2 Kɔrɩntɩ Nɩaa 8:21 - WƖA TENIŊ

²¹ Bɛɛ wɩaa wɩɩ-na kala la sɩɩ ŋaa lɛ, laa chɛ dɩ ʋ ŋaa wʋzɔŋ nɛ Wɩa arɩ nuhuobiinee kala teeŋ.

2 Kɔrɩntɩ Nɩaa 8:21 ပူးပေါင်းရင်းမြစ်များ

1 KUOROO 18:34

Ʋ bɩra bʋl, “Má bɩra ŋaa hɛ lɩa.” Ŋɩɩ nɛ ba ŋaa hɛ. Ʋ bɩra bʋl, “Má bɩra ŋaa hɛ tori.” Ba bɩra ŋaa hɛ tori.

NAMAGABA 3:4

Dɩ ŋ nɛ ŋaa ŋɩɩ, Wɩa arɩ nuhuobiine kala jaŋ choŋ.

Matiu 23:5

Ba yie ŋaa wɩɩkala dɩ nɩaa naba nɛ. Ba yie ŋmʋnsɛ Wɩa niiŋ wɩaa a hɛ teŋ-jalaa lɛ a kaa vʋvɔɔ ba gɛnnɩŋ nɩsaa lɛ arɩ ba nyunchuuluŋ lɛ aŋ leŋ ba gɛnnɩŋ jʋɔsaa ma duomi duomi.

Matiu 5:16

Ŋɩɩ tɩtɩa nɛ ma maga dɩ ma chaanɛ nɩaa teeŋ, dɩ ba wuo na wʋzɔmɔ-la ma sɩɩ ŋaa a dɛnnɛ ma Nyɩmma sɩ hɛ Wɩa-jaŋ lɛ.

Matiu 6:1

Yesu bɩra dagɛ ʋ harɩ-tooroo a bʋl, “Dɩ ŋ nɩɩ chɛ dɩ ŋ ŋaa wʋzɔŋ a pɩ ŋ dɔŋɔ tɩɩna, sɩ́ wʋzɔŋ-la joŋo ŋaa ʋ lɛ nɩaa tʋɔŋ. Dɩ ŋ nɛ ŋaa ŋɩɩ, ŋ bɩ time kɛnɛ ŋ Nyɩmma sɩ hɛ Wɩa-jaŋ lɛ teeŋ.

Matiu 6:4

Leŋ dɩ ʋ ŋaa wʋfaalɩɩ. Dɩ ŋ nɛ ŋaa ŋɩɩ, ŋ Nyɩmma Wɩa jaŋ timiŋ. Ʋ nɩɩ na wɩɩ-la ŋ sɩ ŋaa.”

Rom Tɩŋŋaa 12:17

Dɩ nʋʋ nɛ ŋaa wʋbɔŋ ma lɛ, ma-na sɩ́ wʋbɔmʋŋ joŋo timu. Ama má-na ŋaa wɩɩ-la nʋʋkala sɩ jɩma dɩ ʋ zɔmɔ.

Rom Tɩŋŋaa 14:18

Nʋʋkala sɩ to wombiiŋ deeŋ lɛ a tɩma pɩ Kirisito, Wɩa tʋɔŋ jaŋ tɔrɛ ʋ nyuŋ, dɩ nɩaa ma zizilu.

2 Kɔrɩntɩ Nɩaa 2:17

Nɩaa yʋga nɛ a gɔllɔ bʋbʋl Wɩa niiŋ wɩaa a lɩlaa moribiee, ama la-na bɩ ŋɩɩ ŋaa. La-na ŋaa nɩtɩtɩɩba nɛ. Wɩa nɛ lɩɩsɛla dɩ la tɩŋ tɩntɩmɩŋ deeŋ. Kirisito doluŋ lɛ nɛ laa bʋl Wɩa wɩaa.

2 Kɔrɩntɩ Nɩaa 8:20

Ŋɩɩ wɩaa laa chɛ dɩ la kɛŋ kʋ-daŋ-la ma sɩ kɩɛsa pɩla a tɩŋ woruŋ nɛ, la bɩ chɛ dɩ nʋʋkala wuo na wʋbɔŋ a bʋla tɩgɛ kɩalɩŋ la sɩɩ chɛ dɩ la kaa kpaa Wɩa nɩaa lɛ.

2 Kɔrɩntɩ Nɩaa 8:22

La naambii dɔŋ ma nɛ to ba harɩŋ kʋkɔ. Wɩɩkala lɛ la magɩsʋ nɛ a na arɩ ʋ kɛŋ wʋtɩtɩɩ. Lɛɛlɛ ʋ paala chaasa fɩɛsɛ sɩɩŋ nɛ woruŋ dɩ ʋ pɛ ma lɛ, bɛɛ wɩaa ʋ laama dii nɛ.

Fɩlɩpa Nɩaa 4:8

Mɩ naambiiriŋ, wɩɩ-la dɩdɛrɩŋ nɛ ŋ-la: Má ŋɩŋaa wɩalɩŋ sɩ ŋaa wʋtɩtɩɩba, wɩalɩŋ sɩ kɛŋ yɩrɩŋ, wɩalɩŋ sɩɩ to wombiiŋ, wɩalɩŋ sɩ bɩ disiniŋ kɛnɛ, wɩalɩŋ sɩ daga arɩ ma cho nɩaa, wɩalɩŋ sɩ zɔmɔ nɩaa sɩpaaŋ arɩ wɩalɩŋ sɩ jaŋ leŋ dɩ nɩaa bɩbɛsɛ ma lɛ. Má joŋ ma nyuŋ hɛ wɩaa deemba lɛ.

1 Tɛsalonaaka Nɩaa 5:22

Má lɩɩsɛ ma tɩtɩa wʋbɔŋ kala lɛ.

1 Timoti 3:7

Wɩa nɩaa nɩhɩaŋ maga dɩ ʋ ŋaa nɩzɔŋ nɛ nɩalɩŋ sɩ bɩ Wɩa ka chʋɔlɛ teeŋ. Dɩ ŋɩɩ dee nɩaa jaŋ wuo chei ʋ yɩrɩŋ, dɩ Sɩtaanɩ to ŋɩɩ lɛ a bɛrɛ kɛnʋ.

1 Timoti 5:14

Ŋɩɩ wɩaa, mɩ jaŋ bʋl dɩ yo-haala-la sɩ ŋaa hantolibiisiŋ, dɩ ba jaa balaba a lʋlʋl biiriŋ a bibemba, a tɩtɩŋ ba dɩa tɩntɩŋŋaa. Dɩ ba nɛ ŋaa ŋɩɩ, la dʋndɔmɔ Sɩtaanɩ bɩ jaŋ wuo na wombiiŋ a bʋl wʋbɔŋ kala a tɩgɛ la lɛ.

1 Pɩɩta 2:12

Ma sɩ guoli nɩalɩŋ sɩ bɩ Wɩa wɩaa laa dii tʋɔŋ, má kɛŋ ma tɩtɩa woruŋ, dɩ ba sɩ́ wombiiŋ na a bʋl arɩ ma ŋaa nɩbɔmɔ nɛ. Dɩ ba nɛ bʋla arɩ maa ŋaa wʋbɔŋŋɔɔ ma, má leŋ dɩ ba na wʋzɔmɔ-la ma sɩɩ ŋaa, a dɛnnɛ Wɩa dɩ ʋ yɩrɩŋ yɩrɛ tapʋlɩɩ-la ʋ sɩ jaŋ dii nɩaa sarɩya.

RUF 3:14

Ŋɩɩ nɛ Ruf pɩŋ Bʋas naasɩŋ bʋbʋɔŋ taŋ pʋl, aŋ laa sɩpaaŋ sii dɩ nʋʋkala bɩ jɩŋ. Bʋas bʋla pɩ Ruf, “Sɩ́ leŋe dɩ nʋʋkala jɩŋ arɩ haal dɩa pɩŋ taha deeŋ lɛ.”