsɩtakʋs arɩ Dɩmas arɩ Luuk, ba ma ŋaa mɩ tɩntɩnnɩ-dɔsʋŋ nɛ, ba ma ka chʋɔlʋŋ.

3 Jɔɔŋ 1:8

Ʋ maga dɩ la nɩalɩŋ sɩ laa Wɩa wɩaa dii nɛ pɛ nɩaa deemba lɛ. Dɩ la nɛ ŋaa ŋɩɩ, ʋ naga la ma pɛ ba lɛ nɛ ŋɩɩ wʋtɩtɩɩ wombii-la tɩntɩŋŋaa lɛ.