2 Kɔrɩntɩ Nɩaa 8:2 - WƖA TENIŊ

² Ba faasa na hɛɛŋ nɛ, hɛɛ-la magɩsɛba nɛ woruŋ. Nɩaa deemba fa ŋaa summoo nɛ, ama a tɩŋ tʋɔtɔrʋ-la kɩŋkɛŋ ba sɩ kɛnɛ wɩaa, kɩalɩŋ mʋa ba sɩ kɛnɛ, ba joŋo dii zil-kʋkʋrʋkʋ nɩaa lɛ.

2 Kɔrɩntɩ Nɩaa 8:2 ပူးပေါင်းရင်းမြစ်များ

NAMAGABA 11:25

Dɩ ŋ nɛ ŋaa nʋʋ sɩ bɩ ŋ dʋndʋŋa ka dii, wɩaa jaŋ vɛŋ woruŋ a pɩŋ. Dɩ ŋ nɛ ŋaa lɩɩŋ pɩ nɩaa dɩ ba nyʋa, nɩaa ma jaŋ ŋaa lɩɩŋ pɩŋ dɩ ŋ ma nyʋa.

Matiu 20:15

Mɩ bɩ wombiiŋ kɛnɛ dɩ mɩ kɛŋ mɩ moribiee tɩŋ mɩ tʋɔtɔrɛ wɩaa? Koo ma yaraa bieru a tɩŋ mɩ sɩ kɛŋ zile wɩaa nɛ?”

Rom Tɩŋŋaa 12:8

Dɩ ŋ nɛ kɛŋ doluŋ dɩ ŋ wuo dɩdagɛ nɩaa a leŋ dɩ ba nyuŋ nyɩnyaasɛ, ŋ ma ŋɩŋaa ŋɩɩ. Dɩ nʋʋ nɛ kɛŋ zile a pɩpɛ nɩaa lɛ, ʋ ma ŋɩŋaa ŋɩɩ arɩ tʋɔ-bala. Dɩ ŋ nɛ ŋaa sɩpaalaarʋ, tɩtɩŋ arɩ sɩɩfɩɛsɩŋ. Dɩ ŋ nɛ kɛŋ doluŋ a fɩfá nɩaa nenige, ŋɩŋaa ŋɩɩ arɩ tʋɔtɔrʋŋ.

Rom Tɩŋŋaa 2:4

Wɩa sɩ kɛŋ zile kɩŋkɛŋ a kɛŋ kenyiri ŋɩɩ, a nyalɩma pɩma maa ŋaa wɩaa, ma bene arɩ ʋ bɩ kʋŋ ŋaa? Ma bɩ jɩŋ arɩ Wɩa sɩ kɛŋ zile ŋɩɩ, ʋʋ chɛ dɩ ma bɩrɩma lɩɩ ma wʋbɔŋŋɔɔ lɛ nɛɛ?

2 Kɔrɩntɩ Nɩaa 1:12

Lɛɛlɛ la jaŋ wuo bigisi la tɩtɩa lɛ, bɛɛ wɩaa la tʋɔbɩɩnaa daga arɩ la wʋŋaalaa kala zɔmɔ nʋʋkala teeŋ nɛ dʋnɩa deeŋ lɛ. Wɩɩkala la sɩ ŋaa ma teeŋ, la ŋaa wɩalɩŋ sɩɩ to Wɩa wombiiŋ nɛ aŋ pɛ ŋaa wʋtɩtɩɩ-la Wɩa sɩɩ chɛ. Nuhuobiine wʋjɩmɩŋ lɛ dee la to a ŋɩŋaa wɩalɩŋ, ama Wɩa doluŋ lɛ nɛ la ŋaaba.

2 Kɔrɩntɩ Nɩaa 2:9

Ŋ-la wɩaa nɛ tɩɩ mɩ ŋmʋnsɛ teniŋ pɩma, dɩ mɩ na dɩ ma jaŋ wuo to wɩɩkala mɩ sɩ bʋla pɩma.

2 Kɔrɩntɩ Nɩaa 6:10

La tʋɔŋ yie chei nɛ, aŋ ka la jʋjʋɔsɛ. La ŋaa summoo nɛ, ama la yie pɛ nɩaa lɛ dɩ ba kuori Wɩa teeŋ. La bɩ kʋŋkala kɛnɛ, ama la nɛ tɩɩ kʋŋkala.

2 Kɔrɩntɩ Nɩaa 9:11

Wɩa jaŋ leŋ dɩ ma nɩsɩŋ jʋjʋʋ wɩɩ na-kala ma sɩɩ ŋaa lɛ, dɩ ŋɩɩ leŋ dɩ ma faasa kɛŋ zile a pɩpɛ nɩaa lɛ woruŋ. Dɩ ba nɛ laa kɩalɩŋ ma sɩ joŋo pɩba, ba jaŋ lɔllɛ Wɩa.

2 Kɔrɩntɩ Nɩaa 9:13

Kɩalɩŋ ma sɩ joŋo pɩba daga ŋɩɩ ma sɩ naga nɛ. Nɩaa jaŋ yʋgɛ a dɛnnɛ Wɩa, a tɩŋ ma sɩ nɩɩ Wɩa wʋzɔmɔ-la sɩ tɩgɛ Kirisito lɛ a laa dii a tutoba. Ŋɩɩ ma dʋndʋŋa dee, ba jaŋ dɛnnɛ Wɩa a tɩŋ kɩalɩŋ ma sɩ joŋo dii zile, ba dɩ nɩalɩŋ kala lɛ.

MOSIS BƖRA WULLI WƖA WOMBIIŊ 15:4

Nʋʋkala bɩ maga dɩ ʋ ŋaa summu ma tʋɔŋ, bɛɛ wɩaa tintee-la ma TƖƖNA Wɩa sɩ jaŋ joŋo pɩma dɩ ʋ ŋaa ma kʋŋ, ʋ lɛ, ʋ jaŋ pɛ ma lɛ woruŋ,

1 Tɛsalonaaka Nɩaa 1:6

Ma to la wʋŋaalaa harɩŋ nɛ a to La Tɩɩna Kirisito ma. Ma sɩ laa wɩalɩŋ dii ŋɩɩ, ba dɔgɩsɛma nɛ woruŋ, ama Wɩa Dɩŋ-zɔŋ-la leŋe ma jʋjʋɔsɛ wɩalɩŋ lɛ nɛ.

1 Tɛsalonaaka Nɩaa 2:14

Mɩ naambiiri, ma ma kʋ nagɛ nɩalɩŋ sɩ laa Yesu wɩaa dii aa hilimi a hɛ Judiya tinteeŋ lɛ aa to Yesu Kirisito harɩŋ nɛ. Hɛɛ-la ba sɩ na, ʋ tɩtɩa nɛ ma ma na. Juu tɩŋŋaa sɩ dɔgɩsɛ ba tʋɔŋ nɩalɩŋ sɩ laa Yesu wɩaa dii Judiya tinteeŋ lɛ, ŋɩɩ nɛ ma ma na hɛɛŋ ma taŋ nɩaa nɩsɩŋ lɛ.

Jeems 2:5

Mɩ naambii-kpɩanaba, má jegile nɩɩ mɩ teeŋ. Nɩalɩŋ sɩ ŋaa summoo dʋnɩa deeŋ lɛ, Wɩa tʋɔsɛba nɛ dɩ ba laa ʋ wɩaa dii woruŋ a jʋʋ ʋ kuorii-la, lee-la ʋ sɩ sɩ ʋ jaŋ joŋo pɩ nɩalɩŋ sɩ chou.

Jɔɔŋ Wʋnaalaa 2:9

Mɩ jɩŋ wɩalɩŋ sɩɩ walɩmɛma nɛ, a jɩŋ ŋɩɩ ma sɩ summo, ama Wɩa teeŋ, ma ŋaa kuoroo nɛ. Nɩaa dɔnsʋŋ hɛ nɩmɛ aa chei ma yɩrɩŋ. Nɩaa deemba joŋ ba tɩtɩa arɩ ba ŋaa Juu tɩmma nɛ aŋ bɩ Juu tɩmma ŋaa. Baa to Sɩtaanɩ harɩŋ nɛ.